踏入復活節假期，相信不少 Wire 民都會外遊，乘搭飛機出門往往令人既興奮又難受。因為搭飛機代表了旅程的開始，同時機艙的座位很多時又窄又不舒服。幸好飛機生產商 Airbus（空中巴士公司）日前公佈了全新的機艙設計，預計最快明年就能夠投入服務。
唐言無忌：電動車
公眾假期今天正式開始，然而筆者卻剛剛回到工作崗位，因為過去幾天筆者趁著復活節假期前放了幾天假，約朋友食飯吹水之餘，亦去了一個短 Trip。能夠暫時放低手頭的工作出門盡情地玩，當然非常高興，亦讓我有時間接觸一下新事物，就例如到陳列室試試其實已經推出一段日子的 Tesla 電動車。
香港人轉玩 Telegram 熱潮 – 點解好過 WhatsApp + FB Messenger?
網上討論區不知由幾多年前開始，隨著手機平台的轉變已經變得流動化。不過 Whatspp 可以開 Group、LINE 可以開 Group、Facebook 亦都可以開 Group，為何我們要用一個比較少人用的程式 – Telegram 來開 Group 呢？原因其實有好多，例如它可以指定留言來 Reply、安全度較高、支援多平台、功能豐富使用簡單等等。以下就轉載企業號的 Telegram 介紹文，幫大家快速了解：
43 萬耳筒係乜聲 ? Sennheiser HE 1 靜電耳筒 及 AMBEO 3D 音效技術評測
剛於今日正式向公眾開放的 Art Basel 2016 藝術展，德國著名耳機及音響品牌 Sennheiser 為該展覽的官方音響合作夥伴，並在這個全球知名的藝術展覽中，展出她兩項最新的驚人武器：終極靜電耳筒系統「大奧」Orpheus HE90 的後繼型號 HE 1，以及其全新 3D 音效技術 AMBEO，艾域亦在今日親身體驗過這兩把「聲海寶刀」，就在此與各位 Wire 民分享一下試聽後感吧。
Upmix 較原生更有驚喜 Sennheiser AMBEO 3D 音訊技術
Sennheiser 在今年年初 CES 正式公布的 3D 音訊技術 AMBEO，是一種結合錄音、混音、聲音處理及播放的一條龍技術，能夠作 9.1 聲道錄音及混音，並預計會在今年 9 月開始，陸續推出支援 AMBEO 技術的錄音及混音相關工具，以及如 VR 錄音咪高峰、耳機等產品。在 Art Basel 的展區中，Sennheiser 就搭建了一間名為「Future Sound Cube」的房間，內設 5 個安裝於耳朵水平的入牆喇叭、4 個天花喇叭及一對超低音喇叭，去展示 AMBEO 的實際效果。場內還擺放了該公司的 AMBEO Upmix 音效裝置，將一般的兩聲道音效訊號「向上轉換」（Upmix）成 AMBEO 效果輸出。
即場試看了一條以 AMBEO 技術錄音及製作的英國女歌手 Imogen Heap 演唱會片段，以及使用普通兩聲道聲軌、Coldplay 演唱會中演繹《A Sky Full Of Stars》一曲時的片段，兩者均梅花間竹地以兩聲道及 AMBEO 音效輸出。先說原生 AMBEO 音效片段，感覺聲音的確能夠填滿整個聆聽空間，而不同樂器分佈在不同位置輸出，其定位也十分分明突出，聽感與類似技術如 Auro 3D、Dolby Atmos 接近。至於將普通兩聲道 Upmix 成 AMBEO 音效輸出，艾域就覺得真的有驚喜，除了立體效果突出之外，不同聲音元素的分佈也明顯，例如樂器聲置放於聆聽位置的兩邊，而觀眾歡迎聲則在後方，據 Sennheiser 的全球市場傳訊總監 Uwe Cremering 表示，AMBEO 的 Upmix 技術擁有獨家的演算法，能夠自動辨識聲音內容，再將各種元素分佈至正確位置輸出，確保聽者不會有奇怪的聽感。
