係香港嘅 LINE Fans 等到頸都長，終於唔洗專登入海洋公園先買到 LINE 精品啦！因為香港首間 LINE FRIENDS 專門店終於登陸希慎廣場。你無聽錯，就喺上年搞 Pop-up Store 個商場！就等我依莉詩帶大家睇下呢間專門店有咩特別啦！
▲ 其實今次呢間專門店唔喺好大，大過海洋公園個間少少，但又細過上年喺中企個間 Pop-up Store。基本上海洋公園 LINE專門店有嘅精品，呢度都有，已經仲多咗唔少新款 Tee 添！
▲ 上扶手電梯，一去到二樓， 2米高嘅雞雞 – Sally 就喺門口等緊你！嘩！估唔到連熊大都要企埋一邊。
▲ 平時都係熊大最大架嘛，點解咁失威架？
▲ 好彩，店嘅裝飾唔只得一隻熊大，一於以多取勝。
▲ 雞雞嘅左手邊仲有一隻爬咗一半出嚟嘅熊大架！仲唔快 D 幫手拉佢出嚟？
▲講番精品先，應該最特別都喺呢 4頂 Cap 帽，$290一頂，喺海洋公園無見過架！
▲ 呢 3個跳舞公仔郁郁下，好可愛架！
▲ 我覺得最實用又抵嘅就喺膠布啦，$30 有成 40塊，仲要連埋個鐵盒。不過今日嚟到只喺得番阿 Moon，Boss 同青蛙，唔知兔兔、熊大同雞雞幾時先番貨呢。
▲ 雖然專門店無咩限量設計精品，不過新張期間就有大特價，iPhone case 就由原價$133，減到 $48，不過…只喺得 iPhone 5/5s 咋！
▲ 另外就喺超過 70款嘅 Tee恤，大人小朋友嘅款式都有，而且 8月31日前大部份都喺 $88，仲唔揀番件？
▲ 8-bit 嘅兔兔同熊大喺咪好特別呢？
▲鍾意黑色嘅朋友都有唔少選擇，男女都著得。
▲ 睇真 D，呢系列黑色 Tee，喺立體設計，真係夠晒型。
▲ 相信唔少朋友都有衝動想掃貨架啦！俾多個好消息大家。依家買滿 $500 就送 10cm 公仔頭一個。(但我去到嘅時候已經無晒兔兔啦，鳴鳴…)
▲ 另外買滿 $1000就送 15cm 高嘅公仔。想單買都得，都只係 $45。
▲ 望到間專門店咁細，本來我都有 D 失望，幸好 9月仲會有間大差唔多一倍嘅喺隔離開幕，到時一定有更多精品進駐姐！
▲ 同時，每日 1點鐘開始係希慎廣場同利舞臺都會派發集郵行動卡，只要集齊喺商場指定地點蓋齊 6個印就可以換到公仔頭一個。每日只喺派 300張架咋！記得準時去攞啦！
分享到 :
最新影片
