相信有留意 unwire 的讀者，都知道早前 Pebble 推出了他們旗下首款採用圓形錶面的智能手錶 Time Round，不知道有多少 wire 民第一時候決定入手呢？最近第一批貨就終於 ship 到香港，我們亦取得此錶真身，現在就為大家介紹一下試玩後感啦。
DTS:X 「新世代」環繞聲 － 艾域為你解構 ＋ 評測
若 Wire 民平日愛到戲院睇戲，相信大家買飛時都會發現不少電影都有 Dolby Atmos（全景聲）版本，這種於 12 年正式面世的次世代環繞聲技術，是一種「物件導向式」（object-based）音效技術，現時除了 Dolby Atmos 之外，其最大對手 DTS 亦已在今年中宣佈將會推出同類技術 DTS:X，並與前者一樣同時適用於戲院及家庭影院之中。
甚麼是「物件導向式」環繞聲？
「物件導向式」（Object-based）環繞聲技術，不論在前期聲音設計還是最終重播時，都會設有獨立的聲效物件（Sound Object），這些音效物件能夠隨意指定在整個 3 維聆聽空間中某個位置出現，例如雨聲在頭頂、飛機在右後方出現，甚至因應劇情發展而設計這些「聲效物件」的精確移動情況，例如鬼怪在整個空間由左後方飛向右前方。由於加入 Sound Object，Object-based 環繞聲就可徹底提升音效的仔細度及連貫性，配合適合的器材，便可享受三維立體感明顯提升的環繞聲體驗。
《飢餓遊戲》大結局 DTS:X 香港處子登場
不過相比發展已經如日方中的 Dolby Atmos，DTS:X 至今仍然處於起步階段，採用該種音效技術編碼的 Blu-ray 影碟，現時就只有《Ex Machina》（《智能叛侶》）及《American Ultra》（《特務傻的孖》）兩套電影的美版 BD，而將在明天上映的《飢餓遊戲終極篇：自由幻夢 2》（下稱《飢》），則會在百老匯院線旗下的 Palace ifc 戲院五號院，以及荃灣百老匯一號院上映 DTS:X 版本，為香港首次上映該環繞聲版本的電影，讓影音愛好者能夠首度親身體驗 DTS:X 實際效果。（20/11 更新：荃灣百老匯一號院未有 DTS:X 版本上映。）
硬件更新仍未就緒
為何艾域會說《飢》是首度親身體驗 DTS:X 實際效果的電影，不是說已有兩套美版 BD 推出了嗎？實情是雖然軟件已經可在部分有出售美版影碟的店舖中購買得到，但到此刻為止市場上所有號稱 DTS:X Ready 的擴音機，都未有正式更新韌體發佈，簡單而言就是「有碟都無用」。
不過艾域今日到訪的 D&M 影音示範室中，就擺放了一部已安裝廠方 DTS:X Beta 測試版本韌體的旗艦級擴音機 AVR-X7200W，令我能夠初步體驗一下 DTS:X 音效，當中就包括《American Ultra》這套配備 DTS:X 音效的美版 BD。據 D&M 表示，Denon 及 Marantz 的 DTS:X 正式韌體更新預計需在明年才會提供，並會先為旗艦型號 Denon AVR-X7200WA 及 Marantz AV8802A 推出相關更新，第二批則是 AVR-X6200W 及 SR7010，其他型號則會「排隊」更新，對於心急人士而言或許就要再等一下了。
DTS:X 音效更平衡 移動效果突出
艾域是次試看的片段，就包括收錄於《2015 DTS Blu-Ray Demo Disc Vol.19》示範碟的動畫短片《Locked Up》，以及《American Ultra》中的一段警署槍戰爆破戲。
先說《Locked Up》，這段片段會有一隻蒼蠅在整個環繞音場之中飛來飛去，對比自己曾經試以 UpMix 方式聽過的效果，真正的 DTS:X 聲效的移動效果就更為突出連貫，而且更具立體感。