試聽片段：Coldplay《A Sky Full Of Stars》
身價四十多萬 每音每聲清澈無比 真正置身現場 Sennheiser HE 1 終極靜電耳筒系統
與「大奧」一樣，Sennheiser HE 1 也是由一副頭戴式靜電耳筒 HE 1060 及其專屬解碼耳擴 HEV 1060 組合而成，索價 50,000 元，不是港幣而是歐羅，亦即折合港幣約為 $433,000，更是只接受預訂並限量生產之作。究竟一套四十多萬的耳筒系統，包含了甚麼獨特元素呢？先說耳筒本體，HE 1060 用上 2.4 μm 鍍鉑振膜及鍍金陶瓷電極板，令頻率響應範圍達至極為驚人的 8Hz 至 100kHz 之餘，總諧波失真（T.H.D.）亦僅為 0.01% ＠ 1kHz、100dB。
至於專屬解碼耳擴 HEV 1060 方面，機身以意大利卡拉拉山脈的大理石構成，按鍵則是以經打磨並鍍鉻處理的鋁質物料製成，內部搭載 ESS ES9018S DAC 及 XMOS 晶片，令它能夠最高支援 32bit/384kHz PCM 及 5.6MHz DSD 解碼，而擴音器則結合真空管（Tube）及原子晶體管（Transistor）線路，前者合共用上 8 支 Sennheiser 自家於德國人手挑選的真空管 SE 803。另外，HE 1 整套系統均採用全自動電動開關設計，當開啟 HEV 1060 的電源之後，機身按鍵就會自動伸出，之後真空管亦會慢慢升起，最後收藏耳筒的玻璃盒亦會打開，讓用戶戴起耳筒開始享受音樂。
該品牌即場使用 T+A MP 3000 HV CD 播放機作示範訊源，透過 RCA Audio 連接至 HE 1，而艾域就試聽了著名爵士樂歌手 Gregory Porter《Be Good》專輯中的《Painted on Canvas》一曲，在這套組合輸出下，Gregory Porter 的歌聲厚實圓滑，並且極富感染力，歌曲旋律中的鋼琴、鼓、提琴、色士風等樂器，每個聲音都輸出得十分清脆利落，更可營造出極為開揚自然的音場，的確能令艾域猶如著身現場聽著演出，表現實是無可挑剔。
影評：《蝙蝠俠對超人：正義曙光》兒童不宜
相信對美國英雄漫畫角色略有認知的朋友，都可能被問過或聽過以下問題，例如閃電俠、超人同快銀 (Quicksilver) 鬥快那位會勝出、那位角色戰鬥力最強、超人勁還是蝙蝠俠勁等作者亦未必識答的問題，近日《蝙蝠俠對超人：正義曙光》電影終於上映啦，終於為大家提供一個官方答案。
聲畫俱佳
作為年度最高期待度電影之一的《蝙蝠俠對超人：正義曙光》，由於要在 151 分鐘交代蝙蝠俠為何要大戰超人、神奇女俠出場原因、兩巨頭為何停戰並聯手大戰奸角、為未來《正義聯盟》電影鋪路等問題，所以入場前筆者十分擔心會變成蝙蝠俠大戰超人幾分鐘後握手言和聯手打大佬，或兩巨頭大戰連場後用數分鐘戰勝奸角等戰鬥時間明顯失衡的問題，幸好雙巨頭大戰還是最終聯手打最終奸角那兩場打鬥戲時間控制尚算可以，而打鬥場面的聲畫表現亦十分出色，例如蝙蝠俠就很有遊戲的 Batman：Arkham Knight 的爽快感覺，而最終奸角亦給人力量異常強悍的感覺，較可惜是最初 3 巨頭輸得不夠慘和比較快取勝，導致逆轉勝的興奮度打折。值得一提的是本片文戲部份亦有不少 3D 場面，但 3D 畫面就沒有大大為它加分，而片中出現美漫英雄片少見的唯美慢鏡頭，令可觀性大大提高。
剪接和時間控制可以更好
