可能由於香港屬於石屎森林，男男女女都出名懶做運動，不過一講到大家最喜歡的團體運動時，足球卻一定榜上有名，當年一首「三字頭」已經道出大家的心聲，年齡無分界限。雖然未必人人都是球星，但是一班老友出黎踢場波、吹下水再打個邊爐，肯定是不少讀者的生活寫照。今次 unwire.hk 訪問了《Footballer》App 的幾位開發者兼足球發燒友，看看他們如何透過《Footballer》 協助波友們互相交流，減低甩底、去錯球場著錯衫的機會!
踢波約人困難
AppTask 公司行政總裁兼《 Footballer》開發團員負責人 Roy Law 指出，自己是一個標準的足球迷，每個星期總有幾場比賽親身落場，而且自己更加是球隊的領隊要負起最煩的聯絡工作。他說到:「大家踢過波就知道要組織一場比賽並唔係咁簡單既! 一場波閒閒地兩隊加埋起碼都要 10個球員(5 vs 5)先可以開波，如果踢大波更加需要 22 人(11 vs 11)，若果有人「甩底」隨時可能踢唔成，由原本比賽變左去練波就會十分無癮了，呢D 不愉快經歷只要踢過波既人都一定試過! 」《Footballer》的構思正是基於自己親身遇到的痛苦和問題而觸發的念頭!
吹水易漏細節
《Footballer》App 全組同事除左 Roy 之外，還有 5 位同事，包括了 3 位 Developer、1 位 Android 同事、1 位 iOS 同事、1 位 Designer 和 1 位 backup 同事。由構思到第一版 App 推出足足經歷了 2 年時間。兩位開發隊員 Alan 和 Ming 不約而同表示，除左踢公司波之外亦會和朋友約埋踢波，一直以黎都係用 Whatsapp 或者 email 聯絡，但是大家雖然已經分好群組，雖然可能一早已經交待清楚比賽的時間、地點、球衣顏色等，但是講多兩句好容易就會變左吹水時間，去到最後大家便會 miss 左個重點，去錯球場、約錯時間、著錯衫經常都會出現，所以特別開發這隻 App 來幫助領隊和球友之間交流。
左起為 Footballer 的開發人員 Ming、阿 Lam 及 Roy。
針對足球運動
Roy 指出坊間雖然亦有一些球隊管理 App，不過它們很多都以 Web App 為主 Mobile App 為次，而《Footballer》則屬單純的 Mobile App，更加方便用戶在手機集中管理。係呢個 App 入面，領隊不但可以把隊友和朋友通通加入，亦可以在 App 中建立比賽、時/地/衫資料亦可以一目了然。而且球員亦可以即刻回覆到唔到，領隊又可以 Check 住球員 Status，唔夠人可以即刻搵，再加埋如果比賽 Cancel 或者有任何特別改動(撞衫、執場、帶波、買水等等)都可以在 App 內和球員之間進行互動，比起用 Whatsapp、facebook、或者 Email 更加容易約人。此外，《Footballer》的香港球場 Database 已經和 Google Map 連接，只要一 Click 就睇到球場位置，這樣就不怕大家會去錯球場啦!
AppTask 行政總裁兼《Footballer》程式開發團隊負責人 Roy。
功能較易上手
《Footballer》面世至今只有不足一個月，他們直言這個 App 功能雖然比較簡單，因為怕 User 覺得 App 太複雜而不想花時間學習，所以暫時只提供基本功能，讓大家可以熟悉一下操作，之後慢慢才加入更加不同功能。他們已經準備在第二階段加入足球資訊、讓不同球隊的領隊聯絡等。下一步，希望可以找到本地的足球聯賽合作推廣，讓他們試以此 App 管理球隊及相約比賽。此外，稍後時間亦希望可以配合 GPS 功能尋找附近「唔夠人」的比賽，雙向的設計可以讓領隊搵球員/球員搵比賽，甚至去到外國想踢波，只要打開 App 便可以到就近球場較量一下呢!
《Footballer》App可以提供簡單而清晰的比賽資訊，方便領隊和隊員之間聯絡，避免出現不必要的誤會去錯球場、著錯衫。
一班老友可以係 App 內面的 Chatroom 傾計，另外又可以把比賽時的精彩相片在隊友之間分享互傳。
未來發展大計
當問及 Roy 對《Footballer》有甚麼抱負，他指出 AppTask 其實以開發 B2B Apps 為主，客戶包括如: 港交所、迪士尼、麥當勞等，《Footballer》只是公司其中一個比較有趣的 Project，所以沒有偉大的目標或者計劃要賺幾多錢。不過他指出足球運動互動性高，全球踢波的人口多達 2 億 6 千萬人，加上足球又是世界共通語言，沒有地區上的局限，我們只需加入不同國家城市球場的 Database 便可在不同國家推出，這樣便可為世界各地的波友解決約人的麻煩。最近，甚至已經有遠在非洲、印度的用戶反映改善 App 的意見，能夠看到各地足球愛好者使用這隻 App 已經是最大的鼓舞。
公司的遊戲室 + Pantry 面積接近是全個辦公室的 1/4，Roy 指出這是公司把工作和娛樂作出的平衡點。
後記: 科技是工作也是娛樂
訪問時看到 Apptask 公司有一個面積頗大的遊戲間和 Pantry，入面又有 PS4可以隨時玩 FIFA14，便知公司對於日常生活和科技玩樂不可分開。小編特別問一下 Roy 對我們 unwire 宗旨「玩生活。樂科技」的看法，他談到：「科技是一種工具，善加利用的話，可為生活帶來便利和娛樂，
分享到 :
最新影片
