Dyson 風筒由日本發佈果一刻已經受到大眾關注，除咗因為中間穿窿的設計夠特別之外，最令人驚訝的是索價過千的定價。雖然預計今年夏天先有行貨，不過我依莉詩就率先係日本訂咗部返嚟試，到底又係咪真係值？
相關影片﹕
超輕身唔再「頭重腳輕」
Dyson 呢個風筒之所以中間穿窿完全因為佢個摩打嵌入咗係手柄，令風筒更平衡，所以唔會「頭重腳輕」，而採用的 V9 摩打體積細，而且非常輕身，只係重過支水少少，所以唔怕吹到手軟，個頭都未乾晒。不過，亦因為摩打係手柄，所以無辦法對折，收納時就唔太方便。呢個風筒另一個特點就係特別安靜，開始時的低頻的嗚嗚聲靜過普通風筒一半有多。平時吹頭時總係聽唔到人講嘢，而呢個就唔會，一邊吹頭一邊聽電視都得。不過就未靜到 Dyson 的風扇咁可以無聲，如果夜晚吹頭都有機會俾媽媽話架！
▲ 日本設計的包裝果然好細心，入面有海綿墊住，而且風筒都有膠貼貼住，確保運送過程中唔會整花。而盒內除咗風筒，仲有 3款造型配件、防滑墊同掛繩。
▲ 雖然風筒好輕，不過無法對折，收納時不太方便。
▲ 啞黑色的風筒頂部有個桃紅色圈，非常有型。
▲ 出風位同 Dyson 的風扇一樣，中間係穿窿的，就算開著都可以放隻手係中間。
▲ 平時吹頭吹到攰都會放低個風筒休息下，不過個風筒開得耐又會好熱唔知放邊好，而 Dyson 風筒就送埋個防滑墊俾你放，好貼心啊！
相關文章:
Dyson Supersonic Nural 新一代智能風筒香港發佈 3 大智能感測科技、按距離調溫保護頭皮 Dyson 發表 AR CleanTrace 手機 AR 顯示吸過地方會變色 Dyson Airstrait 吹風直髮器抵港 無發熱板直髮、免加熱 set 頭
極速吹乾唔再吹到「瞓捩頸」
依家 D 風筒都話自己係「護髮風筒」，其實護髮最重要的元素係溫度，而 Dyson 呢個風筒配備智能溫度控制科技，風筒內的玻璃珠熱敏溫度偵測儀，，每秒可偵測溫度20次，確保風筒不會因過熱而傷害頭髮，從而做到護髮的效果。至於呢個風筒溫度有分 4個模式，分別係 28°C 恆冷、60°C 輕柔吹乾、80°C 正常吹乾 及 95°C 快速吹乾和造型，而風速有 3個模式，分別係 快速吹乾、正常吹乾及造型，唔同的溫度同風速都可以幫助吹唔同的造型。如果吹吹下覺得熱，要校較番低 D 風速或溫度，呢個風筒伸長隻手指公就可掣到 D 按，都幾易 set 架！我將風筒校到 95°C 及 最高風速，長髮唔駛 15分鐘就 8成乾了，比起平時頭吹到頸都則都未乾快好多呢！
▲ 快速同溫度鍵係頂部圈圈上，用手指公輕按就得，唔難控制。
▲ 為咗定型，最尾都會吹一吹凍風，開關掣下有冷風鍵，雖然唔算明顯好凍，都仲係有少少暖暖地，不過都可以做到定型效果。
換配件唔燙手
為打做不同造型， Dyson 風筒配有 3款造型配件，包括為直髮而設的順滑風嘴、為曲髮而設的擴散風嘴，仲有為一撮頭髮造型而設的集風嘴。風筒送配件唔算特別，特別在配件都用磁力接駁，而且就算開得耐熱風，配件表面都唔覺燙手，可以即時更換配件，非常方便。我覺得最好就係順滑嘴想點轉都得，可以就番左右手唔同的角度吹直髮，加上佢有埋負離子功能，想完 D 頭髮就更順直，而且唔毛燥。
▲ 配件都以磁力接駁，放近就會貼實，更換時非常方便。
▲ 擴散風嘴係鬈髮周圍均勻地吹出氣流，風的力度唔強，用嚟吹曲髮髮尾就啱晒！
