對於不少 wire 民，對於今次 Sony 推出的電話，目光相信只會放在兩部旗艦機款 XZ Premium 及 XZs 吧？不過現場其實還有兩部「滄海遺珠」，筆者覺得同樣在外貌上頗吸引的中階機，這就是 XA 系列的第二代：XA1 以及大熒幕機款 XA1 Ultra。友站《電腦王阿達》的編輯就在現場試玩了 XA1，現在就讓 Edward 帶大家睇睇呢部「被遺忘」的中階新機吧。
繼續無邊框設計！機背金屬感頗重
現在不少人都會買番部中階電話作為後備機使用，但有不少用家仍然希望平平哋買到部「見得下人」的機款，Xperia XA1 就是一例。一如既往它擁有多種顏色，當中這個桃紅色，筆者覺得無論男、女用家使用都不會太失禮，設計在云云中階電話來講算係上級之選了。此外，它的機背仍然是採用塑膠物料製作，但手感十分良好，一來物料應該不是低級塑膠那種，二來手感有少少金屬感覺，摸上手與市面不少旗艦電話很相似，完全不會因為它是中階機而覺得 cheap。此外，既然是 XA 系列的二代目，自然繼續用上兩側無邊框設計，睇起來都幾靚。
▲設計與上代 Xperia XA 有九成相似，同樣是無兩側邊框設計，機面頂及底與機身顏色一樣，完全睇唔出係中階電話。
▲至於機背，雖然是塑膠物料，但質素十分高，而且有少少金屬感，真係抵讚！
▲機頂為 3.5mm 耳機插孔，機底就是 USB Type-C 插槽，這與其他 Sony Xperia 機是一樣的。
▲可惜鏡頭方面只是以往的 2,300 萬像素款式，而非最新的 Motion Eye。
▲除了桃紅色外，仍有其他顏色選擇。
相片來源：電腦王阿達
https://www.kocpc.com.tw/archives/137341
分享到 :
最新影片
