近排小編 試玩手機就多，但見樣試相機就反而係第一次。講返正題，今日 Sony 發佈全新 a5100 可換鏡頭相機，規格是 a6000 的弱化版，但功能亦保留 a5000 玩味感覺，想知這台 a5100 有乜好玩就要留意「小編 玩」喇！（以下有更多資料）
有反芒的 a6000、機身略細
今日發佈的 a5100 小編 起初還以為 a5000 的後繼機，因為設計相幾乎完全一樣。點知它原來是 a5000 與 a6000 之間的新型號。相比 a5000，新機用了 a6000 同款的 2,430 萬像素 CMOS 及 179 點相位自動對焦系統，簡單說即係像素高了、對焦更快，而且連拍更增至 6fps，但速度仍比 a6000 慢一點。不過，對小編 來說 a5100 始終有點太細，但拿起都算舒適，操作「順手」，加上特色「反芒」設計，個人認為比較適合女用家使用。
▲ 雖然 a5100 拿起感覺都算舒服，但對小編 來說就有點太細了吧！
相關文章:
【評測】Sony Xperia 1 VII 詳細評測 影音表現更全面 + 超廣角鏡表現大幅強化 Sony 新 1 系 Xperia 513 發佈 外觀似無大變 + 更強 Alpha 鏡頭？ PS5 歐洲英國澳洲紐西蘭齊加價 香港暫未受影響
自拍方便 有柔膚模式！
既然適合女用家使用，除了自拍要方便，但更重要拍出來要「夠靚」才收貨。而 a5100 就內建柔膚模式可設定，有低、中及高三個程度，讓你任意調整對美的要求，小編 就找來 Model 試一下，原來用同唔用差別幾明顯啊！
▲ 有柔膚模式可以啟用，但記得非自拍時要關掉，不然所有相片都「柔膚」了。
▲ 左邊是關了柔膚功能，右邊是開了「高」美肌功能，不用放大都看得出明顯差別。
一觸即拍、有 WiFi /NFC 連手機
a5100 除了硬件升級，令我覺得最特別是設有 Touch Screen 功能，好處是可以學手機咁「一觸即拍」及選擇對焦位置，而且反應都不比手機慢。此外，它同樣附設 WiFi 及 NFC 功能，除了方便「過相」，亦可使用手機 App 連接相機用作遙控拍攝或加裝拍攝模式等等。
▲ 觸碰屏幕就拍攝，感覺就好似使用手機，但屏幕就細了一點。
▲ 用 WiFi / NFC 連接手機已不是新鮮事，但 Sony 就勝在有 App 支援。
相關文章:
【評測】Sony Xperia 1 VII 詳細評測 影音表現更全面 + 超廣角鏡表現大幅強化 Sony 新 1 系 Xperia 513 發佈 外觀似無大變 + 更強 Alpha 鏡頭？ PS5 歐洲英國澳洲紐西蘭齊加價 香港暫未受影響
高 bitrate 1080p@60 拍片唔易「爆格」
a5100 會繼續使用 Bionz X 處理器，但沒想不到連拍片能力都同時升級。這次它不但可拍攝 1080p 60p 短片，而且還支持 RX100 III / a7S 才有的 XAVC S 格式，好處是 bitrate 更高令短片更細緻不易「爆格」，但前提大家要準備一張 64GB 高速 SD 記憶卡。
▲ 支援 XAVC S 格式短片拍攝，優點是 Bitrate 可達 50Mbps，拍攝動態畫面都不易「爆格」。
對焦速度媲美 a6000
a5100 賣點是擁有 a6000 級數對焦速度，小編 試拍一陣就已經感受到與 a5000 的差別。相片方面，即使用 SELP1650 套裝鏡頭拍攝，細節仍算清楚銳利，而且 ISO 1600 以下都未見明顯雜訊，感覺好像跟 a6000 差不多，假若配支大光圈定焦鏡，自拍或 SnapShot就真係「冇得頂」。
相關文章:
【評測】Sony Xperia 1 VII 詳細評測 影音表現更全面 + 超廣角鏡表現大幅強化 Sony 新 1 系 Xperia 513 發佈 外觀似無大變 + 更強 Alpha 鏡頭？ PS5 歐洲英國澳洲紐西蘭齊加價 香港暫未受影響
蛇評：旅行機 換鏡變化多
a5100 感覺是輕巧的旅行機，雖然感覺同 RX 100 III 有點重疊，但小編 認為 a5100 可換鏡令玩法變化更多，而且對焦速度快，想拍攝運動賽事都應付得來，兩者怎選擇就視乎你喜歡動或靜多一點。
售價：$5,490 起 (單Kit SELP1650 套裝）
查詢：SONY（2345 2966）
相關文章:
【評測】Sony Xperia 1 VII 詳細評測 影音表現更全面 + 超廣角鏡表現大幅強化 Sony 新 1 系 Xperia 513 發佈 外觀似無大變 + 更強 Alpha 鏡頭？ PS5 歐洲英國澳洲紐西蘭齊加價 香港暫未受影響
分享到 :
最新影片
