農曆新年想換部特別啲嘅手機？除了「紅當當」弧形嘅 LG G Flex 2，近日有舖頭就返咗被譽為「冇邊框」嘅 Crystal X，佢係早前發售 的 Crystal 高級版，重點係規格用返當代最強配置，加上「冇邊框」嘅 1080p 屏幕，想知佢有幾吸引就要留意喇！（以下有更多資料。）
Sharp Aquos Crystal X (下稱: Crystal X) 咁多人期待全因佢擁有目前最窄邊框，畫面邊緣幾乎見唔到邊框，相比之下 SH-01G 已經算厚，而 Crystal X 同 Crystal 分別係 5.5吋屏幕擁有 1080p IGZO 解像度，畫面固然比 Crystal 的 720p 更細緻。畫面方面，屏幕質素相當唔錯，亮度極強，顏色鮮艷但唔誇張，配合「冇邊框」睇片時幾乎望唔到機身，視覺非常震撼好似畫面浮出來咁，感覺同一般手機好唔同。
▲ 畫面邊緣已經看唔到邊框。
▲「冇邊框」睇片效果非常震撼，感覺就好似畫面浮係面。
▲ 屏幕顏色頗準確，未有特別偏藍或偏黃。
Crystal X 設計同之前 SH-01G 有點相似，屏幕佔了機面大部分空間，只剩底部放置前鏡頭及通話咪。機背設計就有別於 Crystal，背蓋用了全凹凸紋設計，感覺比較單調，但手感較佳。不過，Crystal X 整體手感只係普通，除了略膠，小編 握住時仲覺得有點「跣手」（試機要好小心…）。
至於「冇邊框」時會唔會誤觸？正常使用冇問題，但拉盡點擊的話，拇指與食指之間的皮可能會觸到屏幕。最後，Crystal X 都有三種顏的選擇，雖然佢有紅色，但搶眼程度不及 G Flex 2，反而白色睇落更「Sharp」。
▲ 兩部機都係 5.5 吋屏幕，但 Crystal X 機身明顯細一個碼。
▲ Crystal X 體積細，但機身比較厚，單手操作並非預期非常輕鬆。
▲ 底蓋可揭起，裡面可插入 Nano SIM 及 MicroSD 卡，但切記此機並唔防水！
▲拇指拉盡點擊，拇指與食指之間的皮可能會觸到屏幕。
▲ Crystal X 有三款顏色選擇，雖然有紅色，但感覺白銀色最「Sharp」。
Crystal X 名義上係 Crystal 高級版，但實際配置只係去年旗艦機水平，機內搭載 Qualcomm Snapdragon 801 處理器及 2GB RAM，性能都唔弱，但比較同期 Snapdragon 805/810 或 3GB RAM 就稍為失色。至於 Softbank 好多人擔心的網絡問題，小編 借來的已支持香港 4G LTE 網絡。相機方面，Crystal X 配備 1,300 萬像素主鏡頭，雖然介面都有「先拍後對焦」等功能，但可惜相片放大「油畫」情況頗嚴重，同獲得 GR 認證的 SH-01G 相比，相片質素差距甚大。不過爭議再大，小編 覺得都唔及前鏡頭只有 120 萬像素，質素連
網上分享都係勉勉強強。▲ 搭載 Qualcomm Snapdragon 801 處理器及 2GB RAM，於 Antutu 錄得約 40,o00 分成績。
▲ 支持香港 4G LTE 網絡。
▲ 預載 Android 4.4 ，機內還有OfficeSuite 等實用程式。
▲Crystal X 提供 Harman / Kardon Audio 音效優化，啟用「Clari-Fi」後高音會突出一點。
▲ 主鏡頭為 1,300 萬像素，可拍 4K 影片，但相片放大「油畫」情況比較嚴重。
見識過 Aquos Crystal X 「冇邊框」屏幕後，小編 都認同佢外表同視覺上都無懈可擊，不過除咗屏幕，Crystal X 相機同規格都只係普通，雖然佢都有紅色，但 $6,180 呢個價錢，我個人會比較喜歡 LG G Flex 2，先唔講價錢平啲，但起碼相機同規格都較強。如果單純係外表先抉，咁就要睇「冇邊框」同「弧形」你覺得邊個較搶眼喇！
售價：$6,180 ( 黑/白) 、$6,380 (紅)
查詢：三禾電氣 (2374 0618 )
