還有大約一星期 Konami 大作《Metal Gear Solid V: The Phantom Pain》便會正式推出，雖然製作人小島秀夫曾於年初宣佈該遊戲將會推出中文版，但可惜其後就沒有相關消息。幸好在遊戲推出前夕，Konami 今日終於發放了首批中文化圖片，並且更確認了中文版的推出日期。 (閱讀全文…)
彩芒 QR Code 一「嘟」即連線，小巧方便 4G LTE Pocket WiFi
經常要往番中國內地，或者要去他國旅行，有時拿一個 Pocket WiFi 可能比較方便，一來可以分享至多部裝置/多人使用，二來亦可作為多媒體串流播放，慳水慳力慳位置。最近 AirMobi 就推出新版的 iTravel 4 mini，體積小巧還有彩芒，以下一齊睇睇：
Gashion 55 – 街頭大搜查：你部電話通常係點跌？
你部手機究竟跌過幾多次？ 我… 一日跌一次左右啦.. 皓藍係街頭做訪問，得返嚟嘅答案都幾有共鳴，唔知你有會唔會成日係咁樣跌手機呢？
「訓教前玩手機，臨訓就會放係床邊。第二日一起身，揚下張被，跟住部電話就跌咗落地….」
預防方法 from Niki － 買個玻璃 mon 貼，保護個螢幕要緊！
「訓教個陣玩手機，玩玩下，跌咗落我塊面度…」
預防方法 for Phillis－ 訓教個陣唔好玩電話～
「我個 mon 都幾花，不過唔係因為跌，而係因為成日同鑰匙一齊放係褲袋。」
預防方法 from Phillis － 點都要痴 mon 貼！
「平時放係檯面叉電個陣，成日唔小心整到條 usb 線，然後就跌咗…」
預防方法 for Denise － 用膠紙將 usb 線靠牆或地板定位～
▲ iPhone 一跌就好易崩，嗚嗚
「褲袋太淺，一係個褲袋拎出嚟… 佢就自己跌咗 …」
預防方法 from Sarah － 著條褲袋深 D 嘅褲或者直接放入袋啦！
▲ 好彩有個 mon 貼擋咗一剎 （雖然小編都係裸機…. 所以個 mon 已經花咗…)
再次無視禁令！中國電信高層大爆 iPhone 6s 各項細節
如無意外 iPhone 6s 及 iPhone 6s Plus 已經蓄勢待發，一般相信各大電訊營運商已經取得實機進行測試，而正常情況下他們都必須與 Apple 簽訂保密協議。不過中國電訊商今年就一如以往「口疏」，因為今日有中國電信高層就率先披露了不少 iPhone 6s 的細節，完全無視禁令。 (閱讀全文…)
唔駛拎出去維修！Glass Glue 神奇膠水可快速修復破裂手機螢幕
相信各位手機機主最怕就是遇到螢幕破裂，因為除會影響到手機外觀及正常操作外，拎去維修亦要花不少金錢及時間。不過日後遇到這種問題或不用再頭痛了，皆因最近有德國團隊就設計出一種神奇膠水 Glass Glue，可以快速修復破裂的螢幕，而且使用方法亦十分簡單。 (閱讀全文…)
影評：《破風》延續熱血之路！
筆者睇過唔少電影題材，當中運動肯定係最難拍攝的題材之一，印象中港產片入面就只有《少林足球》比較成功，不過都係以搞笑為引子吸引觀眾，係咪能令大家更了解足球呢項運動？無囉。今次港產大導林超賢繼《激戰》之後，再次挑戰運動題材，拍出《破風》，繼續玩熱血！究竟睇落係點？而家就等 Edward 同大家分享一下。
OCAMP 約人超煩，借用「雲端」令潛水組員上水
就開學呢段時間就最多 oday，ocamp，都未開學就話要 re－u，係咁瘋狂約人，com時間。單係就日子都改左九千次，全無效率，真係開學都未約得齊人咁。皓藍係 unwire 做左一段日子，睇得艾露貓的實用技巧多。今次就等我教教大家用一d app 大大加快約人效率，仲可以令潛水嘅組員上水添！
