坐直昇機向來都係貴族玩意，想嘗試飛行樂趣就只好玩 VR 解下癮。 估唔到今次私人直昇機公司 Heliservices 同 提供 VR 體驗服務的 JetOne 嚟咗個 Crossover ，唔駛 $2000 就可以同時體驗真實直昇機飛行 同 學玩飛機模擬器。今日我依莉詩就去做一次上等人啦！
直升機庫零距離接觸
一大清早我就出發去 Heliservices 的基地，因為比較偏僻，大概係嘉道理農場入口再直去一個路口，所以要係錦上路西鐵站再坐多 10 分鐘的士才可到達。而基地有一大片草地同兩個圓形停機坪供直昇機上落，旁邊就有維修倉庫同休息室平房。據說只係一個月前裝修完成，所以都好新淨。
▲ Heliservices 錦上路基地設計好簡單，好有郊外的感覺。
▲ 直昇機庫停泊咗一架維修緊的飛機。
▲ 近拍俾大家睇睇直昇機的內部。
環繞維港景色，超近 IFC
參觀完直昇機庫，講番今日的行程，我地會由錦上路基地出發，穿過荃灣、貨櫃碼頭同維港，最後飛抵尖沙咀半島酒店頂層停機坪，全程大約十分鐘。雖然話只係 10分鐘，不過眼前的景色真係好吸引，親身從機艙俯瞰香港比起睇航拍機的影像震撼得多。
▲ 上機全我地先係休息室睇數分鐘安全短片。
▲ 今次搭的直昇機後排有 6個座位，前排就有兩個包括機師及導遊。扣上安全帶同戴上 headphone 就可以坐定定等待起飛。
▲ 一開始大部份都係山景，之後就會見到元朗平原。
▲ 再過一堆屋邨，就到了貨櫃碼頭。一個個的貨櫃變得好細粒，好似 Lego 咁。
▲之後就係昂船洲大橋。
▲ 話咁快就到咗 IFC，真係飛得超近。
▲ 遠望維港的景色。
▲ 話咁快就見到文化大心的頂部，就知要降落了。
相關文章:
手機成癮網上調查 三分二受訪者承認上癮女比男嚴重 政府公佈巴士的士電動化路線圖 謝展寰相信巴士公司不會將買車成本轉嫁乘客 警方打擊 Uber「白牌車」 3 男子提堂被判罰款 4,000 至 8,500
VVVVIP 先睇到的半島珍品
降落的地方係半島酒店天台，呢度係酒店的 VVVVIP 先去到的地方，平時並不開放俾公眾。呢度的環境優雅寧靜，仲放咗唔少舊飛機的零件同物品，非常值得欣賞。
▲ 呢個係好有歷史的舊飛機引擎。
▲ 仲有一 D 以前的人搭飛機時用的物件。
依莉詩後感
搭直昇機一向都覺得係貴族玩意，原來呢度唔駛包機都坐到，消費想像中平。如果求婚或者紀念日去應該都唔錯。雖然只係短短十分鐘的時間，但一定會非常難忘，特別係飛近 IFC 的一刻，我終於明白點解咁多外國大片都要嚟香港取景了。不過，就算唔駛包機，都要 4人以上先可以成行，所以最好都係搵多幾個朋友一齊穩陣 D。
VR + 模擬器學揸真 ‧ 飛機
搭完真的飛機，真係好想試下揸！不過，如果係我揸，我諗香港會好危險，所以都係去 JetOne 玩下飛行模擬器同 體驗 VR 飛行 好了！
▲ 轉眼去到 JetOne 中環店，我第一時間就去試玩飛行模擬器，三個巨型曲面螢幕、控制器同會震既凳，坐上去就好似係飛機的駕駛倉一樣。而玩的時候旁邊會有飛機師資格的導師指導，佢地都好有耐性，除咗教我點飛之外，仲一路講佢學飛的故事比我聽。
▲ 嫌模擬器唔夠真實的話，呢部就係戴住 VR 體驗飛行，就好似係空中一樣。
▲ 除咗飛，呢度仲有貼地的賽車模擬器，同樣好逼真架！
依莉詩後感
相比起坐真的直昇機，模擬器同 VR 當然做唔到咁逼真，不過都有 7-8成相似，而且模擬器同 VR 都有得親自控制飛機升降，都好值得玩架！
Heliservices X JetOne 套餐
空中環繞香港島 10分鐘 + VR 模擬體驗 30分鐘 $1,999/位
空中環繞香港島 15分鐘 + VR 模擬體驗 30分鐘 $2,699/位
相關文章:
手機成癮網上調查 三分二受訪者承認上癮女比男嚴重 政府公佈巴士的士電動化路線圖 謝展寰相信巴士公司不會將買車成本轉嫁乘客 警方打擊 Uber「白牌車」 3 男子提堂被判罰款 4,000 至 8,500
分享到 :
最新影片
