Dead Rising 4 評測:喪屍數量超多 EXO動力裝甲太屈機

讚好此文:

十二月 9, 2016 •遊戲評測

相信第一代玩 XBOX 的讀者唔少都好似小編咁為咗《Dead Rising》呢隻遊戲而出機,不經不覺這款 Capcom 大作已經來到 10 週年,而在《Dead Rising 4》入面,第一集入面的主角攝影記者 Frank West 將會重出江湖,重返 Willamette Parkview Mall 商場,究竟 Frank 今集可唔可以破解軍方的陰謀呢? 以下就為大家詳細介紹這款重量級喪屍大作。

畫面更血腥 支援 4 人合作

係第一集《Dead Rising》Frank 戰勝咗軍佬成功逃出生天,話說 10 年後的今日 Frank 已經成為大學的教授,重回舊地全因為他的學生 Vick 發現咗 Colorado Willamette 又有不尋常的軍事行動,借機引咗 Frank 去一探究竟!而今集遊戲喪屍病毒爆發嘅地方當然就係當年案發現場 Willamette Memorial Megaplex Mall 入面,Vick 希望可以拍低獨家相片像 Frank 一樣獲取新聞大獎,當然最後便是被困 Willamette,Frank 不得不一邊深入調查另一邊尋找出路逃離禁區。雖然就話遊戲背景地點和當年相同,不過商場和地圖的範模比起當年大得多亦靚得多,連同喪屍數量亦倍增,而且舊作被 K.O 的喪屍會自動消失,不過在 DR4 玩家則會見到屍橫片野的場面,而且身上的血亦會保留更長的時間,總之整體的血腥程度更上一層!想好好發洩的玩家肯定會感到滿意。

▲今集 DR4 被玩家 K.O 嘅喪屍屍體並不會消失,而係會越堆越多,除了繼續有爆頭、分屍之外,Road Kill 之後的畫面實在慘不忍睹,場面太過血腥所以留待玩家慢慢發掘。

▲DR4 的地圖亦算好大,幸好各處的 Safe House 地下室都有提徑返回 Willamette Memorial Megaplex Mall,可說繼承了第一集的廁所通道。

另一方面,DR4 終於支援 4 Players 同時合作,比起舊作的 2 人 co-op 自然更加好玩,不過合作模式就繼續有時限,大家要好好合作先可以係限時內完成任務,想玩多人合作的喪屍遊戲又多一個好選擇。

▲DR 系列的瘋狂 Cosplay 相信係唔少玩家大呼過癮嘅地方。

支線任務無時限

《Dead Rising》系列遊戲以往最緊湊的地方就是分分秒秒都同你計時,稍一不留神就會錯過時間令你跌入不同結局(不過亦係令唔少玩家煲GAME 煲晒所有結局的原因)。不過今集 Capcom 就刪除了主任務和 Side Mission 支線任務的時限,亦不會在指定時間觸發新任務,玩家可以係遊戲地圖慢慢探索,逐個支線任務完成再慢慢搜救生還者!無需再擔心趕唔切時限前完成指定任務而即時 Game Over,對於新玩家嚟講肯定會更易上手,不過小編就覺得遊戲無咗個逼切性,對於 DR 老手嚟講緊張程度亦都降低不少。

 

▲DR4 的推出日期臨近聖誕節,Willamette Mall 商場內的佈置隨處可見 X’Mas 元素,甚至連武器亦極有聖誕氣氛!

▲路過特別事件會有藍色提示彈出,幸好救人不再需要拉龍…………

新舊武器任你用

《Dead Rising》系列遊戲最正的地方當然就係可以「亂執」武器,由牛肉刀、電鋸、風筒以至洋娃娃熊人公仔都可以拿來當武器,更可以自由組合出超級武器,不用多說 DR4 當然保留了 Dead Rising 系列特色,除了加入好多新嘅組合武器之外,亦首度加入 EXO 動力裝甲和 EXO 武器,簡單嚟講玩家要在特定地點穿上 EXO 裝甲,而且亦要使用專用的 EXO 武器,戰鬥力將會大大提升,而且專用武器火力亦非常之強,不過 EXO 裝備亦不是無敵,它是以電力推動,在限時之內玩家的攻/守能力都得到短暫爆升,玩家想著耐 D? 就要在軍方指定的充電站進行充電,否則一般只能夠使用幾分鐘而已。不過著左 EXO 裝甲之後靈活性就相當一般,而且長期著住都基本上係「屈機」,所以短暫時間內使用亦算合理。

 

