有港媽昨日在小巴拾獲銀包，沒有交與司機，反而創意地巧用「轉數快」成功尋獲事主。該港媽透過銀包內的銀行卡，利用 FPS 轉帳 1 元並在備註留下聯絡方法，成功聯絡事主。事主在連登公開事件，大讚「我諗真係得香港人先可以做到咁高質素」。
事主在連登討論區發文分享經歷，表示昨日乘搭小巴時「跌咗個銀包」，他到小巴站遍尋一小時仍找不到，並「打定輸數」，但之後竟在 Facebook 失物群組找到。樓主表示，銀包被「一個好好人嘅媽媽執到」，與該港媽見面時才知道：「原來喺我好徬徨周圍搵嘅時候，佢執到我銀包，搵到我張銀行咭，專登 FPS 咗一蚊畀我，仲喺 Remarks 留低咗佢聯絡方法畀我。」
事主分享轉數快截圖，顯示港媽入數 1 元後，備註寫著「你漏咗個銀包喺小巴請聯絡……」字句。該創意做法令事主非常感動，他表示：「嗰刻真係覺得好感動，雖然成日講香港人幾咁功利，但喺路不拾遺方面，真係得香港人嘅公民意識可以咁高，喺呢個咁冷酷嘅社會，仲可以感受到人間溫暖。」
事主表示：「令我自己都有反省下，平時有冇對其他人做過呢啲好事。」樓主又說：「其實發現咗交畀司機都已經好好，點知過數嚟幫人真係估唔到，香港人有愛。」有網民詢問樓主有否給回 1 元或請該港媽食飯，樓主表示：「有畀錢佢但佢堅持唔收……叫我以後幫番其他人……可能佢見我仲讀緊書，好人有好報。」該港媽的善舉不但幫助事主尋回銀包，更傳播正能量，鼓勵事主日後幫助其他人。
不少留言大讚港媽有善心又有創意，「FPS 1 蚊留 contact 呢個真係諗唔到」、「呢個媽媽好人又有腦」、「真係幾聰明」、「佢識得咁樣留資料，係好醒」。有網民表示「學到嘢」，下次可用同樣方法，利用轉數快過數 1 元聯絡事主。亦有人提醒樓主，倣效該港媽將樂於助人的善心散播開去：「咁下次到你見到有需要幫助嘅人，你就記得要幫啦，大家一齊令個世界變得更加好。」
來源：連登
