日前筆者介紹過荷蘭設計師設計，適合狹小空間的單車「Corridor Bike」；如果你是單車發燒友，又有較充裕的家居空間，智利設計工作室 Chol1 製作了一批傢俬，將心愛的單車融入家居設計，甚至變成客廳的焦點。
推出「2G 星期二」 Facebook 新招鼓勵研發
習慣了光纖寬頻和 4G 的上網速度，一下子我們都忘記了 2G 和 56K 上網的龜速。Facebook 為了讓員工體驗一下發展中地區例如印度、印尼和越南網民的感覺，於是特別設計了內部活動「2G 星期二」。
唐言無忌：兩條比一條好
準備買車的人，很多時都以家人的需要出發，然後就是養車的成本，例如牌費、維修、油耗等等，至於是否環保，坦白說則可能會排在較後的位置。這並非車主欠缺環保意識，而是可能配套有限令車主卻步。試想想購買電動車要同時考慮充電的安排，真的有點趕客。
籮文：「可換鏡入門無反 啱晒新手」Canon EOS M10 入門細無反相機評測
今日 Canon 於香港一口氣推出三部機，包括固定式鏡頭的 G9X 及 G5X 與 可換鏡入門無反 EOS M10。值得留意的是今次 M 系列相機型號直接由 M3 跳至 M10，如果依部唔係 M3 嘅升級版，反而係一款較入門級的機款，想知多啲 EOS M10 嘅詳情就請留意以下內容啦。
外型的骰 手細都可以揸得穩
由 M3 跳到 M10，原來 M10 係一部入門級無反，擁有三隻色，包括黑色、白色、灰色，除咗黑色機會配石墨色 Kit 鏡，其餘兩色都會配銀色 Kit 鏡。機身闊108mm x 高66.6mm x 厚35mm，比其他無反如 Sony α7 系列或者 Canon M3 都輕巧得多，似乎 M10 想打女性市場喎，籮文拎咗上手試，有幾隻手指都係冇位放，只好放喺機底托住部機，雖然機身連電池都只係重 300 克左右，裝埋 15-45mm f/3.5-6.3 IS STM Kit 鏡後雖然重心都算平衡，未有頭重尾輕情況，但機身連鏡頭整體黎講都唔算輕，嗰幾隻不知所措嘅手指托多十幾分鐘都會有酸軟情況出現，睇黎女仔用就 Perfect，但男士或者手比較大嘅人操作就會有少少吃力。
▲Model 姐姐揸得好輕鬆
▲外型好的骰
個人化配件 幫相機扮靚靚
除咗機身輕巧，啱晒送俾女朋友仔，男士們仲要預多少少彈藥，因為 Canon 今次同時為 M10 推出一系列個性化配件，包括相機面蓋、相機套、手柄同埋頸帶，俾女孩子幫相機扮靚靚。不過要留意下如果裝咗面蓋或相機套就會佔據相機底下的腳架孔。
▲Canon 今次同時為 M10 推出一系列個性化配件，包括相機面蓋、相機套、手柄同埋頸帶，俾女孩子同相機扮靚靚
按鈕寥寥可數 操作用 Touch Screen 啦！
籮文發現今次 M10 按鈕數量特少，原來 Canon 有意將操作簡化並移到 Touch Screen 上進行，入門用家或平時用開 Smart Phone 拍照嘅用家都可以超快上手。機頂開關制外圍係一個轉盤，分別俾你選擇拍片、影相及全自動影相模式。另外機頂亦有快門、快門轉盤及錄影制。而機背就更加簡潔，只有 Menu 制、Playback 制、上下左右及確認制。而最特別嘅係機側都有粒制，見粒制個標誌係一部手機，就知依一個係分享相片到手機嘅快捷鍵，對於喜歡第一時間 Share 相片上 Facebook、Instagram 嘅靚仔靚女的確方便得多。部機咁少制，其實好多時只要用 Touch Screen 就可以搞掂 Setting。
▲機頂開關制外圍係一個轉盤，分別俾你選擇拍片、影相及全自動影相模式。另外機頂亦有快門、快門轉盤及錄影制
▲機背就更加簡潔，只有一個180度可摺 Touch Screen 、Menu 制、Playback 制、上下左右及確認制
▲最特別嘅係機側都有粒制，見粒制個標誌係一部手機，就知依一個係分享相片到手機嘅快捷鍵啦