今集電影時間設定在《超人：鋼鐵英雄》之後，電影首 30 分鐘導演就快速為大家交代了 Bruce Wayne 成蝙蝠俠的原因 (對，他雙親又要再死 1 次)、社會對超人的看法和蝙蝠俠想消滅超人的理由等，由於以穿插不同片段方式交代大量背景，所以雖有漫畫分鏡感覺但由於畫面頻密被打斷導致看得有點辛苦，「捱過」首 30 分鐘後，由於已將 2 位不同城市的英雄連在一起和大戰連場，相信大家會跟筆者一樣覺得愈來愈好看。值得一提的是由於要在 151 分鐘盡量還原漫畫部份關係，加上要交代大量人物關係、背景資料和展開劇情，導致電影節奏時快時慢，Fans 可能同看 Deadpool 一樣覺得十分過癮，但非 Fans 就可能看得有點吃力了。
舊人物新感覺
今集雖同樣出現了蝙蝠俠、超人、管家和超人女朋友等舊角色，不過導演就嘗試改變大家對他們的固有印象，例如超人女朋友 Louis 不再單純是用來威脅超人的花瓶角色、管家 Alfred 亦不再是對蝙蝠俠唯命是從的好好先生，上述新設定令觀眾對這些配角有耳目一新的感覺，不過當中最搶的配角相信非超人宿敵 Lex 莫屬。Lex 在漫畫設定中是位光頭的高智慧人類罪犯，可惜以往超人電影大多只突顯他光頭一點，今集以長毛髮型出現的 Lex 雖然外型上跟大家認知明顯有別 (他最終會光頭 Fans 大可放心)，但電影花了不少篇幅描寫他智謀和心計之高的一面，這點筆者就十分欣賞，而他的扭曲性格表現心寒度跟《蝙蝠俠 － 黑夜之神》中瘋狂小丑差不多，而每次他出現的音效亦為他加分不少。
無片尾彩蛋但多位《正義聯盟》成員現身
今集重點固然在蝙蝠俠和超人兩巨頭之戰，但另一重點是為未來的《正義聯盟》電影鋪路，不過跟 Marvel 不同的是《正義聯盟》其他成員並非以片尾「彩蛋」 (本片無片尾彩蛋)、對白或畫面一角等方式出現 ，而是變成故事發展的一部份，這點筆者就十分欣賞。如你跟筆者一樣是為了神奇女俠入場的話，入場後可能會有失望感覺，她在預告片出現的時間雖短但十分搶眼，但電影中她出場時間不比預告多很多，而戰鬥時間亦較短，這點是筆者覺得略為減分的地方。
評：兩極評價之作
近年 Marvel 和 DC 均有不少美漫英雄角色被拍成電影，除 Deadpool 外近年大部份 Marvel 電影都是輕鬆好笑的合家歡英雄片，因此比老對手 DC 更易入屋而大受歡迎。今集電影延續了以往幾部 DC 電影不多笑位和比較沉重風格，亦同樣有不少值得反思的對白 (比較集中在 Lex 和蝙蝠俠身上)，加上漫畫還原度高，相信會比較受 Fans 歡迎 (特別是蝙蝠俠 Fans)。不過它亦有不少可改善的地方，例如主線和大部份精彩鏡頭已在預告看到、兩巨頭停手原因不太合理、剪接和節奏有可改善空間等，相信會再一次有比較兩極的評價。
升到 375Mbps 到底有幾快？ 阿瓜用 S7 實試 csl 極速 4G-LTE-A
話說小編工作都需要成日走嚟走去，有時去完記招又要趕住同公司溝通返，仲要 Keep 住上網存取啲文件同埋其他資料咁，所以上網慢少少其實都幾麻煩。csl 近日就公佈咗佢將 4G LTE-A 嘅速度提升到 375Mbps ，比起之前嘅 300Mbps 又好似快咗啲咁，於是小編借住出去工作時，順便試下 csl 嘅 375Mbps 4G 網絡。
到底 375 Mbps 係咩嚟？
其實 375Mbps 係 csl 領先緊嘅速度標準，暫時獨步於香港市場。簡單嚟講，Mbps 數值愈大，上網速度就會愈快。如果行到盡， 即係可以每秒鐘傳輸到約 46 MB/S 嘅速率，即係話，以一條 1GB 嘅片 嚟講，即係 3 分鐘都唔使就可以下載完喇，一路淥著個杯麵等都得！
點先可以用到盡？
375Mbps 其實係最高嘅數值，即係話係絕佳嘅環境同接收情況底下能夠達到嘅傳輸速度。一般情況下，因為受制於地形同埋市區有好多其他無線訊號干擾，未必上到咁高。聰明嘅讀者一定會問，咁咪即係無分別？當然實際使用上，4G 速度仍然會有所提升，所以要知道到底使用感覺上會差幾遠呢，就要睇落去了。
