iPhone 5S 炒左一日一夜之後，至今日旁晚先達收機價陸續跌穿 $6,000，最低價甚至曾經見過 $5,800，每部只係賺到 $212，扣埋車錢晨咁早去攞 iReserve 訂機真係冇咩著數，相信黑色iPhone 5S 好快就炒完第一轉，真正用家好快可以唔駛捱貴機!!
據先達的老友報價，市面流量最高的 16GB 黑色 iPhone 5S 最新價已經跌至 $5,800(未開封) 。黑色 iPhone 5S 大跌價除左因為貨量最多之外，估計亦同黎緊幾日即將打大風，大家唔太睇好黑機後市情況有關，即使係 uwants 個體戶收機佬好多都貼 Post自稱收夠黑色 16GB，部份更加已經唔再接貨，究竟真係收夠定係同各位炒家玩緊心理戰呢!? 雖然黑機跌勢未止，不過=金色機仍然有價有市，16GB 價位仲係企得好硬保持係 $9500 左右(未開封)，相信一日 iReserve 未有金色機訂，仲有一段時間可以慢慢炒。
分享到 :
最新影片