▲只要手機安裝左 Canon 嘅 App 就可以輕易地過相
自拍 Mode ＋ 180度上摺式 Touch Screen ＝可換鏡的自拍神器？！
頭先講到 EOS M10 按鈕好少，操作時自然多數要用到 3吋 104萬點嘅 Touch Screen。心血來潮想自拍時，用家只要將屏幕180度向上揭，同時自拍模式就會啓動，內置美肌及模糊背景（假嘅淺景深）功能。咦，咁未拍得住自拍神器！？咁又未必，因為美肌功能只有弱、中、強三個程度可供選擇，又冇得變大眼又冇得改膚色，都係拍馬都追唔上自拍神器嘅威力，所以想買黎齋玩自拍嘅朋友仔就要注意啦！
▲血來潮想自拍時，用家只要將屏幕180度向上揭，同時自拍模式就會啓動，內置美肌及模糊背景（假嘅淺景深）功能。
▲除咗將屏幕向上揭後啓動自拍 Mode，仲可以喺選項入面揀
▲籮文用咗「中度」美肌，美得都算自然，不過程度可以強返少少，不過一開到「強」，效果又太誇張，所以只有三級可供選擇係太少。BTW 點解對眼都係咁細？
▲見到 Model 姐姐自拍時揸機揸得好舒服，但手大的籮文實在有啲唔知點揸。
CA Mode 新手超快上手
除咗自拍 Mode，當然仲有好多 Mode 啦！留意返，一㩒模式選單，所有模式都有牛龜咁大個 Icon 顯示出黎，就算唔識睇字都知咩 Mode 打咩 Mode ，咁簡單嘅介面設計真係企鵝都識啦。云云 Mode 當中，Creative Assist 模式對新手黎講最實用，依個模式用最簡單嘅景深、光暗、對比等等 Setting 代替光圈、快門、ISO 等，讓新手可以容易掌握到自己想要嘅影像。其他 Mode 當然唔少得「玩具相機」、「黑白」等等啦！
▲所有模式都有牛龜咁大個 Icon 顯示出黎，就算唔識睇字都知咩 Mode 打咩 Mode ，咁簡單嘅介面設計真係企鵝都識啦
▲Creative Assist 模式對新手黎講最實用，依個模式用最簡單嘅景深、光暗、對比等等 Setting 代替光圈、快門、ISO 等，讓新手可以容易掌握到自己想要嘅影像
▲玩具相機 Mode
▲粗糙黑白 Mode
▲水彩畫效果
其他測試相片：
籮文：「可以用 USB 叉電 成件事超輕便」
話說依部 Canon EOS M10 機身輕巧之餘，仲可以用 MircoUSB 叉電，出街時影相影到冇電嘅話用尿袋叉亦得，籮文覺得依樣野係十分方便。雖然文章一開始我就話男士手大操作 M10 時會比較吃力，但由於機身實在太輕巧，便攜性的好 打敗咗 手感的缺憾，價錢亦都好可觀，依部真係無論送禮定自用都可以一試。不過要注意 M10 有內閃但冇熱靴位亦冇得插 Mic In，都係當玩味性質好啦。
EOS M10 可換鏡數碼相機 連 EF-M 15-45mm f/3.5-6.3 IS STM 鏡頭套裝
售價：＄3,480
EOS M10 可換鏡數碼相機 連 EF-M 15-45mm f/3.5-6.3 IS STM 及 EF-M 55-200mm f/4.5-6.3 IS STM 鏡頭套裝
售價：＄5,480
散發自然氣息！Driftwood 針孔相機用浮木人手製成
目前市面上出售的相機，機身通常來來去去都是由塑膠及金屬製成，雖然外觀設計上會有所不同，但感覺上卻千篇一律沒有新意。不過若然想搵一部與別不同的相機，其實也不是沒有辦法，因為最近一部來自俄羅斯的 Driftwood 針孔相機，其機身竟然是由浮木雕刻而成。 (閱讀全文…)
日韓劇集免費任睇 ！ Viu OTT 平台評測
新免費電視台 ViuTV 要等到下年 4 月才廣播，但同屬 Viu 品牌旗下的 Viu OTT（Over-The-Top）網上影視平台，則已在今個星期一（26/10）正式推出。這個平台主打最新韓國劇集及綜藝節目，與及日本劇集及動畫，當中全部韓劇及熱門綜藝節目，更會在韓國首播後 8 小時內，提供附上繁中字幕的「獨家追播」版本，全部免費任睇。艾域昨晚亦正式使用該 OTT 平台收看日劇《民王》，就等我立即帶各位 Wire 民深入拆解吧。
