Zenfone 推出以來都以「抵玩」作招徠，但今晚 Zenfone 2 推出大家關注唔係有幾平，而係最高配置果款賣幾貴，要知道 4GB RAM 係手機中真係史無前例，如果你都想知佢用起來有咩特別就要留意。（以下有更多資料。）
4GB RAM 電腦級配置！
用過 Android 都會體會過 RAM 經常唔夠用，即使配備 3GB 都好快剩返幾百 MB，因此 Zenfone 2 (ZE551ML) (下稱: Zenfone 2)首度引入 4GB RAM 在手機上，容量比 One M9 或 Galaxy S6 還多，開機時都有成 2.2GB 以上可用，基本上無論開幾多 APP 或 Game 都唔怕唔夠用。而為配合 4GB RAM，ZE551FL 亦採用 64bit 的 Atom Z3560/Z3580 四核處理器，性能比 Tablet 用的更強，於 Antutu 可錄得約 48,000 分，成績拍得住 Qualcomm Snapdragon 810，加上預載 Android 5.0 完全兼容 64bit 運算，性能如發佈會所說的一樣屬「怪獸級」。
▲ 搭載 Intel Atom Z3580 四核處理器及 4GB (3908MB) RAM，於 Antutu 錄得約 48,000 分，成績跟 Snapdragon 810 接近。
▲ 開機後，開了幾個 App 還有 1.8GB 多剩餘 RAM。
▲ 5.5 吋屬 1080p IPS 規格，顏色微微偏暖 (可 Splendid 調較)，但亮度只是僅僅足夠，開到最光感覺才比正常光少少。
內建 64GB 仲有插卡、支持 4G + 雙卡雙通
單純 RAM 多係唔夠吸引的，因此 ZE551FL 特別搭載 32GB 及 64GB 特大儲存空間，但同時又保留 MicroSD 記憶卡擴充，這樣裝再多 App 及遊戲都唔怕唔夠位 (暫時最大 64GB + 128GB)。此外，近年「平價手機」興起的雙卡雙待，Zenfone 2 都有，而且支持「雙通」及 4G LTE 制式，再加埋 ac 制式 WiFi，無論街上屋企上網都保持高速。最後，Zenfone 2 同其他旗艦機一樣有「快充」設計，雖然並非 Qualcomm 提供，但電流仍可達 9V / 2A 規格跟 Quick Charge 2.0 屬同一水平，最快 39 分鐘可充滿 3,000mAh 。
▲ 擁有特大 64GB 儲存空間，而且還可加插 MicroSD。
▲底蓋可揭開，裡面可插入兩張 Micro SIM 及 MicroSD。(有 NFC)
▲支持雙卡雙待及「雙通」，而機本身亦支持 4G LTE 網絡 (只支持香港 FDD 1800MHz) 。
▲ 「快充」可支持 9V / 2A 電流規格充電，官方聲稱 39 分鐘可充滿 3,000mAh 電池。
設計似 G3 、手感唔錯少重
去年 Zenfone 5 小編 已讚手感唔錯，但想唔到 Zenfone 2 機身再重新設計，外形傾向弧形，並加入音量背鍵，但感覺未必太似 LG G3 / L24 吧！手感方面，兩機拿起手感都很似，但 Zenfone 2 會「墜手」少少，而且 Zenfone 2 電源設於頂部，操作時食指會感到唔太方便，幸好它們加入「ZenMotion (黑屏手勢)」即「敲芒」啟動來解決 (又想起 LG…)，同時還附寫字開 App 等功能 (例: 畫 C 字啟動相機) ，兩者配合體驗都算唔錯，而且背殼還設紅色選擇，單係呢點就值得加分！
▲ 雖然 Zenfone 2 屏幕增至 5.5 吋，但改用弧面機背設計，拿起感覺唔算好大部，但感覺跟 G3 頗似。
▲ 採用音量背鍵設計，而電源鍵就設於頂部。
▲ 透過「敲芒」可以開關屏幕。
▲ ZenMotion 內還有其他快速啟動功能。
▲ 雖說 1,300 萬像素 Pixel Master 相機比有所改良，但在小編 要求放大相片後睇到質素只是「麻麻」。(純網上分享用途)
小編 ：兩千幾蚊 4GB RAM 仲想挑剔乜野？
去年 Zenfone 俾人印象係「鬥平」，來到 Zenfone 2 價錢雖然貴咗，但感覺就變成鬥「規格」，而且仲要去到盡，又 4GB RAM 又 64GB ROM，條件甚至比剛推出的旗艦機更吸引，即使 Zenfone 2 有地方未夠完美 (尤其相機 ) ，但只須大廠旗艦 1/3 價錢，單憑這點已經無可挑剔。
售價：$2,099 (32GB) ; $2,499 (64GB)
查詢：ASUS（3582 4770）
