Heroes ﹑ The X-Files ﹑ Prison Break ，近排非常多既經典作都表明即將重現電視螢幕；咁 Showtime 自然都想分一杯羹，帶黎既就係比以上三套更早播放既經典驚悚美劇《雙峰》(Twin Peaks)。
係 1991 年播完第二季共 30 集後就被腰斬停播既《雙峰》(Twin Peaks)，其實好多人都期待已久佢既歸來。 Showtime 董事長 David Nevins 話，「呢部續集對我地黎講係一個大項目，即將會按照原定計劃拍攝至少 9 集，至於之後就睇預算資金而定啦。」 Nevins 仲話「同導演 David Lynch 達成左一定既共識，雖然未知會拍幾多集，但都會盡量控制係 9 集以上。至於具體既拍攝計劃就交比導演為呢部劇做最好既決定。」
Nevins 同好多觀眾一樣好期待，希望能夠係明年播出；不過佢依家仲未能確定，因為最終計劃唔係由佢作主。不過佢亦表示，只要一切 ready 好，就會第一時間同各位觀眾見面。即使 Nevins 並無詳細提到演員方面細節，但佢保證「選角唔會令觀眾失望」，「只要對你想見到既演員充滿信心就好，而且仲會有一啲新既驚喜」咁小編就同各位觀眾就唯有期待下先啦！
來源： TV Guide
分享到 :
最新影片