主打韓劇及綜藝節目
其實在星期一，艾域已經先後在智能手機及平板電腦即時下載 Viu 來試玩，並發現這個平台主打的始終是近年熱爆的韓劇及綜藝節目，前者有《她很漂亮》、韓版《深夜食堂》、《D-Day》等最新劇集，而後者則有大路的《無限挑戰》、《我們結婚了》、《蒙面歌王》等節目。
若果大家與艾域一樣對韓國節目不太感興趣的話，Viu 仍提供日劇、日本動畫、中台劇免費收看，但節目數量就明顯較韓國為少。
免費註冊做會員 劇集即可離線下載
雖然日劇數量不多，但剛好有艾域之前已經想看的《民王》，因此昨晚便嘗試點擊收看。該平台雖然提供免費會員登記，但即使不登記，仍能在 Viu 上觀看所有影片。既然如此，為何還要登記做會員呢？登記之後最大好處是能夠讓你在智能手機或平板機中離線下載節目，但有部分節目（以日劇為主）會因版權限制而不能下載。
另外，當登記成為會員之後，Viu 更會自動追蹤你的觀看進度，該進度更會橫跨所有裝置，例如你在手機看某個劇集到某一個時間，然後轉到電腦或平板電腦開啟同一劇集時，即可繼續在該時間中開始續播。當然，常見的用戶瀏覽紀錄、收藏個別節目等功能，Viu 亦一應俱全。
未來將推收費增值功能
今日下午，PCCW 就著 Viu 舉行了一場傳媒聚會。早前 PCCW 新媒體高級副總裁仇婉君曾表示，Viu 平台將會提供免費服務及收費增值服務，就著後者艾域今日再向 PCCW 新媒體 Marketing Manager 李益聰查詢相關詳情，他表示 Viu 平台所有收看內容都會是免費提供，而收費增值服務將會是平台功能上的分別，但正式推出日期及功能詳情則需要稍後公佈。
影片採用 H.264 & AAC 編碼 一小時 720P 劇集約 800MB
若使用 Viu 的直接點播觀看節目，用戶可選擇「流暢」、「細膩」及「高質」3 種畫質，解像度分別為 240p、480p 及 720p，但離線下載則未有相關設定。
出席今日傳媒聚會的 PCCW 新媒體 Product Integration Manager 袁偉柏則透露，Viu 平台所有影片均採用 H.264 影像及 AAC 音效編碼，而使用離線下載時，智能手機下載的解像度將會自動設定為 480P，而平板電腦則會為 720P，後者一小時的檔案大小則約為 800MB，而艾域自行嘗試在智能手機下載一集 48 分鐘的日劇，檔案大小則為 220MB。除非閣下仍是使用無限數據用量服務，否則若打算以 3G 以至 4G 流動上網即時追看 Viu 的劇集，就最好不要選用「高質」畫質了。
艾域：「播放穩定無緩衝，『高質』畫質只屬合格。」
艾域昨晚試以 Asus Nexus 7（2013）平板電腦收看 Viu 平台上的日劇《民王》第一集，整套劇 48 分鐘都未有斷線或緩衝情況出現，穩定度值得一讚。不過畫質方面，即使選擇的是 720p 解像度「高質」畫質，畫面都只能說是合格水平，銳利度不太足夠，令畫面看起來不算太「高清」。
不過，在今日的傳媒聚會中，艾域就發現 PCCW 的簡報資料，以及示範用的 iPad 版 Viu app 均提及有一個「全高清」選項，但實測時卻發現在我的 Asus Nexus 7（2013）及 LG L24 智能手機都未有提供相關選項，不知這個是否收費增值用戶的其中一個功能呢？
自動 vs 人手 ? Tesla Model S P85D 「Auto Pilot」香港公路評測
剛剛更新的 Tesla Model S 7.0 軟件，有香港人最期待的「Auto Pilot」功能， 其實正確來說應該叫自動軟件輔助。到底交個軚盤給電腦是何樣感覺 ? 今日 unwire 找了 Tesla Model S 車主 Dennis， 跟各位 wire 民 Crazy Test 一下
