以往手機一跌落水，幾乎就可以講拜拜，但如今市面上已有不少防水手機，比如 Sony 的 Xperia 系列便是其中之一。不過最近日本 Kyocera 就再進一步強化這種功能，因為他們宣佈即將推出的 Digno Rafre 手機除可以防水外，更是全球首款可以「防梘液」的手機。
(閱讀全文…)
嘉禾黃埔「升級重生」！ 新技術 「DTS:X 影院」聲畫效果評測
嘉禾院線旗下的嘉禾黃埔戲院，在 9 月 7 號宣布進行內部裝修，事隔兩個多月，該戲院終於在 11 月 29 日重新營業，並於昨日舉行正式開幕典禮，以及《消失的兇手》首映禮。
該戲院除了由大堂到 4 個影院都重新大裝修之外，亦是繼百老匯院線旗下的 PALACE IFC 之後，另一間設有支援全新 DTS:X 物件導向（object-based）環繞聲技術的戲院，就讓艾域在此帶各位 Wire 民深入走訪這間重新投入服務的戲院，了解箇中的各種重大變更吧！
2 院及 4 院均支援 DTS:X
嘉禾黃埔 4 間影院，在今次裝修之後均有重大變更，除了全部換上全新投影幕之外，座位亦改用真皮座椅，當中 2 號院及 4 號院更新增支援 DTS:X 環繞聲系統，前者還配備兩行共 18 張 D-Box 座椅，與其他嘉禾戲院看齊。
據嘉禾方面透露，為著 DTS:X，2 號院及 4 號院除了更換 G.D.C. 的數碼影院伺服器 SX-2000X、戲院音效處理器 XPS-1000 之外，亦加裝了 8 個天花喇叭及兩個「前側廣角」（Front Wide）位置的喇叭，由 Crown DSi2000 及兩部 DSi4000 專業後級擴音機獨立驅動，令兩間影院分別用上 17.2.8 及 23.2.8 的喇叭格局，去輸出 DTS:X 音效。
DTS:X 13.1 聲道輸出 支援 5.1 Upmix
艾域問及嘉禾的工程人員，了解到現時兩間影院的 DTS:X 音效，原生最高支援 14 條聲軌輸出（其中一條為超低音），再透過 XPS-1000 因應不同的喇叭格局作即時運算分配。另外有趣的是，XPS-1000 現時可支援原生 5.1 聲道向上轉換（up-mixing）成 DTS:X 輸出，這是對手 Dolby Atmos 在戲院中未有提供的功能，對於一些仍使用傳統 5.1「聲道式」（Channel-based）環繞聲混音的電影，在這兩間影院放映時，理論上就可獲得更強的三維立體聆聽體驗。
攝影棚風格設計 別樹一格
除了 4 間影院大「變身」之外，嘉禾黃埔的戲院大堂亦有大變動，首先扶手電梯就新增了光影隨道效果，令觀眾有走入電影世界的感覺。至於大堂位置則用上戲棚風格設計，黑白對比強烈，較以往的白地磚、玻璃牆型格得多。
嘉禾 Deputy COO Belinda：「引入 DTS:X，是為觀眾帶來全新聽覺體驗。」
橙天嘉禾娛樂（集團）有限公司副首席營運官鄧小慧（Belinda）接受艾域專訪時表示，是次決定在嘉禾黃埔安裝 DTS:X 系統，是適逢該戲院決定進行內部裝修，而 DTS:X 這種全新環繞音效技術又在今年中正式發布，因此雙方就一拍即合。Belinda 表示：「嘉禾黃埔嘗試提供 DTS:X 音效，是希望為黃埔本區的電影觀眾帶來全新的觀影元素，而且未來港鐵觀塘綫延綫通車之後，亦希望藉著 DTS:X 吸引其他地區的觀眾，到嘉禾黃埔欣賞電影。」她續指，雖然嘉禾黃埔追加了 DTS:X 音效，但就沒有因此而提升票價。最後問到嘉禾會否打算在旗下其他戲院安裝 DTS:X，Belinda 表示需要視乎觀眾對該技術的反應再作決定。
DTS:X 戲院初體驗：「定位、三維立體感不俗，但 Paning 細緻效果仍有進步空間。」
艾域於嘉禾黃埔 4 號院試看兩條 DTS 官方 DTS:X DCP（Digital Cinema Package）測試片段，分別為 Nigel Stanford《CYMATICS》MV 及《Locked Up》動畫。試聽後感覺這間戲院所輸出的 DTS:X 音效，在營造畫面外音效的定位分明準確，環繞聲的三維立體感亦感覺突出，而且低頻表現爽快，量感不會過火，但當輸出一些聲音 Paning，即是由前左向右後的聲音移動效果，艾域就略嫌覺得不夠精密細緻，相信就亦是最高支援 14 條獨立聲軌輸出之 DTS:X，在技術上的限制所在。
慈善家定偽善家？Facebook CEO 捐贈財產或只是逃稅手段 ?
