仲有差唔多兩個月先聖誕，但全港各大商場都開始佈置啦！今日就同大家預告定有咩必影地方先，等大家快 D plan 放咩上 Facebook 呃 like。

1) 松本零士聖誕幻想時空

對動漫迷嚟講，相信呢個松本零士聖誕幻想時空佈置一定係必到嘅地方！佔地 3000呎嘅佈置將松本老師筆下嘅科幻世界以 1:1 3D 實景呈現眼前。銀河鐵路 999 列車穿越宇宙來到東港城，女主角美達露亦被潮流兼人氣女星松岡李那重新設計 10個摩登造型。另外，更會展示松本老師多件珍貴收藏，包括為今次重新編畫嘅香港版畫作、逾 20幅動畫手稿及原畫、與小甜甜漫畫家五十嵐優美子合作嘅手繪、特別版手版樊型等。

 

日期：2015年11月4日 至 12月 27日  (上午10時正至晚上10時正)

地點：東港城 1樓展覽場

▲ 銀河鐵路 999 列車穿越宇宙來到眼前，真係唔影都對唔住自己！

2) Nippon Animation 40週年經典動畫展

除咗松本老師，另一日本著名動畫工作室 －日本動畫株式會社亦來到香港同大家慶祝聖誕。佔地達 5,000呎嘅動畫展中，集合了來自 70年代至千禧年代 40部卡通片嘅經典場景，包括《長腿叔叔》浪漫剪影小屋與寄信體驗郵局、《湯姆歷險記》華麗聖誕樹屋、《八十日環遊世界》的飄浮熱氣球，與大家一同溫馨細味童年回憶。同時，本地著名收藏家借出 100件珍藏膠片原畫和卡通產品，包括《義犬報恩》、《八十日環遊世界》、《湯姆歷險記》、《安妮的故事》等世界知名的名著故事嘅圖書、唱片、郵票、日曆、擺設等，讓大家好好回味。

 

日期：2015年11月8日至 2016年1月1日 (中午12時正至晚上10時正)

地點：愉景新城 (荃灣港鐵站A3出口)

3) Little Twin Stars 星之傳說

講完動漫，Sanrio 卡通人物亦係每年聖誕必定出現嘅角色。今年 Little Twin Stars 就取代咗 My Melody 嘅地位，係屯門市廣場打造成希臘風格神殿。當中包括為大家主持聖誕盛會的眾神之神、主管聖誕裝置燈飾的太陽神、為大家編製音樂詩歌之神、調製出醉人特飲的葡萄酒之神、製造美麗雲彩的天空與雲彩之神及將幸褔與希望帶到人間的月神，共度不一樣的星之傳說。除咗不同神話主題造型裝置外，更設有 Little Twin Stars 期間限定店，獨家發售多款日本空運到港之精品，包括潮流品牌 Crystal Ball 聯乘 Little Twin Stars 之「Kaleidoscopic Fantasia」系列產品及日本著名設計師 Kayo Horaguchi 為 Little Twin Stars 設計之精品等，粉絲們定必搶購回家！

日期：2015年11月16日至2016年1月3日 (上年10時至晚上10時)

地點：屯門市廣場一樓中央廣場

▲ 月神造型出現嘅 Kiki 同 LaLa 齊齊坐上小船暢遊閃閃發光之七彩雲海，將幸福及希望帶到人間。

▲ 走進甜美嘅糖果車尤如置身七彩世界一樣，感受甜蜜溫馨一刻。

4) Pochacco 聖誕動感冰極樂園

另一邊廂，熱愛運動嘅 Pochacco 將屯門時代廣場變成冰天雪地，大玩各項新奇刺激嘅運動比賽。 以滑雪造型登場嘅 Pochacco 於巨型玻璃水晶球旁等候各位選手，齊齊上雪山滑雪比拼。抬頭仰望更可看到不同造型之 Pochacco 坐上雪橇車，於4.5米高的玻璃冰感聖誕樹沿迴旋滑梯向下飛馳。旁邊更設有 Pochacco 為主題嘅 Pop-up store，出售多款Pochacco 精品。

 

日期：2015年11月14日至 2016年 1月 3日 (上午10時至晚上10時)

地點：屯門時代廣場、荃灣千色匯、元朗千色匯、沙田中心、沙田廣場、粉嶺中心

▲ 走進沙田中心，Pochacco 及好友 Rachel 正在切磋花式滾軸溜冰技術。而沙田廣場將設巨型雪橇車及鏡面閃亮聖誕樹，大家可跳進雪橇車，與 Pochacc勇闖冰極世界，盡情享受探險玩樂的美好時光！

▲粉嶺中心打造成曲棍球場，型格上陣的 Pochacco 相約好友 Totora 於球場大激鬥。

▲ 荃灣千色匯嘅 Pochacco 就以單車選手造型現身，於競技場上準備就緒，靜候各位運動健將親臨比賽，爭奪成為「單車一哥」！

5) The Loft Style Kuromi Hotel

至於新都會廣場今年就由搗蛋首領 Kuromi 帶同 Kuromi’s 5 軍團及好友 Baku 開辦聖誕限定、時尚「Loft」味十足、高逾 20呎的工業風精品酒店。首次擔任「酒店大亨」嘅 Kuromi 更會帶領萌友們華麗變身成極盡可愛的酒店前台、調酒師、髮型師等，於精品酒店中熱情款待每位訪客，締造樂而忘返的「五星級」聖誕之旅，並與粉絲們同慶誕生十周年誌慶！此外，精品酒店內更特設期間限定精品店，發售多款Kuromi精選聖誕手信。

