經過今個下午的搶錢行動之後，串哥聽得最多的就係「禁左成個幾鐘都冇反應」、「浪費左我成個下畫」….等等，當然串哥身邊亦有唔少行家老友訂到機啦。其實串哥開賣之前已經收到風呢轉 iPhone6 並唔係咁易訂到…….(以下更多資料)
唔駛講大家都知我串哥各行各業都有老友，不過今次收返黎既風就唔係黎自先達果班莊家，反而係黎自做物流的朋友爆料，呢一轉 iPhone6 貨源少之又少，身邊有人仲串我串哥:「超，有邊次話夠貨架？」，雖然佢都有道理，不過串哥既物流老死言之鑿鑿咁話，第一水 iPhone6 將會係 9 月 17 號到貨，但係成個香港加埋都唔夠 30,000 部，實際就只得 24,000 左右，而且當中 iPhone6 Plus 更加只得 4,000 部，大家成功買到既真係要講句恭喜哂！
仲有，物流老友仲話，呢 24,000 部 iPhone6 已經係包哂所有顏色、容量、同埋除左包括埋 Apple Store 今日開賣同黎緊 iReserve 之外，仲要供埋貨比全香港咁多個台玩，一個台分到幾多部真係大家有數得計，而且亦未計 Apple 留比自己 iReserve 玩既機，咁計落去，你話第一水又有幾多部 iPhone6 比到街客呢？雖然呢一刻炒價都未定得實，不過我串哥覺得抽中左獎既就一定賺硬架啦，不過就睇你夠唔夠膽 hold 住 d 貨等過肥仔聖誕啦！
呢單料係堅係流真係無法證實，不過串哥咁收就咁報啦，各位 unwrie 讀者當故仔聽下算
分享到 :
最新影片
