仲有兩日《進擊的巨人》電影版就正式上映啦！雖然一幕幕升淋淋嘅場面未必引起到你嘅食慾，不過去朗豪坊睇完戲，不妨去《進擊的巨人》電影版主題餐廳延續電影中緊張刺激嘅撕殺。咪住！依莉詩只喺講緊食豬肉姐，就等我帶大家去搵食啦！
進擊的特盛料理
今次《進擊的巨人》電影版主題餐廳喺由大和豚総本店變身而成。由今日直到 9月31號餐廳都會有限定嘅二人份量進撃料理帶俾大家，當中包括：進撃 の芝士排骨、進擊の憲兵鍋、進擊の鐵人燒肉、，
▲ 進撃の芝士烤骨+DIY泡菜炒飯 配推進器飲品 $246
邪惡度：★★★★★
滿足度：★★★☆☆
抵食度：★★★★☆
小食評：排骨份量雖然唔算多，但配上大量芝士真喺好滿足。食到咁上下仲可以加埋蛋、粟米同飯一齊炒，又喺另一番滋味。對於芝士控嚟講喺必食之選！
▲ 大大舊嘅排骨配上份量超多嘅芝士，恨恨地拉起果下，邪惡指數爆晒錶！
▲ 就連今日以 Youtuber 身份出席嘅歌手 Crz 陶枳樽都大讚芝士味夠濃郁呢！
▲ 巨人の富士山芋溶鍋配推進器飲品 $344
邪惡度：★★★★☆
滿足度：★★★☆☆
抵食度：★★☆☆☆
小食評：味道方面偏淡少少，不過點埋醬汁就岩岩好。不過我就略厭材料種料少咗 D ，只喺得韓國泡麵、豚肉同椰菜。
▲ 山芋溶鍋睇落成座山咁，貌相就晒震撼，但一開火，整座富士山就倒塌了啦！
▲ 好多女士們都怕打邊爐會爆瘡，幸好呢個鍋有山芋同骨膠原啫喱，唔單止唔怕爆瘡，仲好養顏添！
▲ 憲兵團辛辣部隊鍋配推進器飲品 $316
邪惡度：★★★★☆
滿足度：★★★★☆
抵食度：★★★☆☆
小食評：我唔係好食得辣，所以只喺食咗兩條麵同午餐肉。不過聽 D 鍾意食辣嘅行家講，呢個鍋夠惹味，辣到方面喺 5粒星嚟講有 3粒到啦！
▲ 熟咗之後有 D 似午餐肉公仔麵呢！
▲ 巨人の鐵人燒肉配推進器飲品 $334
邪惡度：★★★☆☆
滿足度：★★★☆☆
抵食度：★☆☆☆☆
小食評：呢個肉嘅份量唔多，兩個人食真喺唔多夠。如果比我揀，我會食多個芝士排骨。
▲ 巨人の韓美人鐵板鍋配推進器飲品 $324
邪惡度：★★★★☆
滿足度：★★★★☆
抵食度：★★☆☆☆
小食評：呢個有 D 似辣版既山芋溶鍋，不過就喺另一種食法。比起火鍋香口少少，食都尾會愈來愈濃味。
▲ 瑪利亞圍牆蜜嘜多士 $128
邪惡度：★★★★☆
滿足度：★★★★☆
抵食度：★★☆☆☆
小食評：圍牆個樣有 D 似茶木個個甜品，多士嘅口感上好有驚喜，入面每一粒方包佢真喺做得到內脆外軟，甜度適中，不過雪糕就少咗 D，點到一半就無雪糕了。
▲ 巨人紅血大啤 $48
邪惡度：★★☆☆☆
滿足度：★★☆☆☆
抵食度：★★★★☆
小食評：做緊野，我就唔飲酒啦，所以就評唔到佢嘅味道，不過我紅桑莓味嘅啤酒應該幾特別。
邪惡度：★☆☆☆☆
滿足度：★☆☆☆☆
抵食度：★★★☆☆
小食評：推進器飲品有巨峰提子、青蘋果同藍蝶花荔枝味，一大支可以俾你慢慢斟。我就比較鍾意飲巨峰提子味啦！
依莉詩後記 :
坦白講，如其話呢間喺《進擊的巨人》電影主題餐廳，不如話喺貼滿宣傳海報嘅鋪頭。無論佈置定食物都找不到進擊嘅感覺。不過，做主題餐廳佢可能唔合格，但食物方面唔錯架，特別喺最邪惡嘅芝士排骨同骨膠原火鍋就合晒依家嘅潮流，如果 3-4 個人當喺去普通餐廳食過晚餐都喺幾好嘅選擇。
▲ 講到裝修，除咗門口嘅影相位之外，就只有玻璃窗外牆的電影海報，呢樣對粉絲嚟講可以會失望啦！
分享到 :
最新影片