話說昨日 Facebook CEO 朱克伯格（Mark Zuckerberg）宣佈將會在有生之年捐出手頭上 99% 的公司股份，而他這個舉動亦一如預料獲得外界一致讚賞。不過其捐贈出來的財產又是否會全數用在慈善之上呢？有網媒提出疑，因為由頭到尾他都沒有提到這點，而且種種跡象更顯示今次其舉動可能只是為了逃稅。 (閱讀全文…)
空氣污染爆錶！北京有學校興建充氣體育館阻隔霧霾威脅
雖然中國經濟急速發展對國民帶來莫大好處，但同時卻又帶來不少問題，比如空氣污染便是其中之一，我們經常都會聽到國內不少城市常常受到霧霾威脅。而在有關當局想出對策之前，最近北京有一間學校為了學生著想，於是便決定興建一座充氣體育館去進行應對。 (閱讀全文…)
幾乎冇人用！Google Chrome 終於正式刪除「通知中心」功能
Google Chrome 瀏覽器一向都有不系 Add-on（擴充功能）程式可供使用，而為了強化推送訊息通知，早於 2013 年時更推出了通知中心，並於今年 4 月的更新中加入支援網頁推送通知標準。不過可惜的是自推出之後通知中心的使用率卻少之又少，所以來到今日 Google 終於決定將之刪除。 (閱讀全文…)
【unwire TV】風火輪自爆射煙花？ 再造紙機救地球？
3/12 今日新聞精選
風火輪又自爆 突然著火射煙花！
http://unwire.hk/2015/12/03/hoverboard-exploded-caught-fire/life-tech/
Epson推出民用版 A4 再造紙生產機
http://unwire.hk/2015/12/03/epson-paperlab/life-tech/green-2/
搞乜花臣？OnePlus 竟推出 iPhone 6s 專用保護殼玩偽裝
http://unwire.hk/2015/12/03/oneplus-sandstone-case-for-iphone-6-and-6s/mobile-phone/phone-parts/
災難復原咪以為唔關你事 各行各業均須正視的四大理由
天災人禍往往難以預料，對於商業機構而言，如果數據中心因為不同意外而導致停機、甚至丟失數據，損失隨時難以估計。不過如果企業預先做好災難復原（Disaster Recovery）準備的話就能夠迅速應變，將損失減到最低！
高手在民間！海外玩家將《XCOM》搬上 Excel 堅可以玩到
雖然 Microsoft Office 的 Excel 大多都用於工作之上，但過去我們經常會見到有人會利用它來繪製圖畫，而且其應用層面似乎更不止如此，因為最近一位海外玩家竟然利用 Excel 製作出一款可以玩得到的遊戲，而且主題更是來看 2K Games 的模擬策略遊戲《XCOM》，相當厲害！ (閱讀全文…)
OL 最啱用！日本製「暖腳神器」冬天著短裙返工都冇有怕
近日天氣又開始轉冷，雖然冬天仍未來到，但已經開始感到陣陣涼意，再加上不少辦公室即使去到冬天都會開住冷氣，雖然上身可以穿著大褸保暖，但要保持雙腳溫暖卻並非是易事。幸好隨著科技進步，這個問題已不用再擔心，因為原來有日本廠商推出了一個「暖腳神器」，如此一來開工時雙腳就無需再捱凍了。 (閱讀全文…)
樂 1s？定係出舊機 MAX？Letv 向港媒發邀請函
之前筆者就曾經到北京，為大家直擊樂視最新推出的智能手機：樂 1s，最近亦有消息指樂 1s 將會有球迷特別版，手機價更包括睇英超一年直播的月費。今日筆者就收到 Letv 傳來的記者會邀請函，當中指出下星期二 12 月 8 日將會發佈新產品，當中更有手機外形的影子，而主題是「Le Future」，前者應是 Letv 的簡稱，而後者意思應是展示未來推出的產品，加上各張 Letv 在官方 Facebook 貼上的宣傳圖，看來樂 1s 應該會提早在香港推出吧。