▲ 集風嘴就可以快速吹乾一束頭髮，無需擔心損壞其他部分的造型。
▲ 風筒未端係散熱位，用果時小心唔好遮到實啊！
買火牛要足火
因為係由日本買返嚟，所以都係 110v 的兩腳插頭，要係香港用就需要買變壓器同轉插。要注意日版風筒的功率係 1200W 所以要買個俾佢更大 Watt 數的變壓器先得。亦因為變壓器比較重，運費都幾貴，所以我建議去鴨寮街買，大約 $300 左右。不過變壓器都要加多兩個轉插先用得，如果個頭濕淋淋，仲要左駁又駁先開到個風筒，其實都幾危險。
▲ 雖然呢個風筒的功率係 1200W ，不過我係日本一次網購買咗個 2000W 的火牛都推原來唔郁呢！同事話咁細隻未必得…
▲ 始終都係鴨記買的大牛龜火牛比較足火，不過就要加多兩個轉插先用得。如果個頭濕淋淋，仲要左駁又駁先開到個風筒，其實都幾危險。
相關文章:
Dyson Supersonic Nural 新一代智能風筒香港發佈 3 大智能感測科技、按距離調溫保護頭皮 Dyson 發表 AR CleanTrace 手機 AR 顯示吸過地方會變色 Dyson Airstrait 吹風直髮器抵港 無發熱板直髮、免加熱 set 頭
依莉詩：「貴得有道理」
呢個 Dyson 風筒其實都貴得有道理，買嘅唔止係生活態度，仲係功能。對我呢 D 放咗工都三更半夜，屋企人瞓晒先嚟吹頭的長髮人士來說，佢比起普通風筒的確係輕同靜，快乾之餘，吹完個頭都順滑咗又唔毛燥，唔怕嘈襯屋企人，又可以快 D 吹乾頭瞓覺。我最欣賞佢的設計，中間穿窿不但特別，用磁力接駁配件都好方便。不過依家只有水貨，要買埋變壓器先用得，如果個頭已經濕淋淋，仲要左駁又駁先開到個風筒，其實都幾危險。我諗大家都係等行貨比較好。
點點 & 阿 Gi 試用及髮型師使用技巧
如何入手 ? 從日本郵購到港方法
大家都知要係日本買嘢除咗自己飛去，就需要有個日本地址，而今次我就揀咗用 Buyandship 國際網購轉運服務幫手。原來步驟唔算複雜，3個步驟加兩星期就可以將風筒寄到香港。
第一步：登記做會員
先上 Buyandship 網站登記成為會員，並取得海外倉庫地址，而 Buyandship 日本的地址係千葉縣，都算係幾方便的位置。
▲ 登記成為會員後，就可以得到海外倉庫地址。
第二步：上網購物
做完前事工作，係時候上網 shopping 了！只要上 Amazon JP ，並係搜尋列輸入 Dyson 就可以見到風筒，然後就可以放入購物車同用信用卡付款。除咗送貨地址要填上千業縣倉庫地址外，姓名等等資料等等其他填番自己的就可以。
▲ 買嘢的流程同平時網上購物差唔多，只係送貨地址要填番千業縣倉庫地址啊！
第三步：申報貨件
過兩三日後就會收到 email 知道發貨，然後上番 Buyandship 網站申報貨件， 填寫貨物追蹤編號同送到香港的地址就可以乖乖等待到貨了。
▲ 今次的運費大約 $190，相比起 3千蚊的風筒唔算貴啦！
相關文章:
Dyson Supersonic Nural 新一代智能風筒香港發佈 3 大智能感測科技、按距離調溫保護頭皮 Dyson 發表 AR CleanTrace 手機 AR 顯示吸過地方會變色 Dyson Airstrait 吹風直髮器抵港 無發熱板直髮、免加熱 set 頭
分享到 :
最新影片