whatsapp 群組約人=浪費時間
皓藍今年第一年玩 ocamp （唔通我好後生又話你地知咩～），覺得 「dorm」個 whatsapp 群組有幾個特點：第一，係咁震；第二，唔知點解佢唔會唔震；第三就係成日都會係咁 loop 同一個訊息去比大家填時間表，約下一次meeting、練舞、食飯等。一個群組有起碼十個人，但唔係十個人都同一時間都可以覆到你，有人依家覆，有人今晚。但係個訊息水蛇春咁長，有時覆咗，但又可能同人地撞，唔夠更新。真係覆到 2046，開晒學都可能未知覆晒未！所以呢，就等我呢個「科技小先鋒」教教各位同學點樣可以快手 d 約齊人 dem beat、食飯、練舞、去 camp、re-u、再 re-u、再再 re-u啦！
初階版 － Google Forms
潛水的人兒無所遁形！
其實 Google Forms 呢個功能就係人都知，但係多數人都會應用係正式嘅約會，例如參加 unwire 嘅試玩會～ 不過，到咗係咁多人一個群組，同埋「xx號到唔到啊？」訊息無限 loop 嘅時候，我覺得係時候要出動到佢啦！
簡單寫上活動嘅標題，然後就係組員嘅名，同埋時間，地點，或者你自己想加嘅嘢就得。白紙黑字，有規律咁樣幫你記錄曬～ 重唔洗特登係咁掃掃掃個 whatsapp 先見到究竟今日有邊個到，一開條 link 就都睇到曬啦！
進階版 － Doodle Schedule Maker
連覆都唔覆去唔去啊你？
Doodle 呢個 App 原理同頭先嘅 Google Forms 係差唔多，不過佢有個好處就係顯示嘅介面比 Google 更靚同埋人地幫你 preset 曬格式唔洗煩。電腦使用 doodle 係會比手機易上手，同樣佢都係會可以比條 link 你 send 比人去填。當所有邀請嘅人填好曬，就會自動選出一個大家都得閒嘅日子同時段，幫你入埋去 schedule 提你個日有嘢做添㗎 （呢個入埋 schedule 嘅功能就要你 download 埋佢個 app 先會有嘅）
邊踩邊儲電！Siva Atom 單車 USB 充電器
無論你是因為代步、健身還是其他原因，踩單車本身就是費力的運動。利用體力換取速度之餘，如果還可以將動力回收變成電力，那就兩全其美了。最近 Amazon 出現了一款名為 Siva Atom 的單車 USB 充電器和電池組合，能夠將動能轉化成電力。
Passport 升級版！ BlackBerry Passport Silver Edition 香港售價 $5,388
BlackBerry 香港推出新版本 BlackBerry Passport，名為 BlackBerry Passport Silver Edition。金屬機身的最新 BlackBerry 旗鑑手機配備4.5吋 1440 x 1440正方形屏幕、1,300 萬像素鏡頭、重新設計過的鍵盤， 3,450 mAh 電池令續航力達到30小時，搭載最新的 BlackBerry 10 運作系統，BlackBerry Passport Silver Edition 售價為$5,388，9月2日於各大零售店有售。稍後我們將會有更多此機的速測內容，請大家密切期待！
可用足一星期 iPhone 6 燃料電池現身
不少 iPhone 用戶早前系統升級後，都投訴電池使用時間縮短了。如果電池能夠使用整整一星期，相信能令 iPhone 用戶以至其他手機用戶羡慕吧！一間英國公司早前宣佈，成功將微型的氫燃料電池放在 iPhone 6 內，使用時間長達一星期。
