之前我們也有報導過 iPhone 6s 電池有問題需要更換，但是到底需不需要放低電話一整天做無機一族呢？這次 unwire 兩位記者辛尼和水哥都「不幸中招」，以下就將他們的換電經過記下，方便各讀者有需要換電時參考。
先以電郵通知換電
其實小編部 iPhone 6s 都用咗超過一年，Apple Care 亦都啱啱過期，粒電講真係無咁耐用，去到 1x% 的時候會自動熄機，甚至早前去歐洲旅行更試過在電量 8x% 時無故自動熄機並顯示電池耗盡，回港後都已經打算拎去 Apple 檢查。知道 Apple 推出 iPhone 6s 提供免費換電池計劃之後，就即時上網預約「天才吧」，到今天中午到 Apple Store 就先同店員 Check-in，之後就會先檢查部機的 Serial Number 是否符合今次免費換電計劃，再幫部機進行檢測，最後確實發現部機的電池壽命餘下大約 85%，不過由於近日都有不少用家要求換電池，令到電池供貨不足，所以就要等 3-5 個工作天，當有貨就會以電郵通知，再放低部機一日就攪掂，店員仲提醒粒電只會 Hold 7 日，過咗 7 日就可能要由頭再排過。另外，辛尼亦都問過是否需要 Reset 部機先拎去換電，店員表示只需要進行 Backup 就得，因為佢哋唔會接觸到大家部機入面的資料咁話喎！
相關影片:
水哥成功換到電 但取機要對身份證
上次辛尼已經預約了，而早前兩日，iPhone 6s 同樣「中招」的水哥已收到 Email 說電池已經到貨，可以親身落 APM 的門市換電。流程其實非常簡單：只需向店員出示預約的電郵，他便會安排你換電。
之前水哥以為手機要放低一日無機用。但是昨天水哥只等了一小時就可以領取手機。手機外表跟原本的毫無分別，不過內裡其實已經有一顆新的電池了。電池已由原本只得 87% 變回 100% 的容量。
▲ 換電前，電池的容量只得原本的 82%，所以水哥也符合資格換電！
▲ 換電之後，可見電池的容量是 100%，健康程度良好。
不過各位讀者取機時必須留意，因為店員會檢查電郵和身份證明文件以核實是否機主，因此取機還是要機主本人去，別貪方便叫人幫你取機。
自上月尾開始陸續有機主表示手頭上的 iPhone 6s 會無故自動關機，雖然 Apple 指出只要少數批次會出事，並會免費維修更換電池，但可惜當時用家卻無法判斷自己的手機是否其中之一。幸好來到今日 Apple 終於公開了一個檢查工具，不再需要親身到 Apple Store 亦可確認得到。 (閱讀全文…)
