情人節大家當然想浪浪漫漫咁過,又係時候R爆頭諗送乜,不過首先……俾個建議大家,送手錶!不過送普通個啲情侶錶,好似無乜睇頭,款式又一般,一街都係。所以其實今次介紹送嘅呢隻「錶」係運動手環!有咗佢,出街帶又得,一齊帶住跑步做運動又得,同你另一半過一個健康同快樂嘅情人節啦!以 Polar 嘅 A360 為例,顏色多而且錶帶可以隨意更換夠晒特別,你甚至可與伴侶互換錶帶襯衫。A360 供24/7佩戴的設計就好似你對另一伴咁貼心,用黎做情人節禮物別具意義。
![image001](https://cdn.unwire.hk/wp-content/uploads/2016/01/image001-5-694x463.jpg)
![A360_Group_beauty_horizontal](https://cdn.unwire.hk/wp-content/uploads/2016/01/A360_Group_beauty_horizontal-694x463.jpg)
戴得舒服 其實好輕身
運動手環比手錶更輕,戴住瞓覺用黎監測睡眠質素都無問題。而且具有輕觸式高清彩色顯示屏,操作簡易快捷。
![image011](https://cdn.unwire.hk/wp-content/uploads/2016/01/image011-1-694x390.jpg)
心率感測器全天候監察健康
心率感應器設於手環背面,只要撥去心率監測頁面,就可以啟動佢嘅心率監測功能。
![image005](https://cdn.unwire.hk/wp-content/uploads/2016/01/image005-2-694x390.jpg)
相關文章:
【評測】Polar Grit x2 Pro 智能運動手錶 雙頻 GPS + 軍用標準
Check 住減咗幾多卡路里先有動力!
好多女仔話做運動好辛苦。但其實佢地只係睇唔到成果,如果當你睇到做完運動之後減咗好多卡路里,下次就會好有動力做運動。A360 備有全天候活動監測,幫你計算你一日裡面嘅活動消耗咗幾多卡路里,並且計算步數。A360 仲會幫你訂定每日嘅活動目標及教你用咩野方式達到目標,從此無藉口懶懶閒啦!
![image002](https://cdn.unwire.hk/wp-content/uploads/2016/01/image002-3-694x390.jpg)
智能提示 無藉口唔做運動
手錶具備智能提示,當監測到你太耐唔郁會震動提示你起身郁下。尤其係返 Office 嘅朋友,有時太專注地做嘢,會成日坐係位度無起身活動過,有呢個功能就可以幫助你保持活躍。
成日好似懶蟲咁?手環會提示你太耐無郁架!起身啦籮文!
有防水 可全天候戴著
作為一條運動手環,防水是基本吧!Polar A360 都無令人失望,防水 30 米,即係可以一年 365 日每日 24 小時戴住喺身都無問題!
相關文章:
【評測】Polar Grit x2 Pro 智能運動手錶 雙頻 GPS + 軍用標準
智能提示 伴侶有時急 call 都有通知睇到
有時行開行埋放低電話,Miss 咗伴侶 Call 都唔知。男朋友都仲好啲,Miss 咗女朋友 Call 真係……解決辦法就係使用 A360 智能提示功能,無論係電話定係 Whatsapp 、訊息等,一收到就會震動通知你!
將資料同步至手機 作更全面分析
其實運動手環更重要嘅目的,就係用佢收集返嚟嘅資料作更全面嘅評估。Polar 有手機 App,記錄及分析返運動手環嘅數據,可以更全面地了解你嘅身體狀況,再調整合適你嘅運動計劃。
售價:HK$1780
查詢:21195500
相關文章:
【評測】Polar Grit x2 Pro 智能運動手錶 雙頻 GPS + 軍用標準
分享到 :
最新影片
![](https://cdn.unwire.hk/wp-content/uploads/2024/07/cmf_phone1_web1-694x390.jpg)