至於《American Ultra》這套已經「見街」的 BD，試睇後感覺 DTS:X 音效的低頻變得較為收歛，而非以往「DTS 系」音效常有的超大動態、量感強勁的低頻，令整體環繞聲表現變得更為平衡，令人更易投入電影之中。另外一個重要聽感，就是 DTS:X 的環繞聲道效果，確實較傳統聲道式（Channel-based）更為突出。
DTS Neural:X Upmixing 表現有實際提升
作為 Denon AVR-X3200W 擴音機的用家，艾域早前在家中睇戲時就發現，當擴音機接收到的是 DTS 系之音效訊號時，擴音機是無法使用 Dolby Surround 模式，將之 Upmixing 向上模擬成 Dolby Atmos 輸出，亦即自己使用中的一對 Atlantic Technology 44-DA 全景聲附加喇叭模組就會立時「罷工」 ，無法反射營造出上空的聲音效果。
與 Dolby Atmos 一樣，DTS:X 亦將會提供名為「DTS Neural:X」的 Upmixing 功能，將傳統 5.1 聲道、7.1 聲道甚至兩聲道 DTS 音效向上轉換，將之模擬成 DTS:X 效果。今日艾域亦試播《異空戰士》港版 BD，這張 BD 原生採用 DTS-HD Master Audio 7.1 聲道音效，播放湯告魯斯開首搶灘一幕，艾域就發現使用 DTS Neural:X 輸出時，整體環繞聲的垂直層次明顯較強，令整體聲音的立體感更為明顯，環繞聲聲道的聲音亦比原生 7.1 時更為埋身，情況與播放 DTS:X 時類同，亦足證 DTS Neural:X 這個 Upmixing 功能有實際功效。
籮文：「明點解一部手機賣七萬幾」Vertu New Signature Touch 系列手機評測
出名奢侈的手機品牌 Vertu 近日於香港發布全新 Signature Touch 系列手機，機身有極高工藝水平，可選多種皮革包覆，5.2吋 Full-HD 藍寶石屏幕，2,100 萬像素鏡頭，預載 Android 5.1 Lollipop 系統，用家仲有特權，可以使用 Vertu Concierge 私人助理服務，極具奢華，想知有幾奢有幾華就繼續閱讀以下文章啦！
極具奢華的外觀
機身外殻以5級鈦板打造，機身以手工皮革包覆，皮革可選取小牛皮、蜥蜴皮、鱷魚皮等，金屬部份亦有多種材質可供選擇。機背有 MicroSD 及 Sim 卡槽，背板以鷗翼方式打開，即時令籮文想起 Benz 跑車的鷗翼車門設計。每部 Signature Touch 都由工匠手工打造，打開背板後可見工匠的簽署（對手工有什麼不滿意可以找他投訴）。機面有多種幾何形狀金屬堆砌而成，下方有皮革色覆的枕位，籮文覺得有點像 Mouse Pad 枕手的位置，但華麗好多。所有外觀材質都可以自訂（有錢就得），最適合重視個人化的用家。有皮革包圍，整體上手感都非常好，唯一缺點是比較重，但仍然可以接受。
▲機面有多種幾何形狀金屬堆砌而成，下方有皮革色覆的枕位，籮文覺得有點像 Mouse Pad 枕手的位置，但華麗好多。
▲將小機關反起再左右擰，兩邊背板就會彈開
▲機背有 MicroSD 及 Sim 卡槽，背板以鷗翼方式打開，即時令籮文想起 Benz 跑車的鷗翼車門設計
▲每部 Signature Touch 都由工匠手工打造，打開背板後可見工匠的簽署（對手工有什麼不滿意可以找他投訴？）
▲所有外觀材質都可以自訂（有錢就得），最適合重視個人化的用家。
▲顧客亦可享用 Vertu 的保養服務，整花了機身可以找工匠拋光
▲3.5mm 耳機位及音量鍵都在左側
▲Micro USB 位及開關鍵都在右側，紅色的按鈕用途容後再解釋
Vertu 用家的專享服務
