平時喺電腦 Download 咗一大堆歌或者幾齣電影，想過落手機或者平板你會點做？ 用數據線又麻煩，雲端服務又食流動數據，再加上依家好多手機都冇得加 SD卡 空間有限、 插住 OTG 個樣又⋯⋯。今次介紹比各位 wire 民，一支 SanDisk USB 就無線駁通晒你所有裝置。
感覺如隨身無線 NAS (個人雲端)
SanDisk為手機、平板、電腦等無線裝置而重新設計，推出一款名為 Connect Wireless Stick USB手指，俾你無需數據線或互聯網連線，只需要透過自身發放嘅Wi-Fi就可以於各種裝置之間連接 Connect Wireless Stick入面嘅內容，只要帶住Wireless Stick出街就好似擁有自己隨身嘅私人雲端服務或你的無線 NAS 一樣。
▲SanDisk Connect Wireless Stick 外貌與普通USB手指冇乜大分別，只係保護蓋上印有Wi-Fi標誌和右側有一粒開關掣。
跨越 4 個平台裝置
Wireless Stick 支持 iOS、Android、Mac、PC 等系統，iOS、Android只要到 App Store Down 個 App 就可以傳送、下載或者串流資料，用 PC 或者 Mac 嘅朋友只要當係普通手指咁將 Connect Wireless Stick 插入USB 槽就得。基本上個 app 好易用，好似 file explorer 或 finder 咁搬下 file 咁。
▲只要㩒著 Wireless Stick ，上面嘅提示燈就會閃。依個時候你就可以打開 SanDisk 嘅 Connect Drive App。
▲好快 SanDisk Connect Drive App 就會搵到你嘅 Wireless Stick 並睇到入面嘅資料，而㩒右下嘅紅色＋掣就可以選取同傳送檔案到 Wireless Stick 。
▲用電腦亦好簡單，只要連接到 Wireless Stick 嘅 Wi-fi 然後去 www.sandisk.com/myconnect 就可以，但只可以讀取，而唔可以上傳檔案，如果要從電腦上傳檔案到 Wireless Stick 就要將 Wireless Stick 插入USB 槽。
相關文章:
SanDisk 4TB SD 記憶卡登場 但最快要到 2025 年才上市
用 Wifi 接住手指一樣可以上網
手機要用 Wireless Stick 就要靠 Wi-Fi 連接，如果用咗 Wi-Fi 連接 Wireless Stick 咁點上網？ SanDisk Connect Drive App 當然有照顧依個需要，只要喺 App 入面選取 Internet Connect 然後揀返你用黎上網嘅嗰個 Wi-fi，Connect Drive App 就會將 Wireless Stick 連接到該個 Wi-fi，然後你只需要連接到該個 Wi-Fi 就可以存取到 Connect Wireless Stick 入面嘅野。
▲只要喺 App 入面選取 Internet Connect
▲然後揀返你用黎上網嘅嗰個 Wi-fi
▲Connect Drive App 就會將 Wireless Stick 連接到該個 Wi-fi
3 機同步一齊用
試想像一大班朋友聚會時，想拎部手機出黎分享相片，自己手持住的話坐得遠嘅朋友又睇唔到，淨係俾坐喺旁邊嘅幾個朋友睇又會造成小圈子情況，俾部手機朋友傳閱又怕俾人碌碌下睇到啲私密照，唔洗驚，Wireless Stick 支援最多三個裝置同時儲讀檔案，啱晒幾個 Friend 開心 Share。籮文我試過三部機一齊睇相，速度仲係相當快。
串流影片一齊睇會窒
不過呢，雖然可以三部機一齊串流影片，但小編試過用兩部機同時睇一條 Wireless Stick 入面原有嘅 Demo 影片時已經有窒機情況，所以建議大家如果睇片就最好 Down 落黎睇，唔好串流一齊睇啦。只要透過USB2.0充滿電，續航力足夠連續使用約4.5小時。SanDisk 之前推出嘅 Flash Drive 要入SD卡先用得，而 Wireless Stick 就唔同，佢有有內置 16GB / 32GB / 64GB / 128GB 儲存空間嘅版本以供選擇，價錢由$248至$998不等。
查詢 :SanDisk（2829 2829）
相關文章:
SanDisk 4TB SD 記憶卡登場 但最快要到 2025 年才上市
分享到 :
最新影片