【Unwire Space 約你】同 GoGoVan 創辦人 Steven Lam 午餐小聚
Unwire Space 除了會舉行創業聚會，邀請專家來給大家分享創業知識，更會不定期找來城中創業家與大家近距離接觸，務求打破隔膜，讓大家能夠暢所欲言。今次午餐小聚，我們邀請了 GoGoVan 的聯合創辦人 Steven Lam 同大家食晏。GoGoVan 推翻了傳統 Call 車市場，自行開發應用程式，直接配對司機與運貨客，成為近年香港炙手可熱的創業公司，不少人更爭相仿效。希望透過是次活動，讓各位創業朋友能跟他直接對話，了解一下這個小伙子的創業之道，同時互相啟發，雙向交流。
聚會詳情：
日期：11 月 4 日（下個星期三）
時間：下午十二時半至二時
地點：Unwire Office（觀塘）
費用：＄70（名額有限，盡早報名）
聚會內容：
- 大會將會提供一席午餐，等大家邊食邊傾，Casual 地分享創業經驗及見聞。
[jotform id=”53002392014440″]
我們希望透過這些小型的聚會，令大家有更多的機會與做不同類型業務的專家接觸及交流，讓他們幫助你面對做 Startup 的各種挑戰！以下有更多有關 Steven Lam 的資料可以一覽：
Steven Lam, GoGoVan 聯合創辦人，修讀預科期間於恆生商學書院退學赴美留學，為了應付學費及日常開支，於中餐廳當侍應及送外賣，其後入讀美國首屈一指的公立大學 UC Berkeley Haas School of Business。回港後曾多次創業並與四名80後大學畢業生以兩萬元創業開發「GoGoVan」（高高客貨車）App，成功在原本依靠 call 台操作的市場打開新的一頁。
過往午聚：
Lunch with Rudi
甚麼是 unwire.space ?
unwire.hk 一直都有報道生活科技，亦有採訪科技創新企業。我們希望透過成立共享工作間 Unwire Space 推動一下香港創業文化的發展。 UNWIRE Space 就位於我們編輯室旁，一個結合新媒體宣傳力的共享工作間就是我們與眾不同的 unwire.space 了。
<詳情請按此>
螢幕堅可對摺！Samsung Project Valley 首發地區曝光香港冇份
繼曲面螢幕獲得不錯的評價後，Samsung 似乎又會在智能手機上加入更多特別元素，比如早於去年他們就曾經透露過現正研發一款螢幕可對摺的手機，或又會帶來一定新鮮感。據了解該款新手機目前已進入測試階段，而且今日其首發地區名單亦已曝光，不過可惜的是今次香港並未有包含在內。 (閱讀全文…)
Apple 公佈 2015 Q4 業績！新 iPhone 用家有 30% 來自 Android
當 Apple 每季發表財政報告時，不少人都會將焦點集中在 iPhone 的銷量上。至於今日 Apple 亦終於公佈了 2015 Q4 的業績，雖然該季 iPhone 的銷量比起預期中稍低，但數字卻遠遠高於去年同期，顯示最新款的 iPhone 6s 及 iPhone 6s Plus 似乎賣得不錯。 (閱讀全文…)
[PGW] No Man’s Sky 終於有期，下年 6 月探索無盡星球
No Man’s Sky 於兩年前以 indie game 的身份登上 E3 大銀幕，當時已教人挖目相看，甚至可叫一登龍門。只是一直作品都未有發售日期，今日在 PGW 展前 Event 終於有新消息。
抗氧化 39 倍 ! 電飯煲 vs 伊瑪牌「黑蒜機」大戰評測
自從肥媽介紹過用電飯煲可以焗黑蒜之後，就有唔少人特登買個飯煲番屋企 DIY，奈何飯煲嘅設計唔係俾人長開，要佢開住 10幾日，好多時焗一兩次個飯煲就會壞，最後變用平買貴用。最近伊瑪牌推出咗部黑蒜機，針對性設計可以開足 12日，於是我依莉詩就借咗部番嚟試下，睇下飯煲定黑蒜機整出嚟嘅好食 D。
「識聽歌要音質一定唔會用手機」，實情又係咪咁呢 ?
