之前為大家測試 Windows 10 係平板上的功能時，就為大家測試過唔同的手勢操控，不過當時就未能測試得到平板及桌面電腦模式的自動切換功能。今日 Edward 就借到部 Microsoft Surface Pro 3 來測試此功能，發覺反應好快之餘，真係好方便！以下就同大家分享一下試用感受。
係分享感受前，先同大家講講切換模式嘅實試情況同埋步驟啦！
平板 –> 桌面模式
▲首先，你要有一部 Microsoft Surface 系列的平板，連同原廠磁吸式鍵盤。
▲當插上鍵盤時，Windows 10 右下角會問你是否離開平板電腦模式（進入桌面電腦模式），如是點按「Yes」。
▲見到 Start 目錄表，就知道已切換至桌面電腦模式了。
桌面 –> 平板模式
▲大家可以見到 Surface Pro 3 現正在桌面電腦模式，並已裝上鍵盤。
▲當拔開鍵盤時，同樣 Windows 10 右下角會問大家是否進入平板電腦模式。如是請按「Yes」。
▲見到動態磚介面，就知道已進入平板電腦模式了！
感受：反應快！超好用
之前的 Windows 10 試用文章，筆者都已經提及 Windows 10 可說是 Windows 8 系列的「撥亂反正」 OS 版本，因為佢係平板同桌面電腦之間的定位唔再係「唔偷唔水」四不像，加上今次呢個自動切換模式，就更加令 Edward 感受到呢一點，最少拔走鍵盤後，由於所有按鍵都大咗，所以用手指操控會比較容易唔驚襟錯制；而當接駁鍵盤後，又可以用 TouchPad 及鍵盤操控電腦，整個桌面空間亦感覺像是大了很多，超級實用。另外試用自動切換模式幾次後，Edward 覺得個反應都幾快，基本上 1 秒左右已經完成切換過程，中間唔太覺有任何 delay 或窒的情況，呢一點係抵讚嘅！
想知效果係點？睇睇下面嘅實試片大家就知道啦！
小貼士：唔想次次襟「Yes」無難度
可能大家會覺得，次次自動轉換使用模式個時都要襟個「Yes」制，真係好麻煩，有冇得真正唔洗襟制都可以做到自動切換？答案係得嘅！只要大家進入設定的平板電腦模式（Tablet mode），然後在「When this device automatically switches tablet mode on or off」的選項中，選擇「Don’t ask me and always switch」就可以了。他日如果要更改設定，再進入此介面更改即可。
分享到 :
最新影片