日期 ：2015年 11月8日至 2016年1月3日 (上午10時30分至晚上10時)

地點 ︰新都會廣場 3樓天晶館

▲ 一開始可以到大堂左側嘅 Kuromi Bar放鬆一下，與坐在旁邊吧台的Wanmi一同「摸摸杯底」！專業調酒師Baku更會以家鄉秘方為訪客精心調配聖誕特別版的「迎賓特飲」！

▲ 飲過「迎賓特飲」後，訪客可到酒店特設的「星級髮型屋」。髮廊同樣沿用現代工業風格，以浪漫紫色為主調，揉合款款經典時尚的傢飾擺設，加上優雅的座椅，舒適指數瞬間爆燈！連Kuromi都忍不住要躺在椅上享受洗髮服務！

▲ 登上酒店二樓入住華麗的總統套房，Kuromi 會在旁哄訪客入睡，一眾粉絲定必可享頂級的「五星級睡眠」，為酒店增添濃烈的度假氣息！

▲ 旅行度假就當然要選購手信，與家人好友分享玩樂喜悅！故此酒店特設 Kuromi 期間限定店，由 Kuromi 精心打理，發售多款聖誕精選禮品，讓訪客可盡情選購特色紀念品及聖誕禮物！

6)「Happily Ever After」聖誕大街

聖誕節除咗 Sanrio 卡通人物，又點少得迪士尼朋友。今日 40位迪士尼朋友將會再次去到海港城，將露天廣場幻化成「Happily Ever After」聖誕大街及「聖誕夢幻劇院」。聖誕大街的入口是一棵逾40呎高的巨型聖誕樹拱門，由多個不同形狀的星星組成，樹頂更掛上立體米奇老鼠造型掛飾，讓大家從入口便感受到聖誕的歡樂氣氛。大街兩旁的店舖均悉心佈置充滿聖誕特色的櫥窗；靠近海旁的一列店舖外牆更繫上了不同圖案的紅色絲帶，屋頂則設置了以燈泡組成的聖誕祝福說話，化身成巨型禮物盒。《玩轉腦朋友》的阿樂、阿愁、阿燥、阿憎與阿驚、《白雪公主》的白雪公主及7個小矮人、《美女與野獸》的貝兒公主及野獸、《灰姑娘》的灰姑娘及王子、《愛麗斯夢遊仙境》的愛麗斯及妙妙貓、《阿拉丁》的精靈、《魔髮奇緣》的長髮公主等，在舉行聖誕派對的聖誕大街店舖來一次浪漫邂逅，拍攝奇妙剪影合照。

 

日期: 2015年11月5日至 2016年1月3日 (上午10時至晚上10時)

地點: 海港城海運大廈露天廣場

7) LINE FRIENDS 文具派對

據消息指今年朗豪坊會有 LINE FRIENDS 文具派對，熊大、兔兔同雞雞會係巨型工作枱上整色整水，一時企上萬字夾、一時係鉛筆上踩滑板，相當可愛。

日期：待定

地點：朗豪坊中庭

8) 寵物小精靈 Pika Fever

至於超萌嘅比卡超今年就去到 Mikiki 聯同水水獺及藤藤蛇天獻上連場勁舞及巡遊，現場更會有喵喵怪熱氣球、小精靈對戰擂台、真車比例 Tomica 比卡超小房車等影相位俾大家影相。另外，旁邊嘅寵物小精靈期間限定店更有多款日本限量版紀念品，等你去收服！

日期：2015年12月5日至 2016年 1月3日

地點：Mikiki 地下中庭

9) Forever Friends 聖誕聯萌

除咗大型展覽，小型嘅商場都唔可以輕視架！今年屯門卓爾廣場、屯門錦薈坊、荃灣荃錦中心及荃灣新領域廣場就有 Forever Friends 佈置。有時覺得明明 Forever Friends 同聖誕咁夾，點解年年都只係細商場出現，好似配角咁呢？

日期：2015年11月16日至 2016年1月3日

地點：屯門卓爾廣場、屯門錦薈坊、荃灣荃錦中心及荃灣新領域廣場

10) TOMICA聖誕樂園

卡通公仔以外，奧海城及藍灣廣場將搖身一變成為「TOMICA聖誕樂園」，不但可以在 5米 x 5米的 TOMICA 小人國，觀賞各式火車及汽車在繁忙的TOMICA城市內飛馳，更可到「TOMICA車手挑戰站」接受挑戰，成功挑戰即可參加夾 TOMICA 車仔機遊戲贏取獎品。在「TOMICA試車體驗館」內，大家可率先預覽 TOMICA系列及「體驗館」館長的歷年珍藏，館內更提供超過 2,000架 TOMICA 合金車及 PLARAIL 火車系列供大家試玩。此外，現場還設有「TOMICA聖誕限定店」提供「會場限定版」TOMICA車仔以供選購。同時，大家更可在樂園內製作屬於自己的「DIY」TOMICA車仔及獨一無二的 TOMICA 聖誕卡，TOMICA 車迷絕對不能錯過！

日期:2015 年 11 月 18 日至 2016年 1 月 3 日

地點:奧海城 (西九龍海庭道 18 號) 及 藍灣廣場 (柴灣小西灣道 28 號)