手機記憶體極速升級！傳 Snapdragon 830 處理器可支援 8 GB RAM
隨著需要處理的功能越來越多，今年起有部份廠商推出的旗艦機已開始配備 4 GB RAM，而且預計這種配置在明年應該會更加常見。不過智能手機記憶體的升級速度或可能比想像中更快，因為最近就有消息傳出 Qualcomm 下一款處理器將可以支援 8 GB RAM，似乎他們已經準備好 8 GB RAM 手機的到來。 (閱讀全文…)
終於認命唔再「攬」Flash ？Adobe 推出 Animate CC 鼓勵開發者採用 HTML5
曾幾何時 Adobe 的 Flash 曾經有過一段光輝日子，不過自從出現過多次重大安全問題之後，不少瀏覽器已相繼將之封殺，而且官方亦似乎已打定輸數，因為 Adobe 較早前就宣佈 Flash Professional CC 將會進行改版及改名，而且更鼓勵開發者採用 HTML5 格式，如此即等同半放棄了 Flash。 (閱讀全文…)
港女科技一週：我細個打機認真過溫 TSA
唔知大家對「打機」的定義係咪同我一樣，我覺得平時無聊開個小遊戲出黎消磨下時間，玩下係唔算「打機」的，我頂多會叫呢啲做「玩 Game」。我覺得要花（好多）時間，要諗，甚至要用錢個啲，先至算係「打機」。所以按照以上的定義，我係好耐都冇打過機，或者咁講，由細到大我只係因為一隻遊戲而打過機，個隻遊戲叫「Pokemon」。
說起來已經係小學的事，個時 TSA 係叫學能測驗，but no one cares（可能有人 care，但我冇印象有好大壓力）～我淨係知個時差唔多個個小朋友都有一部 Gameboy，而我自己個部 Gameboy 係生日禮物黎，透明紫色的，仲有一條淺藍色的 Gameboy 電話繩綁住喺上面。初頭都係玩啲雜錦遊戲，例如俄羅斯方塊、Super Mario 等等呢啲唔使用好多時間就「打爆」的遊戲。有一段時間，因為睇卡通片，朋友仔之間又開始玩相關遊戲，我的潮媽就買左一人一餅「Pokemon」Game 帶俾我同細妹。
點解玩 Pokemon 對我黎講算係打機呢？因為我地好認真鑽研，誓要玩好呢個 Game！細個個時唔識日文（而家都唔係好識，不過有 Google Translate 神助～），又少接觸呢類型嘅遊戲，朋友仔更加係半斤八兩啦，所以開頭完全唔識玩。不過小朋友學野好快，自己摸摸下又會玩到，只係好多時都唔跟指示玩（都話唔識日文，點跟喎～），搞到過唔到關，最後走去賣 Game 嘅鋪頭問點玩。
點知原來打機係有攻略睇架喎，但正版好貴，阿媽就買左本老翻攻略俾我同細妹自己參詳。先唔講本老翻攻略啲中文有幾差，仲差過 Google Translate，細個中文字都未學識晒啦，仲要有亂碼 LOL 我同細妹好多時唯有估估下，睇下佢啲 ScreenCap 圖，又要寫筆記，本攻略 Mark 左好多野，又貼左貼紙，仲用包書膠包埋，認真過溫書。細個玩覺得好刺激，打贏左一關大佬又會好開心，仲會返學校同同學仔交流心得，哈哈！！！
除左打 Pokemon 咁認真，要買埋本書返黎打之外，中間斷斷續續都有花時間玩其他 Game 嘅，但「打機」黎講，好似真係冇嚕。以前細個嘅生活都算係正常，起碼會有玩嘅時間，而家啲小朋友堅慘，俾老師家長社會催谷，冇晒童真。想輕輕鬆鬆鄧梓峰？移民去外國啦，sosad。
搞乜花臣？OnePlus 竟推出 iPhone 6s 專用保護殼玩偽裝
