今次介紹這部香港冇行貨的日版 J Butterfly 3，5.2 吋 1440 x 2560 2K 螢幕、2,020 萬像素 Duo Camera 主鏡頭、1300 萬像素前鏡頭，仲要防水添！想知有幾抵玩請閱讀以下文章。
不是全金屬機身 有點兒「膠」
HTC 向來都是玩金屬機，今次這部 J Butterfly 3 則帶來另類感覺。J Butterfly 3 共有三種色系：紅色、白色與藍色，雖然機面都有金屬設計，但機背以拋光塑膠為材質，實在有點膠。IP57 防水防塵設計，日系機有防水是常識吧！機底的 microUSB 同埋 3.5mm 耳機孔都係內置防水功能，不需要用膠塞。機頂設有紅外線發射器，用家可以用 APP 控制家居電器。
▲雖然機面都有金屬設計，但機背以拋光塑膠為材質，實在有點膠
▲右側開關及音量制
▲機底的 microUSB 同埋 3.5mm 耳機孔都係內置防水功能，不需要用膠塞
▲Sim 及 MicroSD 槽在左側
▲機頂有紅外線發射器，用家可以用 APP 控制家居電器
前置 BoomSound 立體聲喇叭
BoomSound 立體聲喇叭採用隱藏式設計，兩個喇叭分別位於螢幕上下方，打橫部機睇片時就分別對正用家的左右耳，籮文用 J Butterfly 3 觀賞了踏血尋梅的預告片，聲音左右分明，尤其時車輛等左右移動的音源效果更明顯，特別有立體感。聲量方面，即使較到最大聲都未聽到有拆聲問題，聲量亦十分足夠。
▲BoomSound 立體聲喇叭採用隱藏式設計，兩個喇叭分別位於螢幕上下方
▲ 籮文用 J Butterfly 3 觀賞了踏血尋梅的預告片，聲音左右分明，尤其時車輛等左右移動的音源效果更明顯，特別有立體感。
2K 靚 Mon 又夠光
用上 5.2 吋 2560 x 1440 SLCD 螢幕的 J Butterfly 3 擁有 2K 畫質，亦未見有嚴重偏藍偏黃問題，而亮度非常足夠，日光照射下都未需要突到最光。籮文播放 Justin Bieber 的 Sorry MV，可見 Dancer 的衣著非常鮮豔。
▲顏色非常鮮豔，亮度亦頗高
1,300 萬像素自拍夠晒靚
J Butterfly 3 擁有 2,020 萬像素 ＋ Duo Camera 主鏡頭，影相後再後製景深效果、假 3D 效果等，但今次加設手動模式，任你調校光圈、快門、ISO 值。最令籮文留意的是 1,300 萬像素自拍鏡，中價機來說實在是罕有高像素，喜歡自拍的靚女靚仔一定會心動，但可惜未設有前置柔光或閃光燈。而更吸引之處是前後鏡都支援4K 錄影，降低拍 4K 的門艦。
▲J Butterfly 3 擁有 2,020 萬像素 ＋ Duo Camera 主鏡頭
▲影相後可再後製景深效果、假 3D 效果等
▲尤其見到樓宇建築的線條非常細緻，暗位又不會全黑，動態範圍大。
▲今次加設手動模式，任你調校光圈、快門、ISO 值
▲1,300 萬像素自拍鏡，中價機來說實在是罕有高像素
▲高像素前鏡讓你可以有限度地 Crop 相亦能保持高畫質
用上 Snapdragon 810 電量麻麻 但支援 Quick Charge
HTC J Butterfly 3 內搭 Qualcomm Snapdragon 810 2GHz 八核心處理器，內建 3GB RAM，並有 32GB ROM，可再加 MicroSD 擴充至 2TB。性能不錯但電量只有2,700 mAh，應該勉強用得到一日。
籮文：「平玩 2K Mon 13MP前鏡 仲要防水」
只要二千幾蚊，可以享有 2K 畫質螢幕，千三萬高像素前鏡，前後鏡都拍到 4K，仲要部機係防水嘅。我就覺得好抵，如果要踩，最可惜就唔係金屬而係膠機背，但其實真機係幾靚的。依部中階手機最啱聖誕買俾女朋友做禮物，自拍又靚，又唔怕論盡豬手機跌落水。
售價：
＄2980（藍色、紅色)
＄2880（白色）
查詢：23740618（三禾電氣）
「秋遊．棚仔」大南街地攤
