端午節就到，相信唔少傳統家庭主婦都準備緊包糭送給親朋好友。不過對於現代靚太來說，包一隻蒸熟左而唔散開既糭又談何容易？所以今日我依莉詩就去了 Bosch 的Cooking Studio 向廚師 Candy Tsui 學習既健康又有端午節風味的新式竹葉糯米飯啦！
智能蒸爐與傳統蒸煮的分別
小編跟過姑媽幾年學包糉，除左事前要浸竹葉、浸材料外，包糭的時候手勢亦是一個挑戰。不過這些步驟都只是繁複未到麻煩，最麻煩就係包好晒要拎去烚，一烚就要烚足 3-4個鐘，又要睇火，又要定時加水，唔好話個廚房唔熱，連個人都成身汗。但原來現在的智能蒸爐不但可以大大降低蒸煮時廚房的溫度，而且有多種溫度同時間調校，無水的時候亦會提你加水。咁以後就算蒸幾耐野都唔怕乾水啦！
▲ 今次我就用左 BOSCH 的 HMT85DL53B 蒸爐作示範。由於蒸爐的中央發熱盤仿照傳統蒸煮般放出蒸氣，而且密封式的設計令蒸氣均勻爐內每一個角落，可以大大縮短蒸煮的時間，蒸一盤竹葉糯米飯都只需要 35分鐘呢！
Stage 1 : 準備材料
材料
- 白糯米……………………..半斤
- 白米………….. ……………半斤
- 紅藜麥 ……………………..3 湯匙
- 乾蝦米……… ……………..3 湯匙
- 乾瑤柱………………. …….5 粒
- 雞扒…………………………1 塊
- 冬菇……………… …………5 隻
- 竹葉 ………………………..適量
- 日本南瓜 ………………….少許
- 食油 ………………………..1 湯匙
- 海鹽 ………………………..適量
醃料
- 米酒 ……………………….1 湯匙
- 黑椒碎 …………………….少許
- 生抽 ………………………1 湯匙
- 五香粉………………….. 1 湯匙
- 麻油 ……………………..少許
▲ 竹葉糯米飯同包糭一樣，前一晚就已經需要準備材料。首先要將白糯米及白米浸過夜，然後係整之前將乾蝦米、乾瑤柱、冬菇切粒浸軟，並將雞扒去皮切粒，加入醃料醃約 15 分鐘。
▲ 另外，要將日本南瓜蒸 15 分鐘備用。
▲ 同樣，竹葉需要浸軟洗淨，並剪裁到鋪滿蒸籠。
相關文章:
世衛 28 年數據顯示使用手機與腦癌無關 電話普及率升但腦癌發病率無變化
Stage 2 : 加入材料
▲ 開始製作時，將白米、白糯米及紅藜麥洗淨瀝乾水份，並放入碗內一邊攪拌一邊加入食油及海鹽調味。
Stage 3 : 將慢熟的材料放入蒸籠
▲ 將混合好的米放入鋪了竹葉的蒸籠內鋪平。
▲ 再放上蝦米、瑤柱及冬菇。
▲ 以 100°C 蒸 25 分鐘。
Stage 4 : 用南瓜扮鹹蛋黃
▲ 將蒸好的日本南瓜分鐘用小號雪糕殼刮出南瓜肉作素鹹蛋黃。
Stage 5 : 將快熟的材料放入蒸籠
▲ 25 分鐘後，將蒸飯取出，放上雞粒及素鹹蛋黃，繼續以 100°C蒸煮約 10 分鐘。
▲ 最後灑上蔥花就食得啦！
相關文章:
世衛 28 年數據顯示使用手機與腦癌無關 電話普及率升但腦癌發病率無變化
健康竹葉糯米飯心得分享 :
1) 愈薄愈快熟
雖然話蒸氣熱力會均勻散佈係蒸爐每一個角落，但飯心還需要熱力慢慢傳遞先會熟，所以最好就將飯鋪薄一 D，等佢快 D 熟。
2) 善用蒸籠，減少倒汗水
比起用傳統方法，用蒸爐的確可以減少倒汗水，令粒更加爽身。如果配合埋蒸籠的話，就可以進一步減少倒汗水，而且用蒸籠蒸出來的飯會更加有竹的清氣添！想買的話，不妨到油麻地上海街搵下！
3) 加綠豆添傳統風味
平時食糭因為太多糯米好易食到濟，今次竹葉飯加入左一半白米同藜麥後變得更加健康。但如果覺得少左綠豆唔似食糭，都可以加番少少用乾蔥炒香左既開邊綠豆，令食糭既感覺番番晒嚟！
依莉詩感言
坦白講，要媽媽買一個蒸爐番屋企就幾乎無可能，佢地點都寧願個廚房熱 D，加多幾對筷子一次過蒸多幾碟餸都唔會想放個差唔多一萬蚊的蒸爐係廚房。不過，現在愈來愈多 OL 關注飲食健康的問題，出街食太油膩，帶飯用微波爐或蒸飯煲加熱又怕致癌。如果老闆肯買一個放係休息室就好啦，員工食得健康之餘，一個有 3層咁多，一次過可以蒸幾個人既飯，唔洗慢慢排隊，慳番既時間未又係俾公司！
Bosch HMT85DL53B 蒸爐
零售價：HK$9800
查詢：Bosch （2626 9655）
相關文章:
世衛 28 年數據顯示使用手機與腦癌無關 電話普及率升但腦癌發病率無變化
分享到 :
最新影片