ViW 拉闊鏡頭加閃燈 手機即變自拍神器
喜歡自拍的朋友往往會花錢購買「自拍神器」相機，坊間亦有不少以自拍功能招徠的手機。如果你想為現有手機平板的自拍鏡頭增值，而不想換機。瑞典一間設計公司最近發表的 ViW 相機組件可能幫到你！
傳有兩款型號 Samsung Gear S2 或內置 nano SIM 槽
早前已經搶先曝光的 Samsung Gear S2 智能手錶，預計會在 9 月初於德國柏林舉行的 IFA 2015 正式發表。有關 Gear S2 的詳情現在仍然不多，最近有報道指 Samsung 將會推出多於一款型號，其中包括 Gear S2 Classic。
唐言無忌：專登做錯事
不知道你會不會像我一樣，有時會懷疑身邊發生的事物為什麼會這樣不合情理和荒謬。明明應該是一個製作嚴謹，經過多重審批的新聞節目，過去 70 年都沒有搞錯的事實，竟然突然間會出現將國民黨旗變成中國共產黨旗播出街，然後一而再再而三出錯。
梁懷宇： Uber 能算是「共享經濟」嗎？
近日，報章常出現「共享經濟」（sharing economy）此詞，除了 Uber、AirBnb 被稱為「共享」外，就連一些傳統租賃公司，買下資產後向消費者出租，也稱作「共享經濟」，好像「不擁有」就等於「共享」。究竟，我們能就「共享經濟」有更清晰的定義嗎？
攝影師 Christian Carollo 發現爺爺舊旅行相片，重臨舊地「複製」相片
三年前，費城攝影師 Christian Carollo 發現左一盒佢爺爺舊時既旅行相片，於是佢就諗：「如果我係爺爺拍呢啲相既 30 年後複製一次會點呢？」於是，呢個攝影計劃就此開始。
Unwire Space 創業 Tips：創新道路由你創？
你有冇一啲睇唔過眼的問題想解決？你會唔會成日投訴呢樣唔方便個度唔完善？如果你還有些棱角還未磨滑，有否想過要將這些負面的情緒變成積極的行動？Startup 創辦人很多時就從這些問題入手，找創新的方法解決。你點知個個問題係咪值得解決呢？根據以下 5 點就可以知道喇！
1．有一種使命感
你好熱血想幫到其他身陷其境的人，而那腔熱血是無法人工製作出來的，一般都是你先有一些經歷，導致你想盡辦法要改變現狀，到後來演變成你的「使命」。這種使命感不但幫你走過創業路途上的高山低谷，還令你更了解你的用家，使你的產品更以人為本。
2．找到用家
若你決定要將解決方案商業化，哪你找到你的用家嗎？你的用家會願意轉去用你那一套嗎？就好像八達通，而家已經根深蒂固係香港人的日常生活，導致再推出其他電子貨幣的時候，很難說服人「轉會」。有人用的方案才可以持續下去，不然錢從何來？
3．用家願意付費使用
「生意的定義就係搵錢！」，冇錢，你的產品/服務/方案充其量也只是一項興趣或公益。想知道市場上的用家是否願意俾錢買你的產品，你可以先推出 MVP（產品雛型），觀察一下市場反應，如有不少用家願意付費使用，已是很好的跡象顯示你的產品值得生產。
4．將問題抽象化
將一些實際的問題變得抽象化，例如，你發現小朋友唔鍾意刷牙，因為唔鍾意牙膏陣味，咁你得出來的結論就是，將牙膏變得易入口啲。如果你將問題抽象化：點先令小朋友覺得刷牙好玩？咁你想像的空間就可以大啲，唔只係局限於牙膏喇！
5．問題不易解決
好容易就解決到的問題，一早就有人解決左啦。小編同過一個 Startup 的創辦人傾過，佢話就係難先至做，因為咁樣先證明到你的能力。會痛的是難的，但要殺出一條新血路，證明你的價值，這個才是最好的方法。
來源：Forbes
甚麼是 UNWIRE Space ?