原來粒紅色按鈕是用作開啓 Vertu 用家的專享服務，一按下就會有三大服務供用家選擇，包括生活協助服務（Vertu LIFE）、品質保障服務（Vertu CERTAINTY）及私人助理服務（Vertu Concierge）。Vertu LIFE 主要為用家提供精選的活動，例如畫展、酒會等，還有進入私人會所或俱樂部的尊享特權和關店購物的優先權。Vertu CERTAINTY 就似 Blackberry 的 DTEK，Vertu 與科技團隊 Silent Circle合作確保 Vertu手機用戶的信息安全。服務包括加密電話、簡訊和視頻。此外，Vertu 手機尋回服務能夠在任何時候鎖定手機、抹除信息，並找回用家的 Vertu，以確保您手機的絕對安全並從不遺失。而 Vertu Concierge 私人助理服務就是向顧客提供一對一管家服務，從旅行安排、住宿和就餐體驗，到禮品挑选和私人宴會的入場券一應俱全。買了機的用家可以免費享受 18 個月的私人助理服務。
▲原來粒紅色按鈕是用作開啓 Vertu 用家的專享服務，一按下就會有三大服務供用家選擇，包括Vertu 生活協助服務（Vertu LIFE）、Vertu 品質保障服務（Vertu CERTAINTY）及私人助理服務（Vertu Concierge）
▲私人助理服務（Vertu Concierge）
▲品質保障服務（Vertu CERTAINTY）
▲生活協助服務（Vertu LIFE）
5.2 吋全高清 V 型隱藏前置喇叭
LED 背燈使用的磷光粉經特別挑選，New Signature Touch 的 5.2 吋全高清顯示屏色彩飽和度和 428ppi 像素密度的細緻度都不錯，並且用屏幕玻璃面用了130克拉第五代藍寶石覆蓋，堅硬防刮痕。喇叭隱藏於機面下方金色 V 型裝飾及皮枕之間，籮文用了 Signature Touch 看了 Let it go 的 MV，顯示屏色彩鮮豔，音量亦足夠，證明 Signature Touch 不只是賣名牌效應，配置都是超過合格，揸上手真的不捨得 Let It Go。
▲喇叭隱藏於機面下方金色 V 型裝飾及皮枕之間
▲籮文用了 Signature Touch 看了 Let it go 的 MV，顯示屏色彩鮮豔，音量亦足夠，證明 Signature Touch 不只是賣名牌效應，配置都是超過合格
2,100萬像素相機 可拍 4K
Signature Touch 搭載 Snapdragon 810處理器，64GB 內置記憶體 及 4GB Ram， 2,100萬像素 f2.2 光圈相機效果都不過不失，但更吸引是可以拍得到 4K 短片，而電池容量高達 3,160 mAh，持續力都頗強。操作過程中籮文未遇到窒機情況，但要留意一點就是開啓相機的速度比較慢。
籮文：「當藝術品 依個價係值嘅」
見到華麗嘅機身，真皮包覆，仲係由工匠人手打造，就知依部係非一般的手機，外觀設計更加可以當係藝術品睇，加埋 Vertu 客戶專有特權，去到外國突然想食個香港杯麵都可以用 Vertu Concierge 叫人送過黎，趕時間去開會點知飛機 Delay？可以叫人搵架直昇機過黎接你。（當然要另外收費）諗起都興奮，不過諗下好啦，因為價錢…
價格：據款式而定 由 HK$75,200 起
查詢：2526 1283 （Vertu）
籮文：「拍片功能是重點」Leica SL Typ 601 全片幅無反相機初步評測
Leica SL Typ 601 全片幅無反相機正式於香港發布，採用 2,400 萬像素感光元件，也加入 4K 影片錄影，另外採用 2.95 吋的觸控螢幕，搭配雙 SD 卡設計，也具有 Wi-Fi 連線功能。想知更多請繼續閱讀。
外型太簡約 令我好迷惘
本身未用過 Leica 的籮文一拎 Leica SL 上手，首先覺得好重，機身連電池已經重 847g ，比其他品牌的入門單反更重。此外，籮文覺得好迷惘，雖然 SL 機身按鈕不多，但全部按鈕都冇文字或圖示解釋，除了 On／Off 及 快門鍵可以估到用途之外，其他按鈕都要按過先知有乜用。撇除大鄉里籮文唔識用之外，其實 Leica SL方方正正的設計很簡約，是幾有美感的。而 Leica SL 亦備有防塵、防水滴功能及支援雙 SD 卡插槽。
