剛剛係七月尾上架既 Snowball Smart Notifications 完完全全 hit 中筆者的需要。佢係一個通知欄設計 app ，除左靚之餘，更重要佢附有相當強大嘅功能，令「smartphone」真真正正咁「smart」，而唔係拖慢工作效率。想知有咩咁特別就要留意內文啦！
自行決定接收或阻擋任何通知
Snowball Smart Notifications 使用方式非常簡單，下載後打開就可開啟使用。而佢最重要個樣功用就係幫用户阻擋任何不必要嘅通知，呢項功能並唔係透過 app 自動處理，而是用户可自行決定接收同阻擋邊類通知。例如：如果唔想再收到朋友 Facebook 上 Candy Crush 嘅遊戲邀請，就可以係通知向左拉動，再噤一下 Hide ，以後就再無 Candy Crush 嘅通知彈出黎架啦！（筆者：終於唔洗被佢震）
自動阻擋任何垃圾通知
用户當然可以揀擋走邊啲通知，但有啲垃圾通知就好似「10 of your apps were updated」，又或者某啲 app 彈啲無謂廣告係通知欄， Snowball Smart Notifications 可以自動擋走呢啲基本上每個用户都唔希望收到既垃圾通知。
通訊 app Message 全置頂
Snowball 為左令用户唔錯過朋友之間既對話，所有通訊 app 收到既通知都會係自動置頂。不過如果唔想的話，用户亦可以向左拉動揀返 Not important ，咁就就會自動彈落 Everything else ，咁就既唔影響效率之餘又可以睇得到。
唔洗打開 app 直接係通知欄回覆
除左可以揀阻擋邊啲通知外，呢個大概就係小編最鍾意嘅功能。因為成日打開 app 都幾晒時間，可以直接係通知欄回覆簡短 message ，真係方便得多，亦唔洗驚唔記得熄 app 而搞到好食電嘅問題，一舉兩得！
Google Calendar 活動通知：即時顯示相關 app
當你係 Google Calendar 上有活動通知出現，Snowball Smart Notifications 並唔會只係彈返個通知，而係會聯同其他 app 如 Google Map 同 Uber ，方便返用户就算唔識去某個指定地方，亦可以輕鬆一鍵就彈返啲地圖同交通信息出黎，夠晒方便快捷！
Snowball Smart Notifications 已經係 7 月 31 日於 Play Store 上架，有興趣既朋友依家已經可以下載架啦！
下載（Android 版）： 請按此
分享到 :
最新影片
