Sony 一口氣喺東京推出 Z5 系列三個型號手機，分別為 Xperia Z5、Xperia Z5 Compact 及最高階的 Xperia Z5 Premium，前兩部早前都已經於香港推出，今日終於到 Z5 Premium。三個型號都有差不多的規格，但 Z5P 擁有 5.5 吋 4K 屏幕，令佢成為全球熱話，而銀色鏡面設計亦都係非常破格。以下就由籮文同大家介紹一下。
最獨特嘅鏡面設計 有神祕功能
籮文特別欣賞今次 Sony Xperia Z5 系列色系設計上嘅心思，Z5 及 Z5 Compact 用上霧面設計，而 Xperia Z5 Premium 合共有三隻色，包括金、銀、黑嘅鏡面設計。尤其是銀色鏡面，智能手機設計上的確係前所未見，姿整嘅朋友真係可以用個機背黎照鏡，仲有一個神秘功能，就係方便用家使用機背嘅 2,300 萬像素主鏡頭自拍。不過準買家要注意，鏡面真係勁痴手指模，好彩 Sony 做咗特別處理，令指模比較容易抺走，籮文亦試過用自己件衫摔咗兩下，機背嘅就回復光滑。
▲好易惹手指模
▲但要抺走亦都唔難。抺完好似新嘅一樣，真係照得鏡架
鏡面以外 都係靚 Design
除咗頭先講嘅機背鏡面，其他位都可見 Sony 設計團隊嘅心思，就好似將指紋認證器合併到機側開關制，同埋機側刻有 Xperia Logo ，依啲細節位都令 Xperia Z5 系列美感升級，籮文覺得直頭可以當係藝術品觀賞。
▲籮文覺得三隻色都可以 Fit 到唔同個性嘅人，黑色啱低調嘅人，鏡銀就啱姿整又注重個人特色嘅人，而金色就梗係啱晒土豪啦！
▲將指紋認證器合併到機側開關制，同埋機側刻有 Xperia Logo ，依啲細節位都令 Xperia Z5 系列美感升級
相關文章:
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 外媒證實 PS5 Pro 傳聞 預料或在今年年底推出 俄羅斯普京促自主研發遊戲機 要能夠與 PS5、Xbox Series X|S 抗衡
用 4K 屏幕睇 HD 片 都一樣出 4K 質素
個標題可能有啲難明。用 Xperia Z5 Premium 睇 4K 片固然可以得到 4K 超高清效果啦，咁如果 YouTube 睇 1080p 嘅片係咪就會浪費咗個 4K 屏幕？其實唔會。當你睇一啲低於 4K 解像度嘅片時，Xperia Z5 Premium 將會跟據不同情況進行兩種增線（upscale），簡單倍增及智能倍增，令用家任何時候都可以睇到 4K 質素。籮文當然唔會執輸，梗係要即刻睇下 4K 屏幕嘅威力，播放 Demo 影片時可以見到所有線條都條條分明，而光暗嘅分別都係好明顯，光位暗位細節表露無遺。想知更加詳盡嘅屏幕表現，可以參考天恩早前喺日本試機嘅文章。
▲當你睇一啲低於 4K 解像度嘅片時，Xperia Z5 Premium 將會跟據不同情況進行兩種增線（upscale）
▲籮文當然唔會執輸，梗係要即刻睇下 4K 屏幕嘅威力。上圖可以見到光暗對比度嘅表現
▲記者會會場可以見到 Z5P 同其他品牌手機嘅比較，的確就算兩部都係播 YouTube，但經過 4K Upscaling，影像係有提升
超高像素相機 仲要拍到 4K
Z5 系列三款手機都有同樣嘅相機功能，2,300萬像素相機連 1／2.3吋 Exmor RS for Mobile 影像感測器及 f 2.0 光圈 G Lens 鏡頭。而籮文最感嘆嘅就係 0.03 秒超快對焦功能 同埋 5 倍清?變焦。今次 Z5 就唔只有 2,300萬像素畫質上嘅提升，速度上亦都有突破，配合相位偵測技術，對焦只需要 0.03秒，籮文試過，係唔係真係0.03就冇認真數過，不過影相幾乎Feel唔到有對焦嘅過程。除咗清同埋快，Z5 影相仲可以好遠，今次加入5倍清?變焦功能，雖然唔係光學變焦，但放大五倍畫面仍然過得去。而且三款機都繼續有實體影相制，岩晒鍾意影相嘅朋友。
▲DxOMark 實驗室係攝影界權威，佢哋都給予 Z5 Premium 全球第一攝影手機嘅稱號，就知道 Z5P 有幾利害
▲來自日本嘅 Sony 工程師黎到香港向大家講解 Z5P 嘅相機功能
▲籮文就去咗一個農場試下 Z5P 嘅相機
▲5倍清?變焦絕對係一個強大功能，啱晒籮文出記招，影相影到遠一遠都唔會起格
指紋可以用黎俾錢
今次 Z5 加入指紋感應器，指紋感應器就同開關制合併，換言之你隻手指㩒落開關制嘅同時指紋感應器就會感應到你的指紋進行解鎖，非常直覺化。籮文試過，解鎖速度一按即解，完全係冇 Delay。Z5P 支援最多登記5隻手指，比 Z5 多一隻手指，而且可以用指紋認證進行線上支付服務，不過更多服務詳情就要有待 Sony 及有關方面公佈啦！
▲Setup 亦只需一兩分鐘左右
籮文：「除咗 4K 屏幕，鏡面真係一大重點」
試問你幾時見過鏡面嘅 Smart Phone 先（痴咗鏡面 Mon 貼唔計啦），籮文真係被依塊魔鏡深深咁吸引住。平時唔少人都會拎部熄咗 Mon 嘅電話黎照鏡，方便呀嘛，但係黑炆炆點照得清楚呀。我都見過有人開個自拍鏡頭黎照鏡，但鏡頭點都唔夠真嘅鏡清?啦。雖然籮文係唔多照鏡嘅人，不過真係覺得 Xperia Z5 Premium 鏡面設計係跳出框框嘅設計。於籮文嘅哲學理念中，銀鏡面嘅 Z5 Premium 係凌駕於顏色之上，又或者咁講，當鏡面反射到咩顏色，部機就變成咩色。當手機界惡鬥緊，出咩顏色最特別，又皮革又木材，Sony 今次出鏡面依招，令手機設計唔再局限於顏色同材質，真係贏咗。至少贏咗我個心。
相關文章:
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 外媒證實 PS5 Pro 傳聞 預料或在今年年底推出 俄羅斯普京促自主研發遊戲機 要能夠與 PS5、Xbox Series X|S 抗衡
分享到 :
最新影片