當然，手機方面亦要配合。要使用到 375Mbps 嘅 4G 網絡，手機要支援到 LTE-A Cat 9 嘅制式，先至可以用到。而 Samsung 嘅 Galaxy S7 能支援 LTE Cat 9 規格，換言之，佢能夠支援到最高 450Mbps 嘅 4G 速度，csl 方面就話仲測試緊 450Mbps，但係而家 S7 已經可以用到最快嘅 375Mbps！所以等我哋用 Samsung 嘅 Galaxy S7 做測試，睇下 375Mbps 可以去到幾快！
小編實試：測速 + 睇片 + Up 相
喺測試部份，小編會用通訊事務管理局辦公室嘅手機測速 App 嚟測試一下速度，然後再試下香港人慣常習慣：睇 Youtube + Upload 相上 Facebook 。其中，睇 Youtube 方面小編會以 1080p 嘅影片，睇下佢有無窒機再 load 同埋需要幾耐先可以 cache 晒成條片落嚟。Upload 相上 Facebook 則用上 10 張由 Galaxy S7 影嘅相，睇下要幾耐先 Upload 晒 10 張相，S7 影嘅相一張都平均有 3-4MB ，所以加埋都有 30 幾 MB 。
觀塘樂華邨
▲ 測試地點為樂華南邨嘅巴士站對開，等車前最好就試試佢。
第一關：先測試速度
第二關：Load Youtube 1080p 影片速度
有時等車，無無聊聊一定會睇下 Youtube 嘅，小編試咗播放謝安琪《山林道》MV，開到 1080p ，睇下佢要幾耐先 load 晒成行，睇下用起上嚟爽唔爽先。
▲ 小編準備計時，計下謝安琪《山林道》嘅 1080p MV 要幾耐 load 完。
▲ 大家可以見到一段 4:08 嘅短片，用咗 3:16 就已經 load 晒全條片。基本上一按已經開始播到，中間亦無因為網速太慢而要緩衝嘅情況。
第三關：Facebook up 相要幾耐？
▲ 小編選擇咗 10 張由 Samsung Galaxy S7 影嘅相然後試下 Upload 上 Facebook。
▲ 結果所見，只需要 00:28 就可以將 10 張相 Upload 晒，即係其實唔使點等，啱晒啲已經快慣晒嘅人。
九龍塘又一城
▲ 喺九龍塘城市大學附近嘅又一村同埋創新中心
第一關：先測試速度
▲ 原來喺人流量高嘅九龍塘都收得唔錯，下載速度都有 78.8Mbps，上載速度則係一半嘅下載速度。
第二關：Load Youtube 1080p 影片速度
▲ 而今次係又一城，小編就試下第二條 1080p 嘅片，喺 Adele 嘅 《When we were young》嘅 MV ，長達 05:43，亦係開到 1080p，睇下佢要幾耐先 load 得晒。
▲ 而呢段 05:43 嘅 MV，用咗 04:27 就 load 完。
第三關：Facebook up 相要幾耐？
▲ 同樣，小編亦以 10 張由 Samsung Galaxy S7 影嘅相然後試下 Upload 上 Facebook。
▲ 結果同喺樂華邨測試嘅一樣，都係 30 秒內就已經 upload 晒啲相。
後記：使用體驗感覺良好
小編簡單地試咗一啲市民平常會做嘅嘢，包括睇 Youtube 同埋 upload 相上 Facebook，基本上都感覺非常快速，無需要等嘅情況出現，正好啱晒小編呢啲經常都「唔等得」嘅人，可見 375Mbps 嘅 4G 已經好穩定，亦都可以去到相當高嘅速度。最新嘅旗艦手機 S7 已支援到 LTE CAT 9 嘅高速 4G，亦即係 375Mbps。
＊註：Samsung Galaxy S6 edge+ 配合最新韌體版本亦都可以支援 LTE CAT 9
