籮文:「防水防塵有 4G 仲送叉機座」Fujitsu M-02 日系手機

讚好此文:

二月 12, 2016 •手提電話, 手機測試, 評測

日系機出晒名外型靚,又防水,依部 5吋芒手機 Fujitsu M-02 擁有 800 萬素主鏡頭,唔只防水防塵,機背仲有特製塗層,可以有效避免印上指紋。支援 4G,又送叉電座,配件齊備,而日系水貨機黎講,賣價都相當吸引,想知有幾抵玩就要睇以下文章啦!

FujitsuM-02-12

方方正正 特製塗層防指紋

Fujitsu 依部 Arrows M-02 最大賣點可謂「日本製造」,雖然大家都係日系機,但大部份日機都是中國或其他地方製造,而 Arrows M-02 機背細細隻字寫住「Made In Japan」,可以話係全部機最值錢嘅位。機背大大個鏡面銀色 Fujitsu Logo 非常突出, 而機背有特製塗層,唔跣手之餘又唔會痴手指紋。機背左下角有繩圈位,俾大家懷舊一番,扣上電話繩。對於籮文黎講 Arrows M-02 大細剛剛好,一手掌控十分輕鬆,不過成部機四四方方,方角位就有點兒「銀」手。 

FujitsuM-02-05

▲機背大大個鏡面銀色 Fujitsu Logo 非常突出, 而機背有特製塗層,唔跣手之餘又唔會痴手指紋。

FujitsuM-02-09

▲機背左下角有繩圈位,俾大家懷舊一番,扣上電話繩。

防水防塵 通過埋美軍認證

日本製造,果然手感非常硬淨,保護性方面,IPX5 / IPX8 防水及 IP6X 防塵功能已經係多數日系機都有嘅功能,但係 Arrows M-02 更加通過美軍 MIL-STD-810G 標準認證,籮文就梗係做過 Research,要取得 MIL-STD-810G 認證就需要通過低壓測試、高低溫測試、震動及衝擊測試等等,所以依部 Arrows M-02 可以話係一部三防手機。但係用家想拎去濕水時,就記得要確保機身上所有防水蓋都有閂實。

FujitsuM-02-03

FujitsuM-02-04

▲機底 MicroUSB 插槽

FujitsuM-02-10

FujitsuM-02-08

▲機身左側開關制、 MicroSD 及 SIM 卡插槽

FujitsuM-02-11

▲音量位於左側,而機頂 3.5mm 耳機插孔就不需防水蓋

盒內齊料 仲送叉電座

近年唔少日系機包裝都走環保簡約路線,盒內只有手機一部,諗住你實有 MicroUSB 線同火牛。但係 Arrows M-02 就唔同,盒內唔只有 MicroUSB 線同火牛,仲送多個叉電座俾你,非常貼心。只要將叉電座接上 MicroUSB 電源,手機插入叉電座時不需要打開 MicroUSB 防水蓋,叉電座會透過機背金屬位為手機充電,非常方便,唔使再怕手機 MicroUSB 位防水蓋膠鉸位因經常操作而勞損。

FujitsuM-02-17

FujitsuM-02-15

▲只要將叉電座接上 MicroUSB 電源,手機插入叉電座時不需要打開 MicroUSB 防水蓋

FujitsuM-02-06

▲叉電座會透過機背金屬位為手機充電,非常方便,唔使再怕手機 MicroUSB 位防水蓋膠鉸位因經常操作而勞損。

屏幕邊邊 拉出快捷應用程式

日系機當然唔少得一啲得意功能啦,等我重點介紹三個有用小功能。首先有 Slide-in 功能,只要啟用後就可於屏幕邊邊打出一個快捷鍵圈圈,用家可以自訂8個應用程式的快捷鍵。只要細心睇,可以見到屏幕底部除了有 Back 制、Home 制 及 Menu 制,最右邊仲有一個 Slide Display 制,一按下,屏幕畫面就會滑到屏幕下方,一手操控時就更輕鬆按到畫面最上方的按鈕。最後,就係一個計步器 widget,鼓勵下自己行多啲呀嘛!

