為了捉小精靈，你可以去到幾盡？昨晚在摩士公園，一如以往有大批訓練員聚集。為了捕捉罕有的化石飛龍，幾百人在公園內一窩蜂捉寵，好像「動物大遷徙」般橫跨幾個球場四處走動。部份人竟然罔顧硬地足球場正在舉行比賽，踩入球場不但打斷了一場舉行中的比賽，更不幸被球員撞倒受傷。
有現場人士指出，雙方球員已經多次提示人群比賽進行中，偏偏仍然有人未有理會，最後被追波的球員撞倒。由於賽況激烈球員未有上前慰問傷者，事主和友人要求球員道歉，又大鬧「你踢波大晒？」。在對峙一輪之後，女事主報警求助，然後由於身體不適需要送院治理。筆者認識很多女士，見到球場就會掉頭走，怕被省中「食波餅」，如果沒有玩《Pokemon Go》，究竟會不會無端衝入比賽中的球場範圍？
同樣地，會不會為了捉寵無端衝出馬路，無端闖入禮賓府，甚至解放軍軍營？然後大叫揸車大哂、特首大晒、解放軍大晒？說到底《Pokemon Go》只是手機遊戲，捉寵並非大晒，何況帶著兩個小朋友，做一個有品的好榜樣才是大晒。