▲ SL 機身按鈕不多，但全部按鈕都冇文字或圖示解釋，除了 On／Off 及 快門鍵可以估到用途之外，其他按鈕都要按過先知有乜用
▲機頂 LCD 屏旁邊按鈕有什麼用？原來是影相 mode 及拍片 mode 的切換
▲左機側可見 HDMI、USB 3.0 及 其他插口
▲支援雙 SD 卡插槽
400 萬像素 EVF 好清好順好自然
鋁合金機身感覺非常硬淨，亦有密封設計預防塵埃水濺。機身按鈕較少，操控上需要多使用 2.95 吋 104 萬點的輕觸式屏幕，同時備有 440 萬像素電子觀景器，而籮文使用觀景器取景時覺得十分舒適，一來因為像素密度高，二來 Leica 今次採用了 EyeRes 技術，更新率都有所提升。機頂亦設有 LCD 屏幕可供用家查看攝影資訊。
▲操控上需要多使用 2.95 吋 104 萬點的輕觸式屏幕
出三支新鏡 用盡 2,400 萬全片幅 CMOS 同時支援 T 鏡
Leica SL（Typ 601）採用 Leica T 接環，可以用 Leica T 系列鏡頭。廠方亦同時推出3 支專用鏡頭，分別是 24-90mm F2.8–4 ASPH、90-280mm F2.8–4 及 50mm F1.4 ASPH。用盡 2,400 萬全片幅 CMOS ，快門效果由最長30分鐘至最高 1／8000秒，ISO 最高可達 50,000。
▲用盡 2,400 萬全片幅 CMOS ，快門效果由最長30分鐘至最高 1／8000秒，ISO 最高可達 50,000。
Android iOS 可作遙控拍攝 罕有機身內建 GPS
Leica SL 罕有內置了 GPS 全球定位系統，在 EXIF 中加入拍攝時的地理數據，以及可以自動調教相機中的時區設定。用家亦可以透過 WLAN，用裝了 Leica SL App 的 iOS 或 Android 手機平板連接相機，作遙控拍攝及實時 Live View，非常簡單直接。
▲用家亦可以透過 WLAN，用裝了 Leica SL App 的 iOS 或 Android 手機平板連接相機，作遙控拍攝及實時 Live View，非常簡單直接。
拍 4K 去到 30fps 拍 Full-HD 仲上到 120fps
Leica SL 搭載 Maestro II 處理器及 2GB 緩衝記憶體，高效性能令 SL 可以拍得到每秒11張相片連拍及 30fps 的 4K，而 Full-HD 更可以去到 120fps，讓用家可以後期製作慢動作效果。SL 也有不少方便後製的功能，如水平、Focus Peaking、V-Log L gamma、班馬紋等。
測試相片
▲高速自動對焦，運動照片都拍得很清?（f/3.5，1/250，ISO 800）
▲現場較暗，但顏色仍表露無遺（f/4.0，1/15，ISO 800）
▲用到 ISO 1600 未見有雜訊（f/3.5，1/250，ISO 1600）
籮文：「拍片功能是重點」
Leica SL 一揸上手真係好重，但係籮文明白點解會咁重，SL 鋁合金機身俾我感覺好硬淨，機身重量令我拍片左右 Pan 時更加穩定。而 SL 具備有 4K @ 30fps 錄影的能力，（4:2:0 內置儲存、另可作 4:2:2 HDMI 輸出），而拍 Full-HD，更可拍最高 120fps 的短片拍攝，可見 Leica SL 在拍片上的心機，令依部 SL 唔單只係相機，仲係一部專業嘅攝錄機。
Leica SL Typ 601 機身 HK＄56,500
Leica Vario-Elmarit-SL 24-90mm f/2.8-4 ASPH 鏡頭 HK＄35,200