FujitsuM-02-21

▲首先有 Slide-in 功能,只要啟用後就可於屏幕邊邊打出一個快捷鍵圈圈,用家可以自訂8個應用程式的快捷鍵。

FujitsuM-02-13 FujitsuM-02-14

▲只要細心睇,可以見到屏幕底部除了有 Back 制、Home 制 及 Menu 制,最右邊仲有一個 Slide Display 制,一按下,屏幕畫面就會滑到屏幕下方,一手操控時就更輕鬆按到畫面最上方的按鈕。

FujitsuM-02-22

▲最後,就係一個計步器 widget,鼓勵下自己行多啲呀嘛!

5 吋 720p 屏幕 質素還可以

配置 5 吋 OLED 屏幕,沒冇日系機最興嘅超幼邊框設計,但整體屏佔比都可以接受,至少沒有笨拙嘅感覺。屏幕細緻度唔算高只有 720p,計落都係得 260 ppi,但細看都唔會見到起格情況,而顏色表現就出奇地好,開出預載圖片時,可以見到不論天空、岩石或地上小屋的色彩都十分鮮豔,不見有嚴重偏色問題,目測只有非常輕微的偏藍。

FujitsuM-02-19

▲配置 5 吋 720p OLED 屏幕,細緻度唔高,但細看都唔會見到起格情況,

FujitsuM-02-18

▲開出預載圖片時,可以見到不論天空、岩石或地上小屋的色彩都十分鮮豔,不見有嚴重偏色問題,目測只有非常輕微的偏藍

800 萬像素主鏡頭 有驚喜

影相介面非常簡單直接,只有一個影相制及 Menu 制,打開 Menu 就有不同設定。雖然主鏡頭得 800 萬像素,前鏡更只有200萬像,細緻度一定唔會好掂,但係影落,不論光影及顏色表現都非常令籮文驚喜。當日都算陰天,環境光線唔多,但影出黎光暗分明,就好似等車婆婆,就算半邊面逆光都唔會一片漆黑。從建築物線條細緻度都唔錯,唔會見到油畫化。自拍鏡頭只有 200 萬像,沒有開美顏效果情況下,清????度都可以接受。

FujitsuM-02DRIVE11 FujitsuM-02DRIVE10

▲影相介面非常簡單直接,只有一個影相制及 Menu 制,打開 Menu 就有不同設定。


FujitsuM-02DRIVE02 FujitsuM-02DRIVE03

▲雖然主鏡頭得 800 萬像素,前鏡更只有200萬,細緻度一定唔會好掂,但係影落,從建築物線條細緻度都唔錯,唔會見到油畫化。

FujitsuM-02DRIVE04

▲自拍鏡頭只有 200 萬像,沒有開美顏效果情況下,清晰度都可以接受。

官方稱電量夠用 3 日

用上的四核心處理器是 MSM89161.2GHz ,配合 2GB RAM 及 16GB 儲存空間。如果 16GB 不夠用,最多可插 32GB  microSD卡。官方表示 Arrows M-02 經過內部優化,2,330mAh 的電池可使用上 3 日,不過籮文將屏幕光度調到最亮,75% 電量時系統估計只可以再用 4 小時,如果想用 3日,可能就要調到最低亮度。

FujitsuM-02DRIVE16

籮文:「一手掌控 防水耐跌 有安全感」

講硬件,依部手機規格麻麻,一點都不突出。但係 Arrows M-02 最強就係有「日本製造」嘅光環,防水防塵之餘,有美軍認證,耐跌耐用,一手掌控時都非常有安全感,附送叉電座又令用家唔需要開 MicroUSB 位防水蓋。加上 800 萬鏡頭有驚喜,依部日系機賣依個價錢都算抵架!

FujitsuM-02-02

Fujitsu M-02

售價:HK$3,080

查詢:2374 0618(三禾)

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: ,

讚好此文:


Comments are closed.

unwire TV



更多同類文章:

最新文章