要數近日最為矚目的智能手機，一定非 Sony Xperia Z5 Premium 及 LG V10 莫屬，前者主攻 4K 超高清屏幕，後者則力谷靚聲。每當有像 V10 這類打靚聲旗號的智能手機推出，總會有網民大唱反調，說智能手機功能繁多，內部系統複雜，干擾、失真及雜訊源源不絕，一定不會與靚聲拉上關係云云。
身體最誠實
由於現時不少人聽歌都是先求方便，不是使用串流平台，就是不想額外帶多部純播放機加重負擔，將智能手機兼任隨身聽其實不得不承認已是絕對主流，君不見每當靚聲手機一推出，總會有網民鬧過不停，但介紹文卻是篇篇熱爆，該手機亦會有不少對聲音質素有要求之士爭相購入，因為人類「總是口裡說不，身體卻很誠實」，總會在方便性與音質之間取個平衡，作個妥協。在隨身聽中也要單純追求絕對高音質的終極發燒友，始終只屬小眾。你會發現像 LG V10 這類力谷音質表現的智能手機，市場其實一直存在，滿足想要較佳音色但又要方便的消費者。但若有人用手機聽歌，但又去評論耳機靚不靚聲，網絡大戰就會隨之上演。
好像 unwire 編輯天恩，艾域認識他的口頭禪就是「邊聽得入耳嫁!」，還記得他對當時將一對三千多的 Shure SE 535 的耳機用來打 PSP 、睇電視之用，還有很多數千元的耳機買來放，原因是「聲入唔到耳」。他聽歌堅持 WAV、Player 要 iRiver 靚聲直到今日佢 AK 100 + IQ 都放低一旁，用手機聽下 Apple Music / KKBOX 串流平台就算，艾域問它「聲入得耳」麼 ? 他笑說：「已經沒有時間 rip 來 rip 去，又帶呢樣果樣，Apple Music/ KKBOX 手機、電腦、平板、 Notebook 全部同步晒，加隻好少少的 Headphone 聽就算。人大左，時間要分配比工作及家人，空閒時打下機就過，唔再好似以前咁多時間放係處理音質上，所以現在的方案是，先保持便利性再提升音質。如果心血來潮要聽靚聲減壓，回家聽聽 hifi 或拿回 HD Player +靚耳機聽就算。
手機一定不靚聲？還是試過再說吧
近期 DAP 數碼音樂播放器市場非常熱烈，日系品牌 Onkyo、Pioneer、VentureCraft 先後宣布推出各自的 DAP 處子作，再加上已經站穩陣腳的中、韓品牌，產品選擇著實愈來愈多。早兩天筆者身邊的發燒友朋友，卻仍覺這堆品牌未夠高燒，大呼：「唔知幾時先有 Hi-End 發燒品牌出 DAP 呢？」著名發燒級音響品牌 Mark Levinson 彷彿聽到這些朋友的呼喚，聯手 FANTÔME 推出特選尊貴客戶才可訂購的 Arcane，用上 Cirrus Logic Wolfson WM8741 DAC 並支援 24bit/192kHz Hi-Res 音樂訊源，隨機附送的亦是音質備受認同之三路三單元鈦金屬限量版本 AKG K3003 Ti 圈鐵混合入耳式耳機。不過這款產品卻非 DAP，而是一部主打音質的 Luxury Smartphone。
今次由真正的發燒品牌炮製，兼夾是天價的 Luxury 產品，不知仍會否有人未聽先判、說出「用手機聽歌講乜鬼靚聲呀？」等論點呢？若果今次 Mark Levinson 成功突破「手機唔會靚聲」的固有偏見，或許就能引起連鎖反應，令其他同級發燒品牌進軍智能手機甚至純 DAP 產品市場❨因為市場有需求，亦即有利可圖❩，對負擔得起、便攜也要追求靚聲的發燒友而言，就絕對是 Dream come true 之時。不過，這部 Luxury Phone 的鋰離子充電池容量僅為 2,300mAh，其續航力就真的令人擔心了。