以正視聽！Sony 回應恐怖份子涉嫌用 PS4 互相溝通傳聞
上週法國巴黎發生的恐怖襲擊震驚全球，而事件更造成不少人命傷亡。事後比利時當局在拘捕一批疑犯時，就有報導指如今恐怖份子開始利用 PS4 來溝通，令執法機構難以追查他們的行蹤。不過 Sony 很快便對上述消息作出回應，務求令外界了解當中的事實。 (閱讀全文…)
童年回憶返來喇！Bandai 宣佈推出復刻版《龍珠》萬變咭
如果大家有經歷過上世紀 80 及 90 年代，相信或多或少都應該玩過「萬變卡」這種產品吧？當年好多地方都設有各式各樣的萬變卡機，只需入一蚊即可抽到一張，而抽到閃卡更會令人非常雀躍。至於在眾多萬變卡中，以《龍珠》作為主題的就肯定是最受歡迎，而且今日更收到好消息，因為 Bandai 宣佈《龍珠》萬變卡將會復刻推出！ (閱讀全文…)
Elke 教你點樣用盡 LG V10 副屏幕
展現懷舊氣息！ThinkGeek 推出 8-Bit 風格蠟燭台 LED 座檯燈
過往紅白機遊戲的 8-bit 畫面雖然看起來質素好差，但如今卻變成了一種懷舊風格，而且近年不少遊戲都用上類似的畫風，令人十分懷念。雖然通常這種 8-bit 風格只能在螢幕上看得到，但最近卻有廠商將之帶到現實生活中，並推出了一款視覺效果一流的 LED 座檯燈，看起來相當獨特。 (閱讀全文…)
一插電視即變 PC！Google 全新 PC 手指「Chromebit」現已發售
月初曾有消息指 Google 計劃將 Android 及 Chrome OS 合併，令人懷疑後者或會被放棄。不過其他 Google 便作出澄清，並表示 Chrome OS 將會繼續存在，並且及後仍會推出相關的產品。而一如官方承諾，Google 今日終於正式推出一款全新 PC 手指 Chromebit，而它正正就是採用 Chrome OS 為作業系統。 (閱讀全文…)
後置鏡頭光圈提升！傳 iPhone 6c 已準備好可隨時生產發售
雖然 iPhone 6s 及 iPhone 6s Plus 只是推出了一段時間，但有別於以往每年推出一次的週期，下一款 iPhone 或很快便會降臨。因為早前有分析師指出 Apple 已計劃推出一款 4 吋 iPhone 新機，今日有最新消息指它就是傳聞已久的 iPhone 6c，而且更已經準備就緒可隨時生產。 (閱讀全文…)
叮噹百寶成真！日本成田機場測試「神奇翻譯大聲公」
近年日圓貶值吸引到不少人都日本旅遊，雖然當地的確有很多好玩的地方，但最麻煩的是不懂日語與日本人溝通會十分麻煩。比如小編就發現日本機場好多職員都不懂日文以外的其他語言，有起事上來會難以溝通。不過這個情況將來或有望解決，因為最近日本成田機場就設計出一款「神奇翻譯大聲公」。 (閱讀全文…)
東華慈善嘉年華票價公佈！$145 玩轉 6 大機動遊戲
睇紅隧個廣告牌睇咗咁耐，機動遊戲迷係咪心郁郁呢？今日東華慈善嘉年華的詳情終於公怖啦！今年聖誕同新年，6大機動遊戲同多個攤位遊戲將會登陸前啟德機場跑道，變身遊樂場。睇嚟除咗去 AIA嘉年華之外，大家又有新節目啦！
1) 齋睇都暈－陀飛輪
之前已經傳咗好耐話呢個 2015年瑞士創新製造的機動遊戲「 陀飛輪」登陸香港，依家確定咗啦！由 3個四方大型框架組成，24個玩家一字排開，3個框架會同時向不同方向「迴環立體式」旋轉對抗地心引力，絕對係挑戰玩家瘋狂極限。
2) 恐怖過跳澳門旅遊塔－極速空降
全球最高移動式終極跳樓機，從27層樓（80米）頂峰瞬間垂直急速下墜，無重飄浮感交織壓力與緊張，出發前記得帶多條褲啊！
3) 食暈浪丸都唔掂－超級搖滾
24名乘客同時坐上「超級搖滾」，擺動至30米高空，而座椅圍繞垂直軸 360度轉動。時向內時向外被不斷旋轉。我係咪入錯咗洗衣機啊！
4) 瀡唔斷氣－超级紐約滑梯