▲EXO 裝甲及武器實在太屈機,要留意的是專用武器要在穿上裝甲後才可以拿起使用。

 ▲穿上 EXO 裝甲之後,要徙手撕開喪屍亦都話咁易

載具耐用性大跌

另一方面,以往的組合載具可以好方便玩家攞「連續 Kill」,不過來到 DR4 小編就覺得載具的耐用性大幅降低咗,以前可以 Road Kill 到架車爆先停,但今集載具又係以電量  % 計算,本身行駛已經會下降,而撞到喪屍式物件下跌的比率更會提高,所以小編由一舍點去另一個點基本上好難可以坐住同一架車去,好多時都要在路上面搵駁腳。

 

▲玩家不能在車廠無限任用載具,不過就可以向安全屋的販子直接購買特定載具

全新操作模式夠方便

以前小編係打大佬之前一定會狂執大量救傷包以備不時之需,不過 DR4 只可以比你隨身帶住 3 個救傷包(包括食物和飲品),想同喪屍和敵人鬥血多已經不再可能,好多時要逼你且戰且退搵補給,老手玩家可能要好好適應一下。而在武器選揀方面,DR4 亦改成以近戰武器、遠距武器和投擲武器、來區分(利用左邊十字杆選擇),用起來都算幾就手,而小編要讚一讚新的「自動組合武器」技能極之實用,以前玩家要靠強大的記憶力去記住又或者要睇教學點樣結合不同武器,DR4 就可以俾用戶增加自動組合功能,只要玩家身上有其中一種武器/代學品,只要行近另一種可以組合的零件和武器,就會以藍色圓圈顯示,用戶只需快速按下 B 鍵就可以即時組合,非常方便!

▲DR4 取消了工具書增加武器、載具耐用度,換成了要用玩家升呢而來的技能點數去提升。

▲切換投擲、近手及遠距武器利用左邊十字杆,操作起來亦算方便。

另外一個大家可能遺忘咗既 Frank West Trademark 影相亦係 DR4 再度登場,今集玩家亦要用 Frank 隨身攜帶的相機去影低罪證同埋一D驚嚇的相片以獲取 PP 得分,而且今次相機更加入咗新嘅功能 — 光譜分析儀及夜視功能,前者可以用來調整蛛絲馬跡,例如:門鎖密碼、指紋等等。而最過癮的地方就係主角可以大玩自拍,仲可以按  L 杆擺出唔同嘅表情,極度抵死!

▲按一下右杆啟動拍攝模式,再按一下 RB 便可以自拍,此時按下左杆可以擺出不同表情…..見圖

 

▲相片的 PP 值和等級取決於圖中的暴力、驚嚇程度和喪屍的數量而定!

 

▲玩家要靈活運用相機偵測線索及光譜分析儀才可以找到蛛絲馬跡過關

▲每過一關都有本日採訪報告,玩家操控的 Frank West 會慢慢由 nobody 變身得獎級的專業記者。

24 小時玩後感: 驚喜欠奉、保持水準

小編玩到今集 DR4,明顯地當年在商場內被喪屍圍的理逼感和心跳都失色了不少,其中一個原因可能是在 default 模式下變得易玩了,而且主角的生命值由以往一格格咁扣,變成數字化,每次被攻擊僅扣數十血,基本上站在喪屍群中間想自殺都要等幾十秒,完全唔駛驚一般喪屍攻擊(Boss、變種喪屍及剛喪屍化的人類另計)。BOSS 的利害程度小編亦覺得失色了,只要玩家手持組合武器很容易地就可以解決對手,而最重要是組合武器太容易就可以街上自動組合,雖然未必可以攞到自己用慣的武器,不過比起以往要返安全屋的儲物櫃攞已經方便好多。載具方面今集可能廠方刻意唔比大家咁易組合到必殺載具,所以可以組合的車輛一役都泊得遠遠,加上今集載具的耐用性大跌,喜歡ROAD KILL的朋友可能未必可以盡興。

▲小編仍然十分掛念 DR3 入面的補給車…….暫時仲未見到

▲EXO 裝甲和武器實在太誇張,感覺有點打破了遊戲的平衡。

今集主角部相機唔再只係用黎攞PP得分,玩家成日都有機會用相機的光譜分析儀進行搜查,呢個玩法新鮮感幾強,而小編對於全新的 EXO 裝甲就覺得「麻麻地」,因為一方面佢好快冇電,一方面係有得充電的AREA 使用就太過屈機,玩家基本上係無敵姿態,今集遊戲對於新接觸 DR 的朋友來說應該好好玩,不過對於 DR 老手來說就有點驚喜不足呢!

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , , , , ,

讚好此文:


Comments are closed.

unwire TV



更多同類文章:

最新文章