【unwire TV】試足12日 黑蒜機vs飯煲邊個好食？
【試足12日…】小編強烈建議大家諗清楚先好買，唔
黑蒜機詳盡測試報告：
http://unwire.hk/2015/10/
歷代 iPhone 浸水測試！到底邊款最防水？
近年越來越多 Android 手機都陸續加入防水功能，比如 Sony 的 Xperia 系列就以此作為賣點。反觀 Apple 的 iPhone 多年來卻依然未加入這種功能，雖然之前有拆解證實 iPhone 6s 及 iPhone 6s Plus 加入了一些防水設計，但到底在歷代眾多款 iPhone 中，哪一款的防水性能才是最勁呢？ (閱讀全文…)
[PGW] Heavy Rain 開發團隊 Quantic Dreams 公佈 PS4 獨佔作《Detroit》
今次 Paris Game Week 展前發佈會的壓軸，是來自巴黎的作品。劇情觸動人心的《Heavy Rain》及《Beyond two Souls》之開發團隊 Quantic Dreams，於發佈會上就公佈 PS4 新作《Detroit》，看來今次將更深入描述人性。
唔駛再擔心俾人拎（偷）走！Umbrellocked 雨傘設有密碼防盜鎖
相信很多人都應該曾經遇過以下這種情況：下雨天時由於雨傘被淋到濕晒，所以無法將之拎入店舖或餐廳內，而需要放在門口的遮架上，不過當離開店舖時雨傘卻不翼而飛。如此一來除冇雨傘用外，之後更要額外花錢買過一把新的。幸好在 Umbrellocked 出現後，上述的問題或不會再出現。 (閱讀全文…)
美容科技失誤 ! 美女被 -151 度超低溫所凍死
近年醫學界新興了一種冷凍療法（Cryotherapy），最初主要用來幫助運動員治療肌肉酸痛及加快傷患康復，而最近甚至更被應用在減肥及美容之上。不過進行冷凍療法時一定要相當小心，因為日前美國一位女子由於單獨身處一部冷凍機內 10 小時，結果慘被 -151 度的超低溫凍死。 (閱讀全文…)
齊全配備、NAS 級多功能，Synology 首款無線路由器
一提起 Synology 大家都會想起它的各式 NAS，既優雅又高性能。早前它就發表全新產品線，並於最近正式推出其第一款的無線路由器 RT1900ac，定位為中高階級別。對現時的路由器感到不足的話，它說不定是個好選擇。
睇落好似電單車！KTM ION 電動單車外型設計超前衛
現時市面上發售的單車及電動單車，基本上結構都是由車架及兩個轆所組成，雖然外觀設計上會有所不同，但大部份一眼望落去便會知道是一部單車。而為了改變現時單車的固有形態，最近一位奧地利學生所設計的 KTM ION 電動單車，就決定引入一些電單車的元素。 (閱讀全文…)
挑戰極限！海外高手全程幪眼打爆 N64《薩爾達傳說 時之笛》
當一款遊戲玩到出神入化之後，有些玩家便會開始嘗試挑戰極限，比如以最快速度或一條命打爆機等，而小編亦曾經試過在《FF6》中以平均 LV 7 爆機。不過相比起以下介紹的這位人兄，就可能顯得小巫見大巫了，因為他竟然全程幪眼打爆《薩爾達傳說 時之笛》！ (閱讀全文…)
