《長腿叔叔》、《湯姆歷險記》同《八十日環遊世界》等日本動畫株式會社 (Nippon Animation Co., Ltd.)出產嘅多部動畫曾經陪伴住香港好幾代人成長。今年愉景新城打造咗一個佔地達 5,000呎嘅 「Nippon Animation 40週年經典卡通聖誕樂園」迎接聖誕。依家就等我依莉詩帶大家一齊細味童年回憶啦！
《湯姆歷險記》華麗聖誕樹屋
《湯姆歷險記》故事中，湯姆同好朋友哈克貝里以樹屋作為秘密基地，而係廣場中央就呈現咗一間高達 6米嘅樹屋，配上聖誕裝飾非常華麗。
▲ 啟動禮當日宮崎駿同門師兄、著名日
▲ 湯姆同好朋友哈克貝里正係樹屋上面玩呢！
▲ 樹屋下好似迷宮咁，你又搵唔搵到我呢？
《長腿叔叔》浪漫剪影小屋
《長腿叔叔》剪影小屋充滿少女氣息同對愛情嘅憧憬，置身其中可以感受到茱迪對長腿叔叔嘅感情。小屋內更貼上茱迪寫俾長腿叔叔嘅書信，見證一段甜蜜愛情嘅萌芽。
▲ 屋內更展出咗由本地收藏家借出嘅過百件珍藏膠片原畫同卡通產品。
《長腿叔叔》「小郵差」體驗郵局
茱迪每個月都會寫一封書答謝長腿叔叔，小朋友可以係體驗郵局嘗試以往沒有科技嘅年代，寫書、寄信嘅滋味。
▲ 小朋友可以親自寫聖誕卡再嘗試派送信件俾朋友或者家人。
▲ 另外，郵局內展出了不少膠片原畫、年曆、公仔書、扭蛋等「世界名作劇場」嘅珍藏，粉絲們一定要入要睇下。
《八十日環遊世界》飄浮熱氣球
《八十日環遊世界》嘅儒勒同英國紳士會會員打賭要在八十日內環遊世界。環遊世界同熱氣球串連令人有無限嘅浪漫想像。
Nippon Animation 40週年經典角色大集合
一眾經典角色齊集慶祝 Nippon Animation 40歲生日，3面嘅佈景裝置展示了 70年代到千禧年代 40套動畫中嘅故事。
▲ 一次過就可以同 40套動畫嘅角色合照。
▲ 企係佈置前就好似同40套動畫嘅角色一齊慶祝生日。
▲40套卡通又面，唔知你又睇過幾多套呢？
經典卡通聖誕精品
睇完展覽點都想有嘢拎走嘅。只要係商場內以電子貨幣滿指定金額就可以免費換到以下精品啦！
▲ Nippon Animation 40週年紀念 Tote Bag。
▲《長腿叔叔》信封連信紙紀念套裝。
依莉詩點評
比起上年飄零燕咁多影相位同互動元素，今年有少少失望。除咗樹屋同熱氣球係立體之外，大部份都係紙板公仔，影出嚟唔多靚。而且因為有 40套卡通角色，主題唔夠集中。不過今次展出唔少收藏品，大朋友可以去懷緬一下。
聖誕氣氛 ★★★☆☆
必影指數 ★★☆☆☆
必買指數 ★★★☆☆
日期：2015年11月8日至 2016
地點：愉景新城 (荃灣港鐵站A3出口)
分享到 :
最新影片
