從前，幾個未見過打字機嘅小朋友問爸爸：「究竟乜嘢係打字機？」於是爸爸為咗俾小朋友知道打字機係點操作，就寫咗一個打字機模擬器 Overtype。但究竟個模擬器有幾真？而家就同大家解釋下。
有咁上下年紀嘅讀者，記得用打字機打字嘅滋味嗎？每按一下按鍵，除咗會聽到每一下清脆嘅敲擊聲，仲會體驗到每一次打錯字都返唔到轉頭嘅無奈。 年輕嘅讀者們，如果未用過打字機，想試下打字機嘅樂趣，又或者想復古一下，不妨試下依個打字機模擬器？
其實呢款打字機模擬器係為了滿足幾個小朋友的好奇而開發，爸爸為咗比小朋友知道打字機係啲乜，就打算喺網上搵一啲打字機模擬器，但佢發現好多現有嘅模擬器都好唔真實，例如：按下 Backspace 可以刪除剛才所打嘅字（用真實嘅打字機，按下 Backspace 只能夠讓墨盒返到上一個隻字，如果此時輸入另一隻字，只可以喺原有嘅字上面覆寫）。小朋友就提議爸爸寫一個更寫實嘅模擬器，Overtype 打字機模擬器就係咁嘅情況下而誕生。
呢款模擬器打字時清脆嘅敲擊聲唔止返晒黎，仲有換行嘅「叮」一聲，vintage 到不能再 vintage！愈打啲字愈淺色，係乜事？色帶冇色啦！拉一拉右上角嘅 Ribbon Ink slider 換色帶啦。仲有，你會發現就算你用電腦嗰時打字幾快都冇用，Overtype 模擬咗打字機嘅機械操作，打得太快係會令機械裝置 Jam 住而打唔到字架！如果想體驗下，就點按此玩玩啦。
分享到 :
最新影片
