敍福樓集團行政總裁黃傑龍就集團年報封面採用 AI 風格設計引發爭議發表詳細回應，強調公司一直積極使用 AI 技術，並非如外界誤解「用了 AI 不敢認」。他表示公司有四名全職平面設計師，年報封面製作過程有專業團隊參與，而非「大公司慳返幾千蚊」。
黃傑龍在社交媒體表示：「可能今次呢個話題吸引咗太多首次睇我 Facebook 嘅人，所以冇了解到我過去 posts 同個性，根本我係一個成日用 AI 嘅人點會唔敢認？」他解釋，自己 Facebook 封面橫幅以及早前與謝霆鋒合照均使用 AI 製作，而 2022 年公司年報封面亦已公開表明用 AI 生成，僅花 20 秒時間。
▲黃傑龍登出圖片，表示自己有俾錢Designer（圖片來源：黃傑龍facebook）
▲黃傑龍登出圖片，顯示除了「某日本動畫風」之外其他兩個候選設計（圖片來源：黃傑龍facebook）
針對外界批評上市公司「唔重視版權」、「唔俾機會本地設計師」等言論，黃傑龍回應指，上市公司年報為專業法律文件，內容沉悶，封面通常不受重視，但他希望透過精心設計封面增加溝通效果。他展示與印刷公司合約，證明公司有支付設計費用，而印刷公司亦提供三個封面設計方案。
黃傑龍同時分享多年來集團年報封面演變，包括 2019 年「做外賣戴口罩」、2020 年「張枱有間板限聚令」、2020 年「喺幾粒病毒嘅黑暗之中見到曙光」、2021 年「努力向上」等主題，2022 年中期更以「香港歷史上第一個上市公司主席人手畫嘅年報封面」登上財經新聞平台，2022 年全年則用「20 秒 Gen AI 牛圖」，今年則採用「全球 AI 日本漫畫風」。
他解釋集團作為餐飲集團而非漫畫出版社，四名全職平面設計師主要負責牛角廣告、MMC 餐牌、Kabu App 等與主業相關設計工作，自己鼓勵設計師使用 AI 作為創作工具，「AI 係佢哋嘅工具，用 AI 嚟做創作嘅一部份，Adobe 本身就包含咗好多 AI 功能，但係唔會妨礙所有呢啲佢哋設計出嚟嘅嘢都係有佢哋嘅血汗，有我哋嘅版權。」
對於有意見表示封面設計已「過氣」，黃傑龍表示助理已提醒，但年報封面需提前兩個月敲定，「由於呢份係一份年報而唔係月刊周刊，所以佢冇可能用日咁去追上潮流…總之喺今年內曾經係一個熱潮就可以成為我嘅題目。」黃傑龍最後表示希望透過回應令更多人明白設計封面心路歷程，「增加溝通係令到世界更加美好嘅好方法，你唔需要同意我，但希望你唔好誤會我。」
來源：黃傑龍 Facebook
