繁忙的都市人選購電子產品，會心急要快快買來擁有，追款追型號追潮流，很多時沒有試清楚就買，但選購耳機時因為音質實在太主觀，除了選擇款式外，但最好都是先試試。我 Suey 便為大家找到豐澤在旺角新裝修的店，開放式設計讓我慢慢試盡超過 30 款耳機及超過 20款平板電腦!
潮款由入門到業餘都有齊
其實身邊很多朋友像我一樣，只想找一對款式靚靚、音質好的耳機來襯衣服和聽歌。有時工作壓力大的時候都想聽聽靚歌幫助減壓，發現耳機聲靚也很重要。
所以今次我帶大家去豐澤位於旺角的惠豐中心分店參觀，裡面不單空間超大，而且又擺出了現在最流行的耳機款式讓顧客隨便試聽，不單可以聽到合心水才購買，更可以如時裝一樣「埋鏡拼拼」，看看款色是否與自己的外型、個性合襯，因為今時今日耳機已經是時裝的一部份。有要求的我來到這裏感受到自由的試玩空間，這地方有別於一般連鎖店，營業員只會在你有需要時協助，任由我慢慢試清楚，完全無壓迫或催促購買的感覺。
▲這裡只是全店內其中一 part，地方已經夠晒大同寬敞，入到去完全唔使怕同人迫，等我慢慢睇，啱晒我。
建議用自己熟悉的裝置試聽
在耳機區放置了超過 30 款耳機讓顧客試聽，我 Suey 的個人建議是先試音質才選款式。因為音質不合心意的話，自然不願意多聽，白白讓耳機變成了純裝飾品。
不同品牌有不同的音質個性，Suey 再提提各位 unwire 讀者，去試耳機時最好帶備平時的聽歌設備及熟悉的歌曲，例如手機或 iPod。店內的耳機可以讓你連接自己的裝置試聲，這樣各位就最清楚新的耳機跟自己所用的分別在那裡了!
▲這裡有好多 Beats 耳機，有 Beats Solo 又有 Beats Studio Wireless，可以慢慢試聽～嘻嘻
▲我可以逐個戴上，照清楚係咪襯我先買！估唔到大型連鎖店都可以做到！
▲女生喜歡外型時尚的耳機，不過音質都好重要！
▲我看中這款耳機的外型，不過都係先問問職員意見比較好，我對耳機音質無咩概念，幸好店員都好樂意逐一解答。
Tablet 真機 WIFI 無限試
我介紹這裡給各 unwire 讀者的原因，除了耳機外，這裡還提供 Tablet 試玩專櫃，多款 Android Tablet 及 Apple iPad 等平板電腦真機試玩，所有 Tablet 連接店內 Wi-Fi 可讓顧客上網試用，一次過玩盡多款 Gadgets，試清試楚先購買都得啦！
▲最新嘅 Tab S 10.5 都有得玩!
▲舖頭另一邊有 Samsung Shop 專櫃，可以玩齊 Samsung Notebook 同手機！
▲呢邊仲有 Lenovo 專櫃！試玩 Notebook 當然要拎上手，感受吓重量啦～
▲呢部粉紅色 Notebook 係咪好襯我呢？
Suey Shopping 後感：
之前想買耳機都想試真少少先，不過發現很多店鋪都沒有周全的試聽服務，就算有都可能只有數款最新的耳機，根本都無機會選一個最岩自己的耳機。依家旺角有呢間豐澤就唔同講法了，店內提供超過 30 款耳機供試戴，我可以慢慢試真對耳機先買，又可以隨便照鏡或影相揀選最岩自己的風格，感覺更自由自在。無諗過大型連鎖店都有呢種服務，我日後買野都會過來睇咗先！ ^^
豐澤旺角分店
| 地 址： | 九龍旺角彌敦道 664 號惠豐中心地下 4-6 號舖 |
| 營業時間： | 11:00AM-11:00PM (星期一至星期日及公眾假期) |
| 聯絡電話： | 27872625 |