unwire.hk 作為生活科技網站，亦為推動香港創業文化發展，推出概念工作間 – UNWIRE Space。Co-working space 結合新媒體宣傳力，就是我們與眾不同的 UNWIRE Space 了。
<詳情請按此>
Yahoo 推出「藝造香港」Tumblr：香港藝術者既網上平台
如果大家仲記得的話， Yahoo 係 2013 年中收購左 Tumblr ；不過一直都無咩新搞作。直至到 7 月頭， Yahoo 香港正式係 Tumblr 上推出「藝造香港」，其實就係一個提供比香港藝術者創作既一個平台。小編就同來自 Yahoo 既 Celina 傾過，都覺得成個平台都幾 user-friendly 同幫到藝術者谷人氣啵！
既有邀請藝術者加入 用户亦可選擇投稿
藝造香港一開始會邀請一啲比較知名既藝術者加入，不過如果無被藝造香港睇上邀請亦唔需要灰心，用户亦可以選擇自行投稿，等藝造香港注意到你既作品，將你擺入去佢地既平台。
業餘藝術者偏多 卻不乏極具潛力者
小編所講既「業餘」，並非指佢地唔夠好唔夠專業，而係大多數都並非全職從事藝術性質工作。例如：比較多人熟悉既網絡作家「藍橘子」，佢並唔係全職做一個作家；而插畫家方面則有更多，如來自空少既「空中飛傭」同埋作為工程師既「手繪 Speeding」等等… 雖然佢地既職業同藝術並無任何關連，不過當中卻有唔少都極具潛力，加上佢地個份熱情同堅持，作品係藝造香港上好快就獲得唔少讀者既關注，唔輸比全職藝術工作者架！
藝術者定期聚會 跨界 Crossover 合作
藝造香港呢個平台並唔係 one-way 的。好多平台都只係用户上傳作品上去比讀者睇，而藝造香港注重既唔只係提供藝術者與讀者之間既平台，更係藝術者與藝術者之間。藝造香港會定期舉辦聚會，邀請各個藝術者一齊做交流同 brainstorm ，睇下互相會擦出啲咩野火花，有咩技術上既問題亦可以問返藝造香港，更重要既係令各個藝術者可以同自己鍾意 ﹑ 欣賞既藝術者見面。而就係較早之前，網絡作家藍橘子同插畫師黎特就 crossover 一齊完成「小說」，藍橘子就負責文字故事部分，而黎特就負責畫插圖既部分，黎緊 Celina 話將會有更多既 crossover 出現。
藝術種類豐富 內容不設限制
雖然以上講緊既係作家同插畫師多，但仲有好多類型同主題如攝影 ﹑ 食物 foodography ﹑ 寵物等等， Celina 表示已經接觸緊一啲 Pet lover 同埋以寵物為主題既插畫師，種類非常豐富，無論讀者係鍾意咩形式咩主題都可以搵得到。而小編當時即刻就好奇問：「咁你地會唔會有 filter 一啲敏感題材架？」Celina 都表示任何題材都歡迎，即使係涉及暴力 ﹑ 血腥 ﹑ 裸體同政治，因為每個人都有創作自由，而作品就係藝術者表達自己既最好渠道。不過要注意既係，如果涉及 18+ 既題材，就會上唔到 Yahoo 首頁既 feature 架啦，始終 Yahoo Home Page 唔可以登呢類作品。
Yahoo 首頁 feature 作品人氣節節上升
岩岩就講到 18+ 既題材唔可以上 Yahoo 首頁 feature 既，不過其他任何類型既作品都有機會被 Yahoo feature 上首頁。Yahoo 首頁既 feature 亦都非常明顯，就係首頁既左上角，另外係 Lifestyle 個欄都會有 feature ，至於會顯示幾多就視乎返個 user interest ，越鍾意睇藝造香港既讀者就睇得到越多。
Tumblr 優勢一個字：「Flexible」