去年美國「Super Bowl超级碗」活動期間熱爆紐約時代廣場的 6層樓高超级滑梯今次首度係亞洲亮相。超乎想像的高度配合特製滑板，讓大人細路感受世界級瀡滑梯樂趣。希望唔會噋親個 pat pat 啦！
5) 兒時回憶番晒嚟－鞦韆樹
大樹下盪鞦韆的畫面幾時可以出現？以大樹為設計概念的嶄新機動遊戲將你慢慢升上13米高空作波浪式迴旋，在半空中與摯 親分享無憂快樂時光，重溫孩童時的歡樂。
6) Double 浪漫－雙層旋轉木馬
浪漫經典的旋轉木馬以華麗雙層形式出現，配以全新的瑰麗華衣和名貴點綴裝飾，在絢爛燈光下營造出 Double 浪漫氛圍。
慈善票最抵玩！
講咗咁耐係咪好想玩呢？係就要快 D 上網 搶飛啦！依家只要用 $145 就可以買到東華三院慈善票，當中包括$120 機動遊戲面值、$40 攤位遊戲 、$20 入場費 同購物禮券。每售出1張慈善票，主辦單位更會率先捐出 $40予東華三院。又平 D 又做到善事，係咪抵先？
日期：2015年12月21日至2016年3月28日
時間：星期一至四： 3pm-11pm ／星期五、六、日、公眾假期及指定日子： 11am-11pm
地點：前啟德機場跑道
查詢：enquiry@uepl.com.hk
【有片睇】罰抄神器！日本 Max 「仿手寫字列印機」
想當年在學校讀書時做錯事，老師有可能會要求大家罰抄某某書本的內容幾多次，而且以往更曾聽到有人要罰抄聖經，認真慘情。由於罰抄需要花不少時間完成，所以有些人會想盡各種方法去節省時間，比如最常見就是利用過底紙。不過如今科技已更加進步，要找裝置去幫手罰抄其實並非沒有可能。 (閱讀全文…)
【unwire TV】龍珠咭出復刻！ 「翻譯大聲公」得唔得？
18/11 今日新聞精選
堅有翻譯大聲公？ 日韓中英都譯到！
http://unwire.hk/2015/11/18/translation-megaphone/life-tech/travel/
罰抄神器現身！ 仿手寫字列印機真唔真？
http://unwire.hk/2015/11/18/max-handwriting-printer/life-tech/?
童年回憶返來喇！龍珠萬變咭推復刻
http://unwire.hk/2015/11/18/bandai-remake-dragon-ball-carddass/japan-gadget/
Snoopy 再現 apm！10米高史諾比飛船聖誕等你影
呢幾年 Snoopy 都係 apm 過聖誕，今年亦唔例外，更以首部《史諾比：花生漫畫大電影》中的經典場景做主題。就等我依莉詩帶領大家一齊遊歷 6大夢想區啦！
1) Snoopy 電影院
既然《花生漫畫》將會首度搬上電影大銀幕，第一個景點當然係星級影院沙發，你可以坐上去同一班老友記包括Snoopy、Woodstock、Charlie Brown 及 Lucy齊齊邊食爆谷邊睇電影。
2) 經典紅屋
星級影院沙發後後係一間 20呎高，以《花生漫畫》最為人熟悉的狗屋為設計藍本的 Snoopy 經典紅屋。望住Snoopy躺在屋頂上發白日夢，加埋旁邊的聖誕裝飾，真係好想立即去放聖誕假！
3) Snoopy聖誕飛船
講到全場最高當然係 10米高的 Snoopy 飛機師造型飛船。巨型的Snoopy 頭戴復古飛行帽，繫上紅色長頸巾，盡顯機師的英姿。不過要影企佢的英姿最好就上 2樓啦。
▲ 穿上飛行裝備的 Snoopy 同女朋友菲菲登上聖誕飛船。
4) Olaf 聖誕樹林
除咗矗立了多棵聖誕樹外，仲有多棵以 LED 屏幕建構成的數碼聖誕樹，營造出五光十色的冰雪森林。Snoopy 與好友Woodstock 以聖誕潮 Look上陣，坐上雪橇向途人大派聖誕禮物， Charlie Brown、Lucy 及 Linus 紛紛換上溜冰鞋，玩轉雪地的不同角落，兄弟 Ola f更與聖誕雪人結伴出巡同大家影相。
