試業多個月的 HKTV 購買 Mall，今日終於正式開幕，而且最多人想知的，是點樣用 HKTV 送出的 $100 買盡心頭好。而家就等 unwire 教教大家啦。

 

簡介 :

點解有 $100 用？

基本上，任何係 HKTV 購物網入面嘅 product，你都可以用呢 $100，亦即係話無論你係買幾蚊或者十幾嘢，或者買王維基係記招入面公佈最貴嘅百幾萬一條的首飾，都可以用呢 $100，而且亦可同時享有 3% Mall Dollars 現金回贈。不過要留意：如果買唔夠 $400，係要俾運費，而呢 $100 係唔可以用來俾運費架！所以，買夠 $400 再用呢 $100 回贈，就可以賺到盡！ uwnire 讀者想知領取方法可參考 <這裡>

有咩好買？

基本上生活百貨、首飾化妝品護膚品、嬰兒食品用品、寵物食品用品、相機手帶呢類 gadgets、甚至航拍直升機，都可以買！想知有咩買可以睇番下面相片。unwire 讀者應該想知 gadget 產品比較多?

會唔會有假貨？

根據 HKTV 主席王維基係記者會表示，HKTV 網購平台所賣的產品，全部都係「正版正貨」，唔似某啲中國網購平台會買到假貨嘅情況。另外，亦唔會有水貨，希望顧客消息時，可以有十足信心買到優質產品。

網購平台產品售價貴過超市？

有傳媒發現 HKTV 提供的網購平台，部分所賣貨品售價比坊間店舖、超市所賣的貨品會貴啲。王維基在記招入面表示，部分店舖均會間唔時做優惠，如果用個個售價來同 HKTV 的貨品比較，可能會平啲。但如果平時情況，將 HKTV 的 3% Mall Dollars 現金回贈計算在內，其實都會比坊間平。但如顧客發現坊間產品平時真係平過 HKTV 銷售嘅同一件產品，歡迎隨時報告。

 

HKTV 用盡 $100 慳錢攻略

限制：

• $100 回贈不可使用於運費
• 運費 1 間公司 $40。如買多過 $400 可免運費。
• 每一個身份證 ID 只可使用此獎賞一次
• 此獎賞只可於 3 月 31 日前使用
• 建議玩盡 $400 連運費都慳埋

 

1.買維他奶(暫時搶完)／飲品：

keyword :  維他

$16.9 買 6 包裝維他奶，6 Pack 就剛剛好 $101.4。扣除 $100 獎賞再加上 $40 運費，即是 $41.4 買到 36 包，平均 $1 蚊 1 毫 4 就有一包維他奶。

關鍵字：維他

 

2.買 Xbox One 手掣：

Xbox One 手掣除了玩 Xbox One (如有的話)，主要用途當然是用來玩 PC GAME 啦。針對 $400 免運費的方案，只需 $328 就可買到個 Xbox One 手掣，非常好用。

關鍵字：Xbox One

 

3.買奶粉：

HKTV 的奶粉普遍較市面上的貴一些，不過回贈 $100 又唔同講法。買一罐 3 號利全奶粉只需 $165，而兩罐可減運費只需 $350。

關鍵字：奶粉

 

4.買點數卡 (暫時搶完)：

簡簡單單買 Xbox 點數卡，做金會員又好、買 Arcade 遊戲亦得。$150 點數卡回贈後再加運費都只是 $90。不過現時已經極速被買光了。

關鍵字：Xbox One

 

5.買快熟通心粉：

買 22 包家樂牌快熟通心粉剛好 $101.2，回贈後加上運費為 $41.2。除開只需 $1.8 一包。

關鍵字：通心粉

 

6.買 May 姐曲奇：

May 姐曲奇在 HKTV 上有特價，$134 再減 $100 加 $40 只需 $74 一盒。不過筆者就未試過味道，應該不會差吧。

關鍵字：May 姐

 

7. 買午餐肉

午餐肉可存放經年，買多多也沒所謂。$39.9 買 3 罐 $119.7，加減回贈及運費等於 $59.7，即是一罐只需 $19.9。

關鍵字：午餐肉

 

8. 買紙箱人充電

紙箱人 10400 mAh 充電器街賣都不便宜，HKTV 上就賣 $348，減完回贈再加運費只需 $288。另外如果買多 $52 其實可獲得 $400 免運費的優惠。

關鍵字：充電器

 

9. 買旅遊書

正文社的旅遊書好好睇，亦剛好賣 $108，除了買一本可變成 $48 之外，有需要亦可以買四個地區的旅遊書來去運費，除開一本為 $83。

關鍵字：正文社

 

10. 防曬粉餅

HKTV 上面亦有很多化妝品、護膚品賣，很多也剛好超過 $400。例如這個防曬粉餅，減完 $100 之餘又可免運費。

關鍵字：粉餅

 

11. 貓糧/狗糧

有養寵物的人士，在 HKTV MALL 亦可找到很多貓糧/狗糧，這個 HILLS 貓糧就剛好 $402，用量優惠。

關鍵字：貓糧/狗糧

 

12. 維新烏絲素

男士想防脫髮或者防頭髮變白，在上面亦可找到維新烏絲素。$449 減完變 $349。

關鍵字：維新烏絲素

 

13. 手臂式血壓計

 

有血壓高/低問題亦可買個血壓計，這個手臂式的減完只需 $350。

關鍵字：血壓計

 

14. 鴻福堂套票

鴻福堂最近做 Promotion， 一套 10 張的 $50 自家湯套票只需要 $410 就買到，在 HKTV Mall 上買又可減多 $100 兼免運費，即是 $310 有 10 張 $50 的自家湯換領票。

關鍵字： 鴻福堂

 

15. 韓國消脂按摩器

這個 Swanicoco 韓國按摩器都可在上面找到，減價 $419 再回贈變 $319。有緊緻皮膚及消除多餘脂肪的功用。

關鍵字：按摩器

分享到 :

最新影片