雖然大熒幕電視的價格已非常親民,但香港寸金尺土,要放部大電視談何容易? 所以如果一部機可以同時做電視和電腦熒幕,就最理想。要平衡到電視和電腦熒幕的用途唔容易,LG 的 27MT57S 大概會是一個不錯的選擇。
細細部放係房用就最啱
可能好多 wire 民還是單身或者是新婚夫婦,都未必可以負擔到買間成千尺的安樂窩,好多時要住在二三百尺的蝸居,不少這類蝸居一入屋就是客廳又是睡房,在空間不足的情況下,要放部大尺寸的電視其實未必適合。LG 這款 27” Smart TV 相對來說就十分適合空間不多的地方使用,它的長度只有 25”,配合可以掛牆的設計,就可以進一步節省擺放的空間。
▲機身背面仲有掛牆設計,成部電視放埋上牆就可以更節省空間。
側邊睇都清楚無死角
今時今日大家就算看 YouTube 最少都會選擇 1080p,所以個熒幕最少都要支援全高清才可以睇到影片的細節。27MT57S 除用上 IPS 1,920 x 1,080 的全高清 LCD 熒幕之外,更有高達 178 度的可視角度,就算由側面甚至頂部觀看,畫面質素都不會受影響。更闊的可視角度對於蝸居來說尤其重要,就算大家坐在家中不同角落,都可以睇得清看得見電視畫面。除了畫面之外,內置的喇叭同樣「夠勁」,因為好多時 27” 電腦熒幕都未必有內置喇叭或音量未必足夠,而 27MT57S 的內置喇叭音量絕對足夠。
▲有賴廣闊可視角度,即使安坐「大班椅」上,還是打機坐姿不正,畫面的顏色和細節都同樣精準。
▲熒幕對比度高,線條細緻分明,無論看動畫、電影的層次都更加分明。
相關文章:
LG SIGNATURE OLED T 到港 全球首款 77 吋透明 OLED 4K 電視機 LG 發佈第四代 OLED 面板 亮度提升 33% 可達 4000 尼特 LG 停產藍光播放機 庫存耗盡後將結束銷售
手機 Notebook 隨時無線駁上
27MT57S 作為一部 Smart TV 就已經內置數碼電視接收功能,即開即睇無需靠電腦,亦較電腦需要用到 USB TV 接收器更為方便,同時可減少因長期觀看導致 USB 過熱而影響畫質及穩定性的問題。除內置的 DTMB 數碼電視接收、USB 輸入和電視必備的 HDMI 輸入外,27MT57S 更支援 Miracast 功能,可以直接將流動裝置的畫面直接傳送到更大的 27MT57S 上觀看,用來打機就更加爽,小編試玩 Monster Hunter Explorer 雖然聲畫同步,但仍然有約半秒的延遲,所以玩需要反應快的遊戲可能未必太過適合。另一個使用方案就是將手機變成遙控,在 27” 熒幕上睇訊息、玩 Facebook 或用其他 Apps 睇短片都不成問題,享受更具彈性的數碼生活。
▲機背接口齊全,足以應付現時常用的多種輸入模式。
▲就算以 USB 直接輸入,電視內置的影片播放器亦可以流暢播放 1080p 60fps 的影片檔案,連較舊的 vob 格式都可順暢播放,已足以滿足常見的影片格式。
▲要使用 Miracast 功能十分簡單,只要開啟選單再選擇 Screen Share,再於流動裝置搜尋即可連接。
▲畫面質素同聲音都沒有太大的延遲,但對於要玩一些需要反應速度快的遊戲可能會差少少。
免開電腦上網睇片
時下凡事都講智能,所以 27MT57S 亦不落後於人,電視可以直接 Wi-Fi 上網,再配合電視內置的 Apps,例如 Netflix、Play Movie 或者 YouTube,同樣無需開電腦就可以追美劇或者租戲睇都一樣無問題。經測試,如果是一般 1080p 影片的話,一般 WiFi 只要有約 3-5MB/s 的速度就已經相當流暢,如果要進一步確保流暢度或 WiFi 接收較差,機身背面亦有 LAN 介面可以接駁有線網絡。
▲只要接接至網絡就可以透過多個不同的 Apps 直接串流電視或電影節目,完全無需靠電腦。
▲睇 Netflix、Google TV 等不需要再外置任何裝置,空間運用就更具彈性。
▲27MT57S 內設置多種顏色模式,設定方法簡單,睇電視節目、打機之間所需的對比度按兩下就設定好。
Arthur 評語:就算放係房都咁啱用
如果各位 wire 民想要一部多用途電視,27″ 其實算得上是一個合適的尺寸,因為 24″ 做電視明顯太細,31″ 做熒幕又太大,放在桌上會太壓迫。加上內置喇叭音量亦相當足夠,輸入又夠齊全,售價亦合理,就算平日用作自己和朋友看電視,駁 PS4、Xbox 打機,還是充當手提電腦甚至手提電話的外接熒幕都好實用。
查詢:3543 7777
售價:$3,099
相關文章:
LG SIGNATURE OLED T 到港 全球首款 77 吋透明 OLED 4K 電視機 LG 發佈第四代 OLED 面板 亮度提升 33% 可達 4000 尼特 LG 停產藍光播放機 庫存耗盡後將結束銷售
分享到 :
最新影片
![](https://cdn.unwire.hk/wp-content/uploads/2036/01/dreamev18s_web1-694x390.jpg)