▲ Charlie Brown 換上溜冰鞋，玩轉雪地的不同角落。
▲ 坐係雪橇上的 Snoopy 準備出發送聖誕禮物啦！
5) Snoopy 65年珍藏展
Snoopy 係過去 65年陪伴過唔少人成長，係商場大堂高層就有一個 65年珍藏展，展出多年來的經典絕版精品，每件展品彌足珍貴，絕對是粉絲們不能錯過。
▲ 睇番 50-60年代的《花生漫畫》，原來以前的 Snoopy 瘦 D 架啵！
▲ 曾經我都有隻 Snoopy 手錶架，當然唔係呢兩隻啦！
6) 花生漫畫電影 pop up store
另外，大堂高層更有一間 Snoopy pop up store，獨家引入花生漫畫電影主題限定產品，包括各式各樣的精品擺設、文具以至公仔等，俾粉絲們齊齊入手。
▲ Snoopy & friends 的公仔可以掛係聖誕樹做裝飾呢！(大 $350、細 $95)
▲ 用 Snoopy 餐盒 ($116) 裝飯唔知會唔會食多 D 架呢？
▲ 呢一套餐盒 ($75) 有大中細 3個。
▲ 兩層高的餐盒 ($132) 加埋暖水壺 ($112)，野餐用就最啱。
▲ 呢 D Snoopy 簿 ($18) 睇落好懷舊啊！
依莉詩點評
Snoopy 係 APM 搞咗咁多年好似已經無乜驚喜，影相位亦好似少過上年，不過講聖誕氣氛又真係唔差嘅。至於珍藏展同 pop-up store ，我估 fans 點都會去睇下架啦！另外，係影相同一日，我同換咗一身 Charlie Brown 服飾嘅 Mr. Wally 做咗個專訪，大家要密切留意啊！
聖誕氣氛 ★★★★☆
必影指數 ★★★☆☆
必買指數 ★★★☆☆
日期：2015年11月15日至 2016
地點：APM 大堂及大堂高層
物以罕為貴！錯體 iPad Pro 獨特 Touch ID 設計即時升價 10 倍
過去幾年不少人都靠炒賣 iPhone 賺大錢，可惜今年的 6s 及 6s Plus 卻風光不再，至於其他 Apple 產品如 iPad 等的炒賣潛力就更無需多講。不過凡事總有例外，因為最近一位海外用家就入手了一部與別不同的 iPad Pro，而且據知暫時全球只得一部，即時令它升價十倍！ (閱讀全文…)
Edward：「港人之光」 Remix Mini 迷你電腦評測
之前我們 unwire 都報導過稱為「港人之光」的周哲（Jeremy）、陸韻晟（Ben）及高恆（David）三「兄弟」合組 startup Jide Technology，而他們的 Remix 二代機款 Remix Mini 更一個星期在 Kickstarter 籌得 500 萬，Edward 自己都係 backer 之一，他們真是真正的「港人之光」！而呢部 Remix Mini，亦終於在日前 ship 到筆者手上，究竟用落係點？而家就等 Edward 同大家分享一下。
朗豪坊 LINE Friends 聖誕文具樂園 7 大影相位率先睇
上星期本來已經開幕的 LINE Friends 聖誕文具樂園今日終於開放俾傳媒預覽啦！依莉詩等到頸到長，終於可以同熊大瘋狂自拍，依家帶大家睇下7大影相位啦！
1) Cony 鉛筆小火車
進入樂園，第一眼望到的就係 Cony 火車站，由 Edward 拉動的 3卡鉛筆火車已準備就緒，載你穿越 Cony 書隧道，環遊文具樂園。
▲ Moon 已經留咗個位俾你坐啦！
▲ 車站外的 Boss 一身聖誕 look ，指嚟指去，唔會係度笑緊我掛？
2) Sally 旋轉咖啡杯
3個 Sally 旋轉咖啡杯上坐著 Brown、Cony 同 Leonard，唔知佢地轉都暈未呢？
▲ 甜品架上的巨型 LINE Friends 造型 macaroon 同薑餅超可愛呢，如果真係食得就好啦！
3) Brown 鉛筆刨摩天輪
