相比美國遲了差唔多半年，被外界稱為 Android Wear 智能手錶「錶王」的 Moto 360 行貨終於抵港。Edward 在年三十的下午，終於收到呢隻錶的行貨 packing。在測試呢隻錶之前，就等我地先睇睇盒入面有咩嘢啦。
包裝超簡約
今次借到測試的 Moto 360 行貨，Edward 到手的是錶色錶身灰色皮革錶帶的款式，包裝盒內的配件亦相當簡約，只有：火牛、充電座、說明書同埋 Moto 360 錶本身。以下就俾大家睇睇：
▲打開包裝盒，已經可以見到 Moto 360 真身，Edward 借到的是錶色版，加上皮革錶帶。
▲再入去已經可以見到另外兩件配件。
▲一個是火牛，另一個係無線充電座。
▲只要將 Moto 360 如上圖輕放在充電座上，就可以充電。
▲剩低嘅就係中、英文說明書，包裝超簡約。
手錶有點厚男士較適合
至於手錶方面，錶身比較厚，表面加入了 Corning Gorilla Glass 防刮玻璃，加上不銹鋼錶邊，以及較大的錶面，感覺頗為高貴，但就比較厚，相比早前 Edward 測試嘅 Withings 智能手錶，Moto 360 比較適合男士使用。另外，錶帶採用了 Horween 皮革製造，與小牛皮之類真皮相比，手感都算唔錯，但表面就比較粗糙「撮」手，Edward 個人感覺就只屬一般，但大家是否喜歡，就真係要拿過上手試過先知。
▲錶面採用了 Corning Gorilla 強化玻璃製造，具備防刮功能。
▲錶邊及錶制就採用了不銹鋼物料製造。
▲錶身左邊的細窿是收音咪。
▲錶的背面同樣是不銹鋼物料，而且 Moto 360 具備 IP67 防水防塵級別，就算落雨或者沖住涼戴都唔驚整壞。
▲皮革錶帶由美國著名皮革製品公司 Horween 製造。
▲Moto 360 皮革手感同一般小牛皮之類的皮帶有啲唔同，比較「撮」手。
▲另外，Moto 360 好處係扣錶帶格數好多，無論手臂粗、幼都會戴得落。
▲事不宜遲，開機了！不過因為 Edward 趕住要做節，所以用後感，就留待稍後再同大家分享啦！
售價：$2,198
查詢：Brightstar Asia Limited（2980 8088）