而將來 csl 450Mbps 嘅速度開通之後，相信配合 S7都非常好用。想換 Galaxy S7 嘅讀者，不妨配合 csl 眾多唔同嘅月費計劃，咁就可以享受到更高速嘅 375Mbps 4G 體驗啦！而家去 csl 上台出機，仲有可以獲贈不同嘅原廠配件添！有興趣嘅讀者不妨去 csl 網站 查詢詳情！
【unwire TV】9米體感夾蛋機 夾完拎唔到番屋企？
夾蛋機玩得多！9米既你又玩過未呢？
聲稱自己有150cm既依莉詩就去挑戰下！
詳細內容﹕http://unwire.hk/2016/03/21/citywalk/hottopic/lifestyle-review/
【有片睇】識自轉超精緻！韓國高手自製 LEGO 天空之城音樂盒
以宮崎駿動畫作為題材的 LEGO 作品，相信大家以往都見過不少，比如之前就曾經有人製作過一部 LEGO 哈爾移動城堡，造工頗為精細。不過最近有韓國高手製作出來的 LEGO 作品，就肯定更加特別，因為它不單止以天空之城作為題材，而且更是一個音樂盒！ (閱讀全文…)
四種模式 提供更多可能性 ASUS VivoBook Flip TP301UJ
筆電適合日常工作，Tablet 卻適合做煲劇睇戲，兩者能整合一齊就固然最好。ASUS 新推出 VivoBook Flip TP301 搭載Intel Core i5 處理器就做到上述要求，機身跟屏幕可以做到 360° 摺合，日常生活中究竟可以怎樣應用呢？
金屬製Alloy Steel鉸位 可承受最少 20,000 次反芒
ASUS 2014 年曾推出過 Transformer Book 系列產品，開創「筆電 ↔ Tablet」Windows 機身變換概念的先河，用家亦非常受落。廠方今年就承襲同樣概念，但針對「反芒」的功能及造工再加以改良，終於推出新一代產品 ─── VivoBook Flip 系列。它配以香檳金色的金屬機身，更重要是針對 360°「反芒」設計，機身與屏幕就選用金屬製 Alloy Steel 的鉸位組件，可承受最少 20,000 次反覆摺合，機身跟屏幕部份更可根據角度及擺放方式，總共達成 4 種使用模式，包括「高效筆電模式」、「分享模式」、「多媒體模式」及「平板模式」。
▲金屬製 Alloy Steel 鉸位組件，採用多齒輪式令它可承受最少 20,000 次反覆摺合。
各種模式配合多種不同需要：
機身倒 V 型擺放 可作戶外流動廣告版
在「分享模式」將 ASUS VivoBook Flip TP301UJ 倒 V 型方式擺放，鍵盤會自動鎖定，正正適合商務用家用來做簡報、Roadshow。它的 13.3 吋 1,080p 高清屏幕夠清晰，其 IPS 面板可視角度夠高，不同角度望去依然顏色一致，不似傳統 TN 面板出現顏色不均勻，令觀眾清楚望到畫面資訊。它內置 3-Cell 電池就可以捱到 10 個鐘，在室外做 Roadshow 就毋須煩於找 AC 電源去駁火牛。
「分享模式」又可以將它用作互動抽獎機，因《Windows 10》符合微軟 Universal Windows App 標準，很容易就可以寫出相容的 Apps，然後配合 VivoBook Flip TP301UJ 的 10 點 Multi-Touch 觸按屏幕，讓多位抽獎參加者同時互動，例如要求他們按著畫面中的優點波波 3 秒，成功後獲取獎品，發揮 VivoBook Flip「反芒」機能優勢。
▲「分享模式」將屏幕「倒 V」並豎立擺放，方便進行簡報、Roadshow。
360° 反芒變 Tablet 方便銷售員攜帶