Apple 的 iPhone 一向都有價有市，雖然如今官方已經在手機上加入更多保安功能，但由於不法人士始終有辦法破解，所以往往都會成為賊人偷竊的對象。正因如此，如果可以令 iPhone 的外觀變得更低調，或可以減少風險，比如使用以下的 OnePlus 手機保護殼，可能會是個不錯的方法。 (閱讀全文…)
情侶必到打卡點！新城市廣場超浪漫聖誕玻璃花園 5大影相位
籮文：「平玩 BoomSound」HTC Desire 728 Dual Sim 初步評測
HTC 繼早前推出酷似 iPhone 嘅 A9之後，今日再推出 Desire 728 Dual Sim 為大家帶來聖誕祝福。依部中價機有5.5吋螢幕及 BoomSound 雙前置喇叭。平價玩手機影音享受，想知有幾正就快快閱讀以下文章！
全玻璃機面設計 個樣有啲笨重
分別有黑白兩色可供選擇，用上全玻璃機面設計，即刻有啲似 iPhone 4 嘅感覺（又似！？），籮文就覺得依個設計有啲老套，始終玻璃機面又唔係新嘢，加上用家最怕就係爆芒，依家仲要全個機面都係玻璃，唔知耐跌程度有幾大呢，同埋邊框好啲粗，搞到部機好似好笨重，雖然個樣笨重，機身厚7.87mm，手感上有啲厚，但揸起上黎都算舒適，可能因為我手比較大。
▲用上全玻璃機面設計，即刻有啲似 iPhone 4 嘅感覺（又似！？）
▲機背用上硬膠，易痴上油印
▲機身厚7.87mm，手感上有啲厚，但揸起上黎都算舒適。
▲下方有 MicroUSB 位
▲右側有音量及開關制
▲機頂 3.5mm 耳機插
2+1卡槽 真・雙卡
HTC Desire 728 Dual Sim 支援真正雙卡雙待，2+1卡槽設計讓用家插晒兩張 Sim 入機之後都可以插入 MicroSD 卡，兩張 Sim 卡與 MicroSD 卡獨立處理，可以同時使用。唔似其他標榜雙卡雙待的手機，插晒兩張 Sim 就不能用 MicroSD。內置 16GB 儲存空間，唔夠用的話，MicroSD 最高可以支援 2TB，夠用啦啩？
▲2+1卡槽設計讓用家插晒兩張 Sim 入機之後都可以插入 MicroSD 卡
平享 BoomSound 靚聲 5.5吋大芒
HTC 嘅 BoomSound 雙前置喇叭出晒名靚聲，但擁有 BoomSound 嘅機偏偏都係比較高價位，近年 HTC 都將 BoomSound 帶到 Desire 中階機系列。今次 Desire 728 唔只有 BoomSound，仲有 Dolby Audio 音效技術，可以模擬 5.1 影音效果，不過籮文試過 Dolby Audio 效果，就覺得似係「掛名」多啲。靚聲之外，加上 5.5吋 720p 螢幕，畫面夠光，但聞 Mon 距離睇文字就會見起格。仲有可視角度比較窄，當係免費送你防偷窺功能。
▲HTC 嘅 BoomSound 雙前置喇叭出晒名靚聲，但擁有 BoomSound 嘅機偏偏都係比較高價位，近年 HTC 都將 BoomSound 帶到 Desire 中階機系列
▲今次 Desire 728 唔只有 BoomSound，仲有 Dolby Audio 音效技術，可以模擬 5.1 影音效果。
▲畫面夠光，但聞 Mon 距離睇文字就會見起格
▲正面冇問題，側少少時畫面就會暗很多
冇 UltraPixels 但相機表現合格
Desire 728 擁有 1,300萬像素主相機及500萬像素前鏡，雖然冇 UltraPixels，但前後鏡表現都不錯，內置即時美顏、雙重曝光等相片特效功能。即時美顏功能都非常自然，只係冇 OIS 所以好易鬆郁矇，隻手定啲就 OK。
▲ 雖然現場燈光偏黃，但相機色彩都很鮮豔
▲從線條可見細緻度頗高，光圈夠大，可以影到前清後矇景深效果
▲前鏡效果不俗
效能分數比 Note 4 稍低
