上次俾 unwire 女同事搶去最新的 LG G Watch，搞到小編 冇得試玩 Android Wear。幸好我得知消息 Samsung 最新的 Gear Live 來了香港，等我今次唔話俾佢知自己去試玩先！
感覺似 G Watch 升級版？
今日去試 Gear Live 唔知點解第一眼感覺同女同事試果隻 G Watch 好似樣，外表都係四四方方，分別只是錶帶用了扣鈕設計，好像不太特別啊！不過反轉錶背看看，小編 發現它跟 Galaxy S5 一樣擁有心率測量器，而且旁邊比 G Watch 還多了一個 Home 按鈕反回主頁，感覺功能比 G Watch 多少少。手感方面，佩帶時跟 G Watch 沒太大分別，大細適合我手形，亦冇墜手或暖手的感覺。
出街 Check 住 唔怕中暑
從北京回來實在不慣炎熱潮濕的天氣，小編 由地鐵站行過來目的地採訪都出晒汗，正當擔心會否中暑，我就想到用 Gear Live 的量度心率功能，只要把它佩帶到手上開 App 便可量度，過程需時約數十秒，感覺跟試用 Gear Fit 差不多，而結果我量得 81bpm 心率都算正常無異樣。
▲ Gear Live 選單會多了 Heart Rate 的選項。
▲ 經過數十秒後 Gear Live 顯示小編 心率為 81bpm，數字仍數正常範圍。
介面一樣 未見驚喜
Gear Live 一樣使用 Android Wear 平台，操作介面及方式都會跟 G Watch 完全相同，功能都是睇時間、語音操控、記事、鬧鐘及收看提示，唯一多了是測心率的選項。除此之外，其他於 Google Play 下載的 App 都跟 G Watch 相同，所以功能上沒太大分別。
▲ 跟 G Watch 一樣都使用食譜 App 在錶上屏幕收看。
蛇評：有「Home 鍵」好似好用啲
小編 這次試玩 Gear Live 其實只花了半小時，因為除了錶硬件分別，功能及操作都跟 G Watch 冇大分別，只怪 Android Wear 暫時都是剛起步，要特別一點就只好期望 Moto 360。至於 Gear Live 詳情，暫時 Samsung 未有公佈任何售價及發售日期的消息，看來想買就要到外國訂。
