今年在仁寺洞開幕的 ALIVE MUSEUM 是韓國首家 4D Trick Art 藝術館(好似係),真係好好好好好玩。小編皓藍跟藍妹(我妹妹)用了旅客優惠券後買了12,000 won 的套票(100蚊都唔洗),套票包括在仁寺洞的兩個 ALIVE MUSEUM(4D Trick Art 藝術館 + Ssamzigil 的活態藝術館)。價錢比香港的 3D 博物館便宜,遊覽的面積加館藏多了起碼5倍。今次希望無令到大家失望,覺得唔夠 3D 啦!4D 部分就會在最後的影片展示比讀者。
上半部分:4D Trick Art 藝術館
▲藍妹(左) 藍哥 (右)
▲ 最欣賞 4D TrickArt 嘅地方就係有好多互動設施,唔係齋影相咁簡單,彈床都有得你跳!
▲ 照片經過後期旋轉或剪裁就可以變成最理想的 3D 照片。
▲ 此為 4D 作品,當你將拳頭伸直,龜波氣功就發動!
▲ 小寶寶,快睡覺。
▲ 眾卿家平身。
▲ 神啊!救救我吧!
▲ 博物館十分善用空間,就算是通往下層的樓梯也會掛上視差小遊戲與賓客互動。
▲ 話明 4D 體驗館,係唔同嘅。
▲ 訓棺材體驗之旅。宜家土葬好貴,大家試下好啦!
▲ 4D 博物館一點都唔馬虎,你訓咗落去之後個天花板會交足戲比你。
空間夠大,但少工作人員在場
小編去完香港 3D 博物館後,本抱著要同大陸遊客逼嘅心理準備。到後見到空間極其寬敞,感到驚喜!而且場館將不同區域劃分得不錯,順著一路走小編都未試過要排隊影相。如果有賓客在拍照的時候,你可以在隔離左右的畫作拍照,然後再拍回你剛才想拍的畫作。每一件作品之間的空間都很足夠,不會在拍照的時候撞到其他人。不過跟香港的 3D 博物館一樣,一個去係好唔方便… 在場的工作人員甚少,多數在入場或出口的地方,所以如果想叫其他人幫你拍照的話就要勞煩其他賓客啦!
▲ 有得睇,有得食。(不過係食咗你)
▲ 食完就屙,好出奇啊?
▲ 屙完再飲嘢補充下水分。
▲ 媽媽,我要奶奶。
▲ 從地面玩到上太空,都唔洗 100 蚊。真係好鬼抵!!!
如果要問韓國人幫你拍照要點講?
사진 좀 찍어 주시 겠어 요?
sajin jum jjigeo jusi gesseo yo / 沙賤jum知個ju史嘅所唷
下半部分:Ssamzigil 活態藝術館
▲ 惡搞著名藝術家,Andy Warhol。
▲ 一字馬?輕輕鬆鬆鄧梓峰!
▲ 藍妹的高度去拍攝…係咁上下…
活態藝術館較少人
因為小編買的是套票,所以位於仁寺洞的館都全去了。但如果讀者沒有這麼多時間,可以選擇買其中一個館的入場館。Ssamzigil 的活態藝術館比 4D Trick Art 藝術館面積小,但同時亦相對少人。如果讀者們想純粹消磨時間,影幾張想呃 like 的話,小編就建議單買 Ssamzigil 的活態藝術館入場卷。[ 大人:9000 won 青少年 (11-18歲) : 8000 won 小童 / 老人:7000 won ]
▲ 除咗互動的部分,還有一些純觀賞的畫作。(好恐怖)
▲ 嚇死我。
▲ row row row your boat.
▲ 點解咁耐篇文都未完!
▲ 小編很欣賞在 Ssamzigil 的博物館一貫其他博物館的作風,善用空間。就算食等候升降機的位置也會有讓賓客互動的作品。
▲ 完啦!
小總結:超抵,超好玩!
相比於香港,韓國的 3D / 4D 博物館面積較大,空間很寬敞。除了有必有的 3D 畫還有很多互動設施和小遊戲,絕無冷場,只有源源不絕的驚喜。100蚊港紙都唔洗,就可以玩半日!玩到累就可以出大街飲下果汁,食下嘢,十分方便。唯一小編認為最唔方便就係館內係無廁所,如果你要去廁所就一定要出去館外的洗手間。但洗手間亦一樣有驚喜…
▲ 問你服未?(由於是偷拍的關係,有點手震…)
Video :
background music :
루이 (Louie) [Geeks] – 산책 (Walk) (Feat. Crucial Star)
場館資料:
Alive Museum 愛來魔相藝術館仁寺洞總館 首爾鐘路區仁寺洞街 12(仁寺洞 43) 大一大廈 地下1、2層 仁寺洞步行街入口處 Alive Museum愛來魔相仁寺洞Ssamzigil館 首爾特別市鐘路區仁寺洞街 44(寬勳洞)Ssamzigil內 營業時間: 上午 9:00~22:30 (入場截止至08:30) 常年無休 電話: 1544-8506 (02-6933-2542)
分享到 :
最新影片
![](https://cdn.unwire.hk/wp-content/uploads/2024/09/iphone16_d_web2-694x390.jpg)