雖然係中階機，但效能都唔算太低。用上 Octa Core 八核處理器及 2GB Ram，日常使用睇片一定冇問題，但係打機就要視乎遊戲耗能度。只用到 720p 螢幕，但電池容量達到 2,800 mAh，要用全日無難度。跑 Antutu 3D Benchmark 分數比 Note 4 仲低，但有33662分，作為中階機都算係咁。
籮文：「賣點只有 BoomSound 」
其實部機除了 720p 螢幕表現及效能比較一般外，其實都好 OK 。籮文就覺得依部機啱晒聖誕送俾長輩做禮物，因為 BoomSound 喇叭夠大聲，唔怕聽唔到電話響同屋企睇片睇馬可以夠大聲喇！
HTC Desire 728
售價：＄2,398
依莉詩「輕鬆打出綿密泡泡」－Panasonic 綿密泡沫潔面器 評測
聖誕節就到了，姊妹們都開始諗定點打扮去聖誕 party，但化妝的同時，如果清潔得唔乾淨，臉上多餘的油脂及殘留的化妝品，很容易會堵塞毛孔，所以 Panasonic 就推出了全新的綿密泡沫潔面器，就等我依莉詩分享下用後感啦！
功能多又唔太重
呢部洗面機唔只係洗面咁簡單，仲將卸妝同深層清潔功能加入其中，實行由外到內深入清潔阻塞毛孔污垢、死皮細胞同殘餘妝容。雖然聽落好似多咗功能，不過外型仍然係洗面機的外貌，而且唔係特別重，甚至比 Clarisonic 的洗面機還要輕。把手與刷頭呈 45度，而且好輕，潔面時比起 Philips 的洗面機來得順手又貼面。不過要用到溫感卸妝頭的時候就比較唔就手，因為倒轉部機用會頭輕尾重，好易會跣手咁。
▲ 套裝除了洗面機外，還有量杯、柔軟潔面刷頭、泡沫潔面刷頭、防水架同兩腳插頭。
▲ 機身上有兩個按鈕，上面係洗臉按鈕，可以選擇使用 Soft 或 Normal 兩個模式，而下面係溫感卸妝按鈕，可以選擇2段溫度調節（約43°C及48°C）。
▲ 洗面機係充電設計，雖然說是全機防水，不過用的時間還是要記得蓋好啊！
▲ 這個 S型的架係用來將洗面機放上去，等內部殘留的水晾乾。雖然外型有 D 奇怪，不過應該幾有用，我一路用開的 B.Kettner 洗面機就係因為經常入水而傻下傻下呢！
輕鬆打出綿密泡泡
呢部洗面機最大的特點係「自動製泡」功能，機內有一個泡沫攪拌系統，只要將適量潔面乳、潔面液、潔面粉 及水放入機內，就可以打成綿密泡沫。比起平時要先將潔面產品放係另一隻手手心再轉動慢慢起泡或者用起泡網打出來，更快速成形，而且更濃密軟滑。軟綿綿的泡放係面上令整個潔面過程都舒服咗呢！
▲ 打開潔面乳導入倉，直接將潔面產品倒入去，再將量好的水直接從刷頭上方倒入洗面機，開機後數十秒就會有泡泡跑出來了。
▲ 我分別嘗試將潔面液 (上圖) 同潔面粉 (下圖) 倒入洗面機，起泡時間同打出來的泡質地都差不多，泡沫豐富而厚實。
泡沫潔面較溫和
洗面方面，洗面機分咗泡沫潔面同深層清潔兩個功能，官方建議每日使用泡沫潔面一次，而深層清潔就每星期使用一次，同樣都係一分鐘完成，並且會每隔 20秒發出聲音，提示清潔 T字位同雙頰的時間。泡沫潔面刷頭用旋轉的方式以綿密泡沫清潔，沒有刷毛接觸皮膚表面，所以都比較溫和，能減低潔面時對面部的磨擦，所同樣地未必能徹底清潔。至於柔軟潔面刷頭擁有約 21,850條刷毛，每條尖長刷毛細至 0.01mm，配合綿密泡沫接觸皮膚表面，清潔毛孔的污垢較徹底。
▲ 洗面機的泡沫會係中間跑出來。
▲ 左面的泡沫潔面刷頭沒有刷毛，主要以綿密泡沫清潔，而右面的柔軟潔面刷頭有 D 似 Clarisonic 的尊貴絲柔面部刷頭 ，不過刷毛就更柔軟。
▲ 我使用之前的方法進行測試，泡沫潔面刷頭的清潔力與 Dr.Bauer 的洗面機差不多，使用 1 分鐘後防水眼線筆仍然有殘留。畢竟用空氣旋轉的方式清潔，沒有刷毛接觸皮膚表面，所以都比較溫和。