雖然 Yahoo 收購左 Tumblr 用佢黎做「藝造香港」無可厚非，不過原來 Tumblr 既優勢比其他 network 強得多既就係佢夠 flexible 。佢可以擺放 GIF 圖，讀者只需要一進入 dashboard 就直接睇得到，唔似 Facebook 咁要 click 入去噤制先。而且成個 site 都可以自己設計，就好似藍橘子將自己既作品分類分系列，仲有 search 功能，讀者要搵文睇就易好多，唔似 Facebook Page 咁大限制，模板個個都一模一樣，搵返之前啲 post 係難上加難，仲要有個大大個 Facebook logo 係度，同 Tumblr 上面個條唔明顯既 user bar 相比 Tumblr 較好。更重要既係，如果藝術者有唔同既 style 或者個人 project ， Tumblr 一個帳號就可以開多個 blog ，唔需要開幾個帳號咁麻煩，仲要登出登入。
尊重原創 讀者點分享都會顯示原創作者
而第二個重要優點就係，無論用户點樣分享藝術者既內容，讀者既 share post 永遠都會顯示返原創作者。例如： A 分享左藝術者 B 既作品，就算以後 C ﹑ D 同 E 分享 A 既內容，藝術者 B 既名永遠都會個啲分享出去既內容上，唔會好似 Facebook 會無啦啦無左原創作者個名，如果無落水印從此以後就難同作品再有連繫咁。呢點其實多得 Tumblr 既 founder 本身都係一個藝術家，所非常尊重 original 。
作品受品牌和大公司關注 隨時比藝造香港推薦
小編都覺得成個平台設計唔錯，不過小編都緊隨其問：「仲會唔會後續發展就好似藝術者能夠同其他公司或品牌合作？」 Celina 都表示會主動將一啲有潛力既藝術者推介比其他公司同品牌，希望佢地既作品比更多人認識，而且都有唔少公司會主動係藝造香港搵一啲適合既藝術者聯絡，所以其實對於將來既發展亦都非常有幫助。
以下就係一啲推薦既「藝造香港」上的藝術者：
藝造香港網站：請按此
Sony 宣傳攻勢展開！Xperia Z5 鏡頭將具備更強對焦功能
相信不少人應該對 Sony 最新旗艦機 Xperia Z5 略有所聞，而繼本月初他們宣佈將會出席下月德國舉行的 IFA 展後，今日官方就再次展開新一輪宣傳，並表示將會在 9 月 2 日發表一款全新手機，如無意外當日的主角應該極有可能會是 Xperia Z5。 (閱讀全文…)
籮文：「咁先係轉盤嘛」 Olympus OM-D E-M10 Mk II 相機初步評測
今日 Olympus 正式發表 OM-D E-M10 Mk II 無反相機，雖然是 OM-D 系列中最入門型號，但性價比高，單鏡 Kit 套裝只售 $6,690 ，想知性能如何？留意以下速測！
▲黑魂 超型 超Vintage
比上代轉盤更好扭
E-M10 Mk II 貫徹 Olympus OM-D 一向作風有仿古金屬機身，感覺復古得黎又實淨，機身和 Kit 鏡都有黑色同銀色可供選擇，個人認為銀色比較高調復古，文青首選，我籮文就比較低調，喜歡黑色更有神秘感和專業味道。機身厚約 47 mm，機身太薄對於男性用家黎講會比較難揸手，幸好機身手柄位設計得宜，深度足夠讓我穩持整部機。
套裝配上 14-42 mm F3.5-5.6 電子變焦鏡頭，鏡頭收起時非常纖薄，加上機身連電池亦只重約 400克，機身連鏡頭帶出街絕對唔會覺得係重擔。機頂的三粒轉盤比上一代更厚，並加上窩釘外圍，手感好好擰，同上一代「超薄片」轉盤手感是兩回事 ! 。屏幕可以調教角度，惟與上代一樣只有垂直角度，並且不能反轉作自拍用途，成為一大缺憾。
▲三粒轉盤比上一代更厚，並加上窩釘外圍，手感好好擰，外觀上 bling bling 更靚
▲ Touch Mon 向下反的最大角度，未能用作自拍，可惜
▲ Touch Mon 向上反可達水平角度，低炒冇難度！
▲鏡頭收起時非常纖薄，尤如餅鏡一樣，機身連鏡頭放入袋就出得街
5 軸防震 靜音快門最啱偷影
而今代 E-M10 Mk II 有五軸防震，足足比上一代多兩個軸，實際用落表現係點呢？籮文試過一邊行一邊拍片，出黎效果十分理想，當然唔及用路軌，不過影片十分穩定，變型情況亦不算嚴重，配合閃光燈喺較暗環境亦唔會影出鬆郁朦照片，搭緊車影相亦唔會因為車震而影響表現。E-M10 Mk II 由感光元件取代快門簾來控制入光量，減低快門開合做成嘅聲音，就算要偷影女朋友訓教都唔怕快門聲嘈醒佢。