將機身 360° 摺合而使用「平板模式」，10 點 Multi-Touch 功能不單方便縮放畫面，配合《Windows 10》本身 Gesture 功能快速開啟指定 Apps。VivoBook Flip TP301UJ 重量亦只有 1.5kg，比上一代 Transformer Book 系列更輕身，流動性更大，方便地產經紀或銷售員隨身攜帶。它 Alloy Steel 合成鋼軸承設計講求高耐用度，廠方測試證實可承受 20,000 次反覆摺合，反芒過程非常流暢，質素毋容置疑，令用家隨時可將機身從「平板模式」變回正常筆電模式，開啟文件檔向客戶進行更深入講解。
▲將屏幕完全摺合至 360°，「平板模式」將配合《Windows 10》而當作 Tablet 使用。
變成迷你播片器
「多媒體模式」將屏幕翻至約 270° 位置，令 VivoBook Flip TP301UJ 仿如變成小型電視機，約齊朋友在室外環境開派對時，就最啱用來播放影片或收睇球賽盛事。透過內置 802.11n Wi-Fi 就可以無線上網，免除插 LAN 線之麻煩，ASUS 更因應多媒體播放而提供 SonicMaster 音效強化功能，俾大家清晰聽到特效或旁述，跟朋友們齊齊感受影片劇情及賽事現場氣氛。「多媒體模式」 會將鍵盤及 TouchPad 都自動鎖定，即使桌面上稍有小雜物，都不怕觸到鍵盤而影響播片運作，VivoBook Flip「反芒」設計絕對有考慮到不同環境所需。
▲「多媒體模式」則將屏幕翻至 270°，仿如迷你高清電視機，方便煲劇及播片。
長途飛行、商務工幹的旅伴
它內置 3-Cell 電池夠捱 10 個小時，需要頻繁「四圍飛」的商務用家，候機或轉機就唔駛煩在機場搵 AC 電源去叉電。VivoBook Flip TP301UJ 的鍵盤會發出 LED 白光，機艙就算在晚上調低光線，用家都可照樣看到鍵盤而打字。憑著它內置 NVIDIA GeForce 920M 顯示核心，支援 4K 高清播片，亦最啱在漫長飛機航程中睇片消磨時間。用家可活用「多媒體模式」，將機身變成支撐底座，令屏幕近靠近自己，更清晰觀賞影片的畫面。當有需要向客戶進行簡報，屆時又可運用「分享模式」去展示簡報畫面，亦可透過 HDMI 介面而接駁到 LCD 投映機，將畫面以大尺寸方式輸出，讓會議室內各個客戶都可清楚望到文字及數據等細節。
▲鍵盤具 LED 發光效果，並有 3 級光度調校。
▲機身右側設 1 個 USB Type-C 介面，速度等同於 USB 3.0 即最高 5Gbps。
▲HDMI 1.4a 影像輸出介面，支援 1,080p 全高清輸出。
▲SD 讀卡器旁設有音量掣及 Power 掣，造型更仿如平板電腦般。
售價：$8,998
查詢：35824770 (ASUS 香港)
新機 NX 幾時出？任天堂否認 Wii U 會於今年底停產
日經新聞的公信力絕對毋庸置疑，不過近日他們似乎又老貓燒鬚。因為日前他們表示任天堂 Wii U 將會在今年底正式停產，並會讓路予新一代家用機 NX。不過在消息見街之後，任天堂隨即就否認有關報導，但同時亦難免令人聯想起 NX 的開發可能有所阻滯，未必能在今年內推出。 (閱讀全文…)
橢圓形塵埃落定？再有任天堂 NX 手掣實物曝光
集資又出事 ! Apple + Android 兩用 USB 線 – LMcable 擬似被中國廠抄襲，Backers 要求退款
三月頭 UNWIRE 曾經報道過 Kickstarter 上的一項新集資產品－LMcable 的 Apple / Android 兩用 USB 線，並由 Soler 的成員 Julio 為其拍攝宣傳短片。兩日前（3 月 22 日），此集資項目被 Kickstarter 強制暫停，有 Backer 曾經留言說有關產品已於 eBay 以低價出售，更聲稱持有版權，相信 Kickstarter 暫停 LMcable 集資的原因與此有關。
Pornhub 推出 VR 成人電影頻道 : 免費任睇 ＋ 安裝及 VR 選購教學
