依莉詩開心大發現！鴨記 $50 電筒都做到 Gel 甲

上次試完 Nailla 既 LED 燈機，覺得佢機仔細細真係好方便，不過，依莉詩我又點會咁快放棄，最後就俾我搵到日本品牌 Eternal Basic 推出既電筒型 LED 美甲燈。望真 D ，果然又真係成個電筒咁，但一 set Eternal Basic Gel甲套裝要成 $298，咁不如去鴨記買支電筒好過啦！於是小編就買左支電筒番嚟做測試啦。

 

鴨記照銀紙電筒

雖然自己都係女人，但有時真係覺得女人錢好易賺。講到甚麼便攜式美甲燈咁勁，好似好新好特別咁，其實說白 D 就係一支會發出 UV光既 LED 電筒，即係平時用嚟照銀紙，會發出藍光個種。小編去鴨寮街睇過，價錢由廿幾到百幾蚊都有，比起美甲燈，平得嚟仲多用途好多添！

 ▲ Eternal Basic 既便攜式 LED 美甲燈，十足一支電筒。

同樣 30秒搞掂

最後小編揀左一支比較硬淨的電筒嚟做測試。我用左 Nailla 既 One-Step Gel、Depend 同 某內地品牌既 Gel甲油試過，發覺同 Nailla、Depend 燈機一樣，用 30秒就可以完全照乾 Gel甲。

▲ 用電筒每次可以照到一隻指甲，非常適合旅行時用嚟補甲。

最緊要光源夠集中

去到鴨寮街，未必檔檔都會俾你拎支指甲油出嚟試。揀既時候最好搵一 D 光源較集中既，就算只係得一粒 LED燈都唔怕，因為 LED 係直束光，要直接照到指甲表面先會乾。小編呢支就有得伸縮既，收縮既時候會發出散光，照既範圍會較廣，而拉長時候既能量就較集中，所以除左用嚟照 Gel 甲。

▲ 收縮既時候會發出散光，照既範圍會較廣。

▲ 拉長時候既能量就較集中。

依莉詩：「$50 就搞掂，夠晒驚喜！」

估唔到照銀紙既電筒都可以用嚟做 Gel甲，平得嚟，仲係用乾電池，帶去旅行補甲就非常方便。不過佢就無燈機既自動計時功能，而且要自己搵野吊住，唔係就要下下拎住先用得啦！

▲ 其實淘寶都有好多類似既電筒賣，而且會送埋隻夾，咁做 Gel甲時就唔洗下下拎住啦！