快過上代對焦好多
今次 E-M10 Mk II 中的 Fast AF 技術使用的運算方式有改良，對焦速度比起 Mk I 有明顯改善，基本上半按快門唔需要半秒就可以對焦到，縮短快門滯慢。用 LiveView 取景時 Touch AF 觸控快拍功能可以讓你一 Touch 就自動即時對焦並拍下照片，快而準！ 另外有 AF Pad 觸控功能，當用家用 EVF 電子觀景器取景時，用手指公喺 Touch Mon 度掃，就可以又快捷又準確地選取想要嘅對焦點。除對焦快，連拍速度亦不錯，達到 8.5fps 的高速連拍，屋企隻貓東奔西走都可以用 E-M10 Mk II 捕捉到。
▲用 LiveView 取景時 Touch AF 觸控快拍功能可以讓你一 Touch 就自動即時對焦並拍下照片，快而準！
可惜 .. 4K「片」只是 5fps Time-Lapse
當然唔少得 Olympus 嘅 Art Filters 藝術濾鏡，轉盤撥到 Art Filter 模式就可以加入特效。撥到 Photo Story 模式可以拍攝多張相來併砌成一個故事。影片拍攝最高支援 1920 x 1080 60fps，無反黎講算係唔錯，Olympus 嘅朋友介紹時講到 4K，我都打咗個突，原來 E-M10 Mk II 係可以拍 5fps 嘅 4K 嘅 Time-Lapse，算係一個幾好玩嘅功能。
▲冇開 Filter
▲開左 「濃化色調」 Filter
▲用 Photo Story 模式可以拍攝多張相來併砌成一個故事，你領悟到依個故事嗎？
測試相片
▲(ISO 200 / f4.5 / 1/100) 色彩繽紛嘅甜品，影出黎 AWB 顏色彩度都準確
▲(ISO 640 / f4.2 / 1/60) 1,600 萬像素，放大後成像仍然清?細緻
▲(ISO 400 / f4.1 / 1/50)面部自動對焦，即使 Model 位於逆光位，局部測光十分準確，面部輪廓亦不會過暗。
▲(ISO 1600 / f4.2 / 1/10)
▲(ISO 1600 / f4.2 / 1/10) ISO 開到 1600 ，雜訊增加，油畫化問題開始浮現，高 ISO 始終 m43 機來說是比較吃力。
總結：「Vintage 風格機身靚 對焦特快 」
依部機外觀上實在好吸引，仿古風格嘅機身，機頂轉盤嘅窩釘外圍帶來畫龍點睛的作用，更點綴整部機嘅 Vintage 感，係我最鍾意嘅。性能上，最令人感嘆就係對焦速度，基本上可以話係一按即拍，平時影相個種 先 Focus 後拍照 嘅感覺已經唔存在。今次繼續有 Art Filter 等得意功能，加上復古機身，文青實 LIKE，可惜屏幕唔可以調到自拍嘅角度，相信會令不少年青人卻步。
售價：
$6,690 – 單鏡套裝（連 14-42mm F3.5-5.6 電子變焦鏡頭）
查詢：Olympus (2376 2150)
搶錢行動？《MGS5：The Phantom Pain》PVP 模式或需要用真錢解鎖先玩得到
Konami 大作《Metal Gear Solid V: The Phantom Pain》下月初便會正式登場，而在小島秀夫傳聞離開之下，它或有可能會成為《MGS》系列最後一款作品。除精彩的單人模式外，該遊戲更會加入一個名為 Forward Operating Base（FOB）的 PVP 模式，不過今日卻傳來了一個壞消息，因為 FOB 或需要用真金白銀解鎖才能玩得多。 (閱讀全文…)
6 大港人新發明 ! 科技園創新英雄集結《動感科學園地》
創新科技不一定晦澀難明，當中不少都和生活息息相關，甚至已經融入你我的家居之中。香港科技園公司最近展出「科技創業培育計劃」旗下本地創新英雄的最新發明，涵蓋與市民息息相關的六個範疇 — 家居、健康、運動、感官、娛樂和飲食，而這些最新發明稍後更會於 MegaBox 展出，有興趣親身體驗智慧生活的朋友一定唔可以錯過了！
