我 Bowl 姐平時聽唔少姊妹講，佢哋 Dream Man 嘅要求總係離不開家底豐厚、大隻、靚仔等等無數個論點 …但我自己覺得愈幻想得無止境嘅人，只會變成成日埋怨識唔到好男仔嘅女仔。又或者係睇得多偶像劇的累事， 哈哈…….
普遍 Dream Man 4 大要求:
1．家底豐厚
能夠令你無憂無慮、3 餐溫飽、享有各種名牌、盡享奢華生活
2．好好先生
態度誠懇有禮，對女伴非常細心體貼。
3．緋聞絕緣體
無論如何都覺得唔會有女仔喺身邊團團轉。
4．身材健碩
擁有強壯臂彎，可用盡全力保護你，幫你擋盡風風雨雨。
不過我覺得偶像劇令人幻想得太多，有時我覺得劇迷太沉醉佢地自己世界，喺女主角嘅世界裡面，總有班壞人陷害佢，然後就會出現個永遠喺身邊保護佢支持佢嘅白馬王子，又或者有個刁蠻公主，無論公主點發脾氣個男主角都會百般遷就 (我承認自己都有睇開偶像劇，自己都曾一度太代入角色被蒙蔽了)。所以令一班女仔對愛情世界諗得太過美好，令到自己嘅要求有所提高，亦相信總係有呢類白馬王子喺身邊等緊佢。
但其實有無發現愈有要求嘅人，愈係搵唔到另一半嘅呢？又或者當佢搵到另一半，橫睇點睇都唔係佢本身嘅準則。仲埋怨緊果班人，不如試下停一停，諗一諗，諗下自己嘅性格有無咩唔好，改善下自己先好咁揀擇人啦 ( 莫問你在選擇人 人亦能選擇你) 。
DREAM MAN?真係DREAM下好嗱! 🙂
分享到 :
最新影片
