由今日起直至 8 月 30 日，係德福廣場一期中庭將會展出由插畫家黃俊飛先生以及漫畫家鄺世傑共同創作一連七幅 3D 畫作，主題就係「昔日香港」，最岩同一班朋友去玩同影相！
今次以「留住集體回憶」為題，總共有 7 幅 3D 作品，包括「九龍城的天空」﹑「工廠妹萬歲！」﹑「上海理髮店」﹑「地下鐵開幕」﹑「人力車」﹑「雍雅山房」以及「夏日泳灘」，讀者可以先去感受下係九龍城拎住掠衫竹條條 fing 並且飛機劃破長空，然後再坐人力車穿梭石板街，緊住化身工廠巨型玩具娃娃，去夏日泳灘匿係沙堆入面，或者去雍雅山房狂沖絲襪奶茶，再唔係就上海理髮店被師傅用大風筒吹頭，最後就可以去到為首個地下鐵揭開幕儀式啦！
分享到 :
最新影片