作為全球最大的成人影片網站，相信不少人都聽過 Pornhub 這個大名吧？至於來到今日他們更邁向一個新里程，因為他們宣佈由今日起將會正式進軍 VR 領域，並已在官網上加入虛擬實境分類，好等大家今後可以享受到更多 VR 成人電影，而且更重要的是完全免費。 (閱讀全文…)
採用 Samsung 原裝面板！小米電視 3S 曲面 4K 電視發佈
除智能手機及平板等產品之外，小米的電視系列亦算得上是發展得比較理想的地方，而且繼 4K 電視之後，如今他們更推出全新的 65 吋小米電視 3S，其最特別之處是採用了超薄曲面螢幕，是小米旗下推出的首款曲面電視，當然價格方面亦比起其他同類型產品更便宜。 (閱讀全文…)
玩靚聲 + 雙熒幕 ! vivo Xplay 5A 手機開箱 + 詳細評測
近年不少中國品牌都有推出手機，有些更是有向外國品牌某些型號「致敬」的感覺。vivo 最近就推出了全新的旗艦手機 Xplay 5A，外型就激似 Samsung 去年推出的 S6 edge+，只是機背換了金屬外殼而已。但實際用起來感覺又點？unwire.hk 編輯部就極速入手了一部，而家就等 Edward 同大家分享一下，順便為大家帶來開箱文！
無需 Apple 幫手！以色列軟件公司 Cellebrite 或已協助 FBI 成功解鎖 iPhone
現時 Apple 正與 FBI 就解鎖 iPhone 一事而「開戰」，雖然有關案件仍然在處理中，不過 FBI 日前卻突然申請延遲聆訊，並表示即使 Apple 不出手，亦一樣可以解鎖到加州槍擊案疑犯的 iPhone。至於今次 FBI 到底找到誰人幫手，答案或可能是一間以色列軟件公司。 (閱讀全文…)
數碼講呢 D：FinTech 喺香港有冇得做呢？
「香港真係好有條件搞 FinTech！」呢 D 咁有見地嘅講法，當然唔會淨係小編呢 D 小薯仔講啦，其實香港有好多財金界同科技界猛人都咁講，仲包括財爺曾俊華添。之但係亦有好多人話，香港現時嘅法例，未必能配合創新嘅想法。
【有片睇】首次衝出海外！日本「辦公椅格蘭披治大賽」即將於台灣舉行
各位於 Office 開工的打工仔，相信平時身體「接觸」得最多的肯定是辦公椅吧？現時的辦公椅通常都設有轆及可以轉動，雖然在 Office 內轆來轆去幾危險，不過日本就有人索性將之移師到室外，並舉辨一項名為「辦公椅格蘭披治大賽」，將辦公椅變成戰車再在路面上比賽，睇起來又好似幾過癮。 (閱讀全文…)
誓要取代實體 SIM 卡？9.7 吋 iPad Pro 將配備「內嵌式」Apple SIM
在本週初所舉行的發表會中，Apple 終於正式發表了最新款的 9.7 吋 iPad Pro。雖然從表面上來看它就好像是 12.9 吋 iPad Pro 的縮水版本，不過除尺寸外其實兩者也有不同之處，比如其中一項新功能在發表會上就沒有公佈，那就是該款新 iPad 將會配備內嵌式的 Apple SIM。 (閱讀全文…)
【有片睇】提早一星期！iPhone SE 及 9.7 吋 iPad Pro 開箱片搶先出爐
相信大家都知道 Apple 最新款的 iPhone SE 及 9.7 吋 iPad Pro 將會在今日（3 月 24 日）起開始接受預訂，並會於 3 月 31 日正式發售。雖然一般人最快要等多一星期才能用到這兩款新機，不過科技網站 iMore 卻竟然提前入手，並且拍攝了相關的開箱影片，好等大家可以一睹當中的細節。 (閱讀全文…)
慢工出細貨！Intel 將減慢 CPU 產品更新週期
Intel 的 CPU 產品向來都有個推出週期，每年都有不同的更新，不過他們最近決定減慢這個週期，之後要用擁有新技術的 CPU 可能就要等長一點的時間。
(閱讀全文…)