文具樂園最注目的一定係 9米高鉛筆刨摩天輪。以 Brown 為軸心的摩天輪，每一卡都係一個 LINE Friends 大頭，一張相就可以集齊 Leonard、Sally、Moon、Boss、Jessica 同 Cony，絕對係打卡必到之選。Brown 同 Cony 更係摩天輪下手拖手欣賞緊風景，好浪漫呢！
4) Leonard 膠紙座滑梯
Leonard 將膠紙座變成滑梯，Brown 同 Sally 瀡得超開心，旁邊的 Cony 亦都好興奮呢！
▲ 背面的聖誕女郎 Jessica 正坐係度等你同佢影相呢！
5) James 自拍長凳
另一邊，等陣火車的 James 把握時間係度瘋狂 selfie 緊呢！ Cony 攝鏡好似攝得有 D… 懶！
6) Moon 派對入口
講咗咁多 4樓大堂的裝飾，唔好唔記得朗豪坊門口都仲有一個 Moon 拱門啊！一眾 LINE Friends 就係門口歡迎緊你。
7) Pop-up Store 小型拍照區
自從希慎開咗固定的 LINE FRIENDS Store 之後，想買 LINE 精品變得輕易得多。不過朗豪坊 7樓呢間 Pop-up Store 你都不得不去睇睇，事關除咗有獨家精品外，仲有小型拍照區。
▲ Sally為了迎冬已急不及待戴上保暖耳罩，萌度爆燈。
▲ Brown化身聖誕馴鹿在門口歡迎你大駕光臨。
▲ Cony係出口等你抱抱。
▲ 朗豪坊 7樓呢間 Pop-up Store 有唔少獨家精品。
▲ LINE和著名荷蘭創意品牌 mr maria 聯乘推出的 Brown燈高度分別是 50cm和 35cm，既可愛又實用，放在床邊伴可令你發個好夢。HK$2,400（50cm）、HK$1,600（35cm）
▲ 身高 35cm 的 Brown 及 Cony毛公仔，穿上印有心心圖案的毛衣，造型可愛。HK$430
▲ 13.5cm高的 Brown、Cony 和 Sally 爆谷鐵罐，是今年送禮或交換禮物的首選！HK$50
依莉詩點評
比起之前希慎的 LINE Friends 裝飾，呢度規模更大更有特色。幾乎每一隻 LINE Friends 都換上聖誕造型，而裝置又設計成遊樂場咁，充滿歡樂氣氛，加上位於朗豪坊，交通方便，暫時嚟講，我覺得呢度係今個聖誕最值得打卡的地方啊！而一對穿上印有心心圖案毛衣的 Brown 及 Cony毛公仔非常 sweet，送俾情人就最啱啦！
聖誕氣氛 ★★★★☆
必影指數 ★★★★☆
必買指數 ★★★★☆
日期：2015年11月17日至 2016
地點：朗豪坊4樓通天廣場、7樓同地面
全球最貴手掣！日產改裝房車成 PS4 手掣玩《Winning Eleven 2016》
當一款遊戲玩得滾瓜爛熟，有些人便會開始挑戰自己，比如採用一些非傳統的控制器去進行操作，例如鍵盤、滑鼠、電子結他及電子鼓等，務求增加操作的難度。不過講到另類，最近汽車生產商日產（Nissan）所製作出來的 PS4 手掣就肯定是最特別，因為該手掣竟然是改裝自一部真房車，而且更並非用來玩賽車遊戲。 (閱讀全文…)
傳 LG G5 將改用一體式金屬機身
如果韓國傳媒的報導屬實，LG 下一代旗艦機 G5 有望採用一體式金屬機身設計，這將會是 LG 首次在旗艦手機使用金屬物料，過往 4 代的 G 系手機均使用塑膠製造。傳聞指 LG G5 改用金屬機身，原因之一是競爭對手 Apple 和 Samsung 的金屬機身手機都獲得不俗成績。
OnePlus USB-C 傳輸線不合標準 Google 工程師勸停用
有份參予 Pixel-C 項目的 Google 工程師 Benson Leung 在過去兩星期不斷檢查在 Amazon 發售的 USB Type-C 傳輸線和接駁器，不幸的是他發現大部分的產品並不符合規格。他將他的發現在 Amazon 留言，有將資料上載至個人 Google+。
