去旅行要搵上網已是香港人的「基本動作」，不過之前一係就要幫襯自己用緊的手機網絡商，一係就去租卡 / 租蛋。以後大家可以有多一個選擇，HKBN 今日就宣佈推出可以在全球 39 個地區使用的「旅遊上網 SIM 卡」，而費用只係每日 $55，而且生效時間更是由啟用一刻起計算 24 小時，有別於其他公司由 0:00 至 23:59 計算，變相可以用盡 24 小時。
另外，此計劃彈性都好高，雖然每日只有 150MB 可用，但用家如果購買多於一日的旅遊日數，用唔完的數據量可以累積到之後使用，甚至下個 trip 先用都仲得！唔洗限於一日用哂，唔係就浪費掉。另外，就算一日去唔同地區，都只係計一日價錢，唔洗收多次。此外，SIM 卡不像外國買 SIM 卡般設有到期日，基本上一次旅行用完，下次再購買日數，用番同一張 SIM 卡都無問題。加上 SIM 卡無須親身去門市拿，HKBN 會郵寄至府上，十分方便。
至於 39 個地區，就包括如下：
- 亞太地區：台灣、日本、南韓、新加坡、馬來西亞、泰國、印尼、澳洲、紐西蘭
- 北美地區：美國及加拿大
- 歐洲地區：英國、法國、德國、意大利、西班牙、瑞士、奧地利、荷蘭、比利時、希臘、芬蘭、瑞典、挪威、丹麥、阿爾巴尼亞、亞美尼亞、亞塞拜疆、白俄羅斯、愛爾蘭、摩爾多瓦、克羅埃西亞、愛沙尼亞、拉脫維亞、立陶宛、烏克蘭
- 其他地區：俄羅斯、南非、迦納
至於 HKBN 的「旅遊上網 SIM 卡」相比其他一般 SIM 卡或租蛋，最大的缺點是不能使用「網絡共享」功能，另外新聞稿中未有提及究竟會提供 3G 還是 4G 網絡，不過以此價位，提供 3G 機會極高。至於更多比較資料，大家可參考下表：
分享到 :
最新影片
