之前 Letv 係香港推出手機，話推最後又唔推，最終只係推出少量測試版，搞到滿城風雨。據知情人士指 Letv 是打算直接係香港推出二代機款。今日傳聞係二代機款的設計圖就係網上曝光，唔止具備金屬外殼，仲擁有雙曲面熒幕同埋可旋轉鏡頭！如果屬實，似乎都幾靚喎。
據中國媒體表示，呢部二代 Letv 手機會採用雙曲面熒幕，但弧度會比 Samsung 的 S6 edge 少一些，所以估計應是現時中國品牌手機極流行採用的 2.5D 熒幕，即熒幕兩側會採用微弧設計，加強操控手感。此外，它的鏡頭會採用 Sony IMX300 模組，像素為 2,300 萬，感光元件尺寸則為 1/2.3 吋，並可拍攝 RAW 相片。而最特別的是，Letv 手機二代的鏡頭會同 Oppo 之前推出的 N3 一樣，採用可 360 度旋轉的鏡頭，不過旋轉模式並非像 N3 般垂直旋轉，而係橫向旋轉。
除此以外，機身會採用更加圓潤設計，亦有機會採用金屬物料機背，而機邊有一條粉紅色似乎會發光的帶，據稱更會設有獨立感應元件，但究竟用來做咩？資料就未有說明。
至於規格方面，它會採用 Qualcomm 最新的 Snapdragon 820 處理器，如果屬實將會係全球首部採用此處理器的手機。此外它具備 4GB RAM、5.7 吋 QHD 2K 熒幕、最少 32GB 內置儲存空間，亦支援 Qualcomm 的 Quick Charge 3.0 快充技術。
據知今次呢部 Letv 二代手機，將會係樂 1 及樂 1 Pro 的繼承產品，而樂 Max 的「繼承機」，會再遲啲先再發佈。如果今次呢部 Letv 二代手機真係推出，唔知大家覺得點呢？
來源：快科技
分享到 :
最新影片
