眾所周知，Letv 在香港可以講係用高性價比智能電視起家，不過早前就「撈過界」，唔止玩電視，仲出埋智能手機，傳聞仲會係今年下半年登陸香港。Letv 就自己製作了一個超級電視 vs 超級手機的對比，小編就覺得幾過癮，同大家分享一下。唔知大家又同唔同意呢？以下有更多資料：
1) 兩個都好靚？
首先，是超級手機同超級電視，都採用漂亮工藝製造，而且具備流線型設計，兩件產品雖然體積差好遠（電視無可能拿係手上面掛 lol），但都好靚。
2) 兩個都好窄？
第二點，就係兩件產品都「好窄」。咩好窄？指的是邊框：超級手機的邊框只有 1.6mm，而超級電視的邊框亦只有 4.9mm，兩件產品係自己的產品範疇，都係屬於窄邊框的產品，所以係「兩個都好窄」。
3) 兩個都好色？
第三項 Letv 認為有共通點的，就係超級手機同超級電視都「好色」。當然，這「好色」指的絕不是大家心目中的意思，而是熒幕顏色漂亮吸引：超級手機的熒幕具備「動態顯示樂彩熒」功能，而且採用優質熒幕，所以顏色鮮艷又自然；而超級電視就採用 InnoLux 熒幕，加上具備全視角功能，擁有高的可視角度，所以同樣出色。
4) 兩個都好插？
至於第四項比較，就是「兩個都好插」。咩意思？超級手機內建了 USB Type-C 接口，是全球首部採用此接口的手機，無論大家想正面定反面插，都無問題；至於超級電視，就內建多個接口，包括：RF 輸入、AV 複合、SD 卡插槽、USB 3.0、HDMI（其中一個支援 MHL）、10/100M 乙太網接口及光纖輸出，雖然未至於極多，但絕對足夠。
5) 兩個都有內涵？
第五項比較，Letv 稱為「兩個都有內涵」。咩意思？主要是比較兩者的處理器。超級手機採用了最新的 Qualcomm Snapdragon 810 八核心處理器，效能上在現時各品牌的旗艦智能手機中，都是最頂級的一群；而超級電視就採用了 Mstar 6A918 四核 1.5GHz 處理器，配合 Mali-450 MP 四核 GPU，而 Mstar 更是市場上較佳的電視處理器，無論是效能或處理圖像上，都有頂級的表現。
6) 兩個都慳家？
比較了功能，來到第六項，Letv 就比較超級手機及超級電視的售價。超級手機雖然仍未在香港推出，所以未有香港定價，但已在中國上市的超級手機 1，售價只是 1,499 元人民幣（約 HK$1,874）；而超級電視，例如主打高性價比的 S40 Air，淨機價亦只是 $1,999，作為一部 1080p 全高清智能電視，同樣超值。
7) 兩個都想要？
最後一項，Letv 就認為綜合以上比較，Letv 的超級手機及超級電視都是十分高性價比及功能、效能吸引的產品，加上未來當 Letv 超級手機在香港推出時，超級手機及超級電視所使用的香港 UI 用戶戶口，是可以共通的，例如：可以用手機做遙控控制電視、係屋企用超級電視煲劇煲到一半想出街，可以係手機上面，於電視停止位置繼續收睇。另外，當大家係電視睇電影時，可以係手機顯示呢套電影的資料，供用家參考，有咩意見亦可以在平台上面討論，與其他影迷互動。所以 Letv 的結論是：兩個都想要！唔知大家又認唔認同呢？
當然，Letv 超級手機最快都要係今年下半年先係香港推出，係咪真係咁正，就只有到時先同大家來個詳細測試啦。但超級電視就一早已經係香港推出，而主打高性價比的 1080p 四核電視 S40 Air，最近更舉行搶購活動，而且由之前 500 部，加碼至今次 1,000 部，淨機價亦只係 $1,999！有興趣的，可以點按此進入樂視官方商城預約，並係下星期三中午再次進入官方商城鬥快搶購。
分享到 :
最新影片
