越來越多人鍾意用 GoPro 拍片，貪佢夠方便嘛！不過用普通手柄甚或者徒手拎，拍出黎嘅一定好震，睇到頭暈都似呀！所以用雲台就啱晒啦！最近 BeStableCam 就出咗個雲台，仲唔只支援 GoPro，同時仲支援 SJ4000 同 小蟻相機，以下有更多詳情。
按鈕升級變搖桿
上一代 SteadyGim3 EVO 手柄上有按鈕供用家控制上下左右，今次 SteadyGim3 Pro 將按鈕升級做搖桿，控制雲台好似用手制打機咁簡單咁好玩。
▲先開啓電源
▲今次 SteadyGim3 Pro 將按鈕升級做搖桿，控制雲台好似用手制打機咁簡單咁好玩
三個穩定拍攝模式 配合不同拍攝 Style
SteadyGim3 Pro 3-Axis 備有三軸防震設計，仲有三個模式可供使用，只需按手柄上的搖桿就可以轉換，包括手持追蹤模式 (Heading Follow mode)、鎖定模式(Heading Lock mode) 及目標及俯仰追蹤模式 (Heading/Pitch Follow mode)，無論拍咩片種，身處咩環境都可以幫你減少因移動產生的晃動，繼而拍到順暢嘅片段。
▲只需按手柄上的搖桿就可以轉換模式
▲三種模式可供選擇，無論拍咩片種，身處咩環境都可以幫你減少因移動產生的晃動，繼而拍到順暢嘅片段。
能縮能伸 同時為 GoPro 尿袋 續航力雙雙 Level Up
SteadyGim3 Pro 最突出嘅就係用上兩截式手柄設計，除咗長度唔同，原來用上長手柄仲可以俾你入更大嘅電池，唔只可以提高雲台嘅續航力，雲台附上一條 GoPro 充電線，只要接駁咗，就可以為你嘅 GoPro 充電，無論係雲台定 GoPro 都立即續航力 Level Up！
▲用上兩截式手柄設計，除咗長度唔同，原來用上長手柄仲可以俾你入更大嘅電池
▲唔只可以提高雲台嘅續航力，雲台附上一條 GoPro 充電線，只要接駁咗，就可以為你嘅 GoPro 充電
特色：
l 連接線隱藏於雲台之內
l 電池擁有7-12小時壽命，更為耐用
l 輕便易攜，簡便易用
l 特製螺絲，使安裝及移除GoPro更快捷容易
l 有 3.5mm A / V 輸出
l 高扭力電動馬達，自動控制穩定
l 非圖像介面設定，隨插即用
l 採用4顆可充電電池及附帶1充電座，每電類型是18650電池，3.7V 1800mAh.
建議零售價：HK$2,580
查詢：Microworks（2950 0175）
