還記得好多年前,無論喺讀書定係初出來做嘢,只要係要外出工作嘅,大家第一反應就只會係:買 notebook 啦!無疑,係 iPad 仲未面世嘅 21 世紀初,手提電腦依然喺需要成日出去做嘢嘅打工一族不可或缺嘅 gadget。時至今日,更多嘅人會帶住部 tablet 出街做嘢,貪嘅自然係夠輕便。咁究竟今時今日手提電腦仲有冇生存價值?
Tablet 效能高能取代 notebook?不一定!
Tablet 可以取代 notebook?呢個問題小編喺呢幾年一直都問緊自己:今日嘅 tablet,又有四核心、又有 1080p 芒、使用時間又隨時超過一日、仲要比以前嘅手提電腦薄好多輕好多,仲要有啲機款有埋防水防塵、有筆操控呢啲「特異功能」,咁 notebook 仲有訂企嘅?
咁老實說,你話 tablet 效能升咗咁多,係咪已經可以完全取代到 notebook?我就覺得兩睇,因為呢樣嘢好視乎你嘅使用習慣。如果你平時出去做嘢,喺 check 下 email 答下客做下 presentation,最多都係間唔時要做下文書工作嘅話,今時今日無論係 iPad 定係 Android 平板都可以幫到你,始終 tablet 輕好多,而家又夠大芒夠高清,加上外型靚仔嘅都有唔少選擇,拿來係客面前做 presentation 一啲都唔失禮,如果你係呢種工作「環境」,盡情拋棄 notebook 投入 tablet 嘅懷抱啦!
但如果你喺寫 app 嘅 developer,又或者除咗文書處理之外,仲要造下圖執下相、甚至要做啲 graphic 工作嘅話,notebook 就仍然係你不可或缺嘅隨身「搵食」工具,因為 tablet 即使效能再高,一來仍然未追得上 notebook 嘅規格,而且在軟件支援上,採用傳統 x86 架構嘅 notebook,選擇仍然多好多,做出來嘅效果都會更好。
Ultrabook 選擇多‧輕薄不只 MBA
Tablet 點揀好?今次小編先唔講住留番第日再同大家傾傾(真係想知點揀,大家可以聽番呢一集 podcast,我哋嘅編輯 spider 同大家好詳細咁講咗啦:http://unwire.hk/2013/05/15/unwire-editor-spider-teach-you-how-to-choose-suitable-tablet/unwire_podcast)。對於真係要揀 notebook 出去做嘢嘅朋友,又應該點揀?係咪真係好似有啲網站所講,得番 MacBook Air 呢一部機係同時可以兼顧到高效能、長使用時間同埋夠輕夠薄 3 種便攜產品元素?
誠然,MBA 在過去呢一兩年,確實喺上文提及嘅呢三方面做得好出色,亦自然成為需要成日出去做嘢嘅用家買輕薄 notebook 時嘅首選。但到今日又係咪仲係咁嘅情況?似乎未必!至少係上星期 Computex 台北電腦展,我哋見到 Windows 陣營個邊,輕薄型機款選擇真係多咗好多,而且豐儉由人:你想效能一般,但主打便攜性嘅機款咩?Acer Iconia W3 可以幫到你(參考連結:http://unwire.hk/2013/06/04/acer-iconia-w3/notebook)!你想高效能兼拿得出街做嘢咩?Asus Transformer Book Trio 呢部可以 Windows、Android Dual Boot 嘅神機係唔錯巳選擇!(參考連結:http://unwire.hk/2013/06/04/asus-transformer-book-trio/notebook)如果想再貪心啲,又想有效能又想輕過 MBA?Sony 最新出嘅 VAIO Pro 又係一個好吸引嘅選擇!(參考連結:http://unwire.hk/2013/06/06/sony-vaio-pro-13/notebook)
其實呢堆機款入面,仲有一個共通點:就喺好多都用咗 Intel 最新嘅 Haswell 處理器,而呢個第四代 Intel Core 系列處理器,效能未必比上一代高好多,但喺耗電方面就比上一代好得多:唔單止使用時間比用上一代處理器嘅機款長咗一半,待機時間更長咗 3 倍!認真誇張。而根據其中一間用咗呢粒處理器嘅廠商 Sony 發表嘅 VAIO Pro 規格表入面就見到,使用時間可以長到有 8 個半鐘!如果加埋底座,仲可以長到 17 個鐘!如果最終出來嘅效果喺真嘅話,真係 full run 用成日都唔洗憂!加上個芒嘅解像度有 1080p 咁高,真喺幾高要求嘅用家都可以滿足得到。
當然,今晚嘅 Apple WWDC 大會,坊間都有傳 Apple 會推出同樣用咗 Intel Haswell 處理器,同埋 Retina 屏幕(解像度應該會比 1080p 更高)嘅新一代 MBA。究竟係咪真係有新機?小編呢一刻都答唔到大家。但可以肯定嘅喺,日後大家揀輕薄高效能嘅 ultrabook,選擇又會多咗嘞!咁,當然係用家之福啦,係咪?
【評測】MSI Claw 外形 手感 效能 打機體驗 散熱 屏幕 5 大優點 + 缺點開箱評測 華為 AI 手提電腦配備 Intel 先進晶片 美國議員表示不可接受 英媒:中國擬禁政府電腦用美國晶片 棄用 Intel AMD 處理器、籲減少用 Windows