你有無諗過，如果音樂串流同你就好似男女朋友咁，當你轉會既時候，就好似講分手攤牌咁？如果你想像唔到唔緊要，睇下由 Hot Chocolate Party 製作既短片啦！
影片就係個女仔要離開依家個男朋友 Spotify 轉向其他人懷抱，咁就緊係投向近排好 hit 既 Apple Music 大人啦。成套短片就係 Spotify 同 Apple Music 不停想盡辦法想得到女仔既青睞（其實主要係 Spotify ），當中有唔少搞笑位，咁小編最鍾意緊係最後 Spotify 問女仔「點解我咁好， Premium 更加係無得挑剔，你都要離開我走去 Apple Music 啊」，個女仔只係好簡單咁講左一個人名，相信咁多位讀者都估到係邊個啦哈哈！唔知？就更加要睇片啦。
成套片主要就講 Spotify vs Apple Music ，但當然少不了其他音樂串流包括 Pandora 同 TIDAL 啦！當 Pandora 插咀既時候，完完全全唔係講同一個話題，只係識不停講一啲無關既藝術家同埋佢既個性化電台；而 TIDAL 就著到金光閃閃，諗緊辦法點裝咁多錢放落銀包。
成套短片最後 Padnora 同 Spotify 講話，「佢會返黎架，只要比佢三個月就得啦」其實即係 Apple Music 既三個月試用期。雖然成套片係搞笑，但呢個位又幾值得思考啵，到底 Apple Music 過左三個月試用期之後會唔會 keep 得住個勢仲係未知之數，用户有可能返返去佢地個 Ex Spotify 度呀！
來源： Digital Trend
《彭博》爆 Spotify 將調高月費 另計劃推出更多服務計劃 Spotify 英國進行新測試 加入影片學習課程功能 Spotify 推出迷你播放器 供 Mac 或 Windows 付費用戶使用
