Galaxy S7 及 S7 edge 啱啱推出，相信唔少 wire 民都已經急不及待想試玩，最近我依莉詩就去咗銅鑼灣的 Samsung Galaxy Studio 體驗館，入面唔單止有一系列 Galaxy 產品供試玩，最正的是有 Gear VR 4D 動感戲院，一齊坐過山車吧！
Galaxy S7 及 S7 edge 融合 Galaxy 產品
你可能會問 Galaxy S7 同 S7 edge 係豐澤、百老匯都有得試啦，點解仲要去體驗館呢？或者就係唔洗怕試試下成為 Sales 的目標吧！哈哈。呢度設有多個體驗區，佈置簡潔時尚，而且展現了 Galaxy S7 同 S7 edge 如何與其他 Galaxy 產品融合，例如 360 度
▲ 體驗館佈置非常科幻，有 D 機係隔住玻璃欣賞，有 D 就可以親身體驗。
▲ 入去之前記得拎呢張卡，因為集齊 4 個印就可以去玩今次的重點， Gear VR 4D 動感戲院啦！
▲ 想集齊印章其實好簡單，就係去各區試玩。呢個區就係試玩的 Galaxy S7、S7 edge，唔同顏色都齊晒架！
▲ 就連今年 MWC 先推出的360度攝影相機 Gear 360 都有。球狀設計，非常輕便精巧，帶出街應該好方便，而且只要用「Gear 360 Manager」應用程式無線連接至 Galaxy S7 和 S7 edge Livestream（現場直播），所拍攝的影像可即時下載至手機，用 Gear VR 觀賞，輕鬆享受自製的360度虛擬世界。
▲ 既然講得將 Gear 360 所拍的影像即時係 Gear VR 睇，呢度當然有得試啦！
▲ 最後一樣就係 Gear S2 ，估唔到連香港無得賣的玫瑰金配白色皮帶都有！(睇完好想問，我可唔可以用手上的黑色同佢交換。)
Gear VR 4D 動感戲院超逼真！
點解我張相咁狼狽呢？唔好意思，事關我集齊晒 4個印章之後去咗玩 Gear VR 4D 動感戲院。正當我以為只係平時咁，用 VR 睇過山車片的時候，原來連張凳都會郁埋，真係超逼真，仲嚇餐飽。雖然唔係真係係過山車上面衝落嚟，但原來 Feel 到有離心力，玩完仲有 D 暈暈地添！攝影師哥哥仲話，你嚇到咁仲笑得出已經好好架啦！
Samsung Galaxy Studio體驗館
銅鑼灣怡東廣場 － 3月11日至4月4日 (上午11時至晚上9時) (附設Gear VR 4D動感戲院)
屯門市廣場 － 3月11日至3月13日(上午11時至晚上9時)
德福廣場一期 － 3月18日至3月20日(上午11時至晚上9時)
太古城中心 － 4月1日至4月3日(上午11時至晚上9時)
又一城 － 5月6日至5月8日(上午11時至晚上9時)
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
分享到 :
最新影片
