星期五香港將會是第一批國家或地區發售 iPhone 5，但我串哥從行家收到風，神通廣大的先達已經有店舖今日番咗貨！當然，第一批貨貨量極少，售價仲好貴！16GB iPhone 5 售價高達 $8,800，而 32GB 及 64GB 版本更昂貴，分別以 $9,800 及 $10,800 發售。至於白機版本，就與黑機版本同價。不過有心買嘅潮人一族要注意啦！因為 iPhone 5 仲未公開發售，所以就算今日買到機，仍然要等到星期五才可以啟動得到，完全不是「早買早享受」呀！
▼ 負責人 Lo 哥
至於不少人也關心的「回收價」，串哥當然有幫大家同 G-World 負責人 Lo 哥八下，佢話一切視乎供貨量而定，暫時預計 iPhone 5 開賣第一天，16GB、32GB 及 64GB 的回收價分別是 $7,000 – $8,000、$8,000 – $9,000 及 $9,000 – $10,000，同樣是黑、白同價。當然，「投資涉及風險，有升有跌」，炒 iPhone 一樣喺！串哥咁聽就咁講，第時大家收唔番呢個價唔好黎搵我追討。
相關文章:
【評測】MacBook Pro M4 2024 詳細效能評測 + 選購指南分析 7 大要點 【評測】Mac mini M4 2024：進階用家最應該買的 Apple 電腦 效能、日常應用詳細評測分析 【教學】iOS 18.1 如何用 Apple Intelligence 只需 2 個設定 + 香港免 VPN 也可用
分享到 :
最新影片