▲至於使用柔軟潔面刷頭作相同測試，唔夠 1 分鐘，防水眼線筆就已經完全清洗乾淨，而且手亦沒有灰色，效果不錯。
▲ 說到刷頭的耐用程度，泡沫潔面刷頭沒有刷毛，基本上唔洗點更換，而柔軟潔面刷頭卸妝後亦沒有明顯的黑色留在刷頭上，應該都會幾耐用。
溫感卸妝作用不大
除了洗面功能，洗面機的另一端係「溫感」卸妝頭，洗面前可以配合卸妝產品利用微溫加速融化妝容。不過，我就覺得同用手卸妝沒太大分別。反而佢只需 30秒就可以升至 43°C 或 48°C，潔面後用來導入護膚品不錯呢！
▲ 洗面機尾係「溫感」卸妝頭，細細地可以用係眼肚等角位，不過倒轉洗面機後，頭輕尾重，唔太就手。
依莉詩「輕鬆打出綿密泡泡」
一般洗面機要起泡都要先將潔面產品放係另一隻手手心再轉動慢慢起泡，而 Panasonic 呢部洗面機就有「自動製泡」功能，打出來的泡沫亦非常綿密，令潔面過程更舒服。至於溫感卸妝頭雖然用作卸妝就用途不大，不過潔面後用來導入護膚品不錯呢！
Panasonic 呢部洗面機是小編試過的第 7 部洗面機，如果要作比較，把手與刷頭呈 45度，而且好輕，潔面時比起 Philips 的洗面機來得順手又貼面。不過要用到溫感卸妝頭的時候就比較唔就手，因為倒轉部機用會頭輕尾重，好易會跣手咁。而用柔軟潔面刷頭的話清楚程度我會覺得它近似 Philips 的洗面機，而刷毛的柔軟度適中，不會出現敏感，而且有效清潔到鼻翼兩側的潛藏污垢。不過，如果使用泡沫潔面刷頭的話，畢竟用空氣旋轉的方式清潔，沒有刷毛接觸皮膚表面，清潔效果亦不太好，但亦比較溫和，適合少化妝同有敏感皮膚的朋友。
價錢雖然 Panasonic 呢部洗面機有點貴，不過比起 Philips 和 Clarisonic 的洗面機還算化算，如果鍾意用軟綿綿的泡沫潔面，又覺得用製泡網麻煩的話，不妨一試。
清潔方式: 旋轉
清潔效果: ★★★☆☆
刷毛觸感: ★★★★☆
把手觸感: ★★★☆☆
重量: 輕巧
跟機刷頭: 2 個
刷頭選擇: 2 種刷頭
刷頭耐用: ★★★★★
使用提示: 1分鐘自動停下(每 20秒聲音提示)
速度控制: 2 種速度調校
供電方式: 充電式
零售價: HK$ 1,080
查詢：Panasonic (2833 0955)
Instagram 濾鏡名稱成家長改名新潮流
身邊不少準爸爸媽媽都為著孩子改名苦惱，畢竟「唔怕生壞命，最怕改壞名」，在香港既要為孩子想好中文名字，英文名字亦不可或缺。因為細細個考幼兒園隨時被問 What is your name? 如果你正在為改名苦惱，不妨打開 Instagram 參考濾鏡的名字，是美國的新潮流。
玩玩下突然著火 HoverBoard 自爆又一單
日前香港黃大仙彩虹邨有電動平衡車爆炸，令到家園被焚毀，事主揚言中國製會爆炸，以後都不敢買國貨。這類 HoverBoard 平衡車突然在全球流行，縱使全球多國都宣佈不能在街道合法使用，購買的消費者依然不少。然而爆炸的事故卻未有停止，最新一宗發生在美國阿拉巴馬州。
Samsung 為 Gear VR 推出瀏覽器
Samsung Gear VR 是現時市面最容易入手的 VR 裝置之一，日前 Samsung 宣佈為 Gear VR 推出全新的瀏覽器 Samsung Internet for Gear VR，讓用戶可以在使用 Gear VR 時同樣可以繼續上網瀏覽，尋找資料或者欣賞短片內容。
Epson 推出民用版 A4 再造紙生產機
雖然很多企業推廣無紙辦公室，盡量減少打印文件，不過 A4 紙仍然是辦公室不可或缺的東西。將紙張回收再造可以減少浪費，不過回收再造的過程大費周章，於是 Epson 就研發了一款民用的 PaperLab 再造紙張機器。賣點是可以擺放在辦公大樓，而且